Mathaayo 5:22 - ÎVUKU RÎA ÛVORO MWARO

²² Nwatî rîu nîramwîra atî, mûndû wa wonthe ûrakaraga nî ûndû wa mûrwang'ina nîagaatuîrwa, na mûndû wa wonthe ûrumaga mûrwang'ina nîagaacirithua nî Kîamma, na mûndû wa wonthe wîtaga ûrîa wîngî, ‘Kîrimû gîkî!’ nîagaaikua mwakirî wa îcua.

Mathaayo 5:22 Referencias Cruzadas

Kîam 37:4

Rîrîa aa mûrwang'ina moonire atî Josefu nîwendetwe nî îthe kûmakîra, nîmaamûmenire na magîtiga kûmwonia wendo.

Kîam 37:8

Nao aa mûrwang'ina nîmaamûririe atîrî, “Ûreciria nama atî nîûgûtuîka mûnene wetû ûtwathage?” Nao nîmaamûmenire mûno makîria, nîûndû wa iroto ciake na nîûndû wa maûndû marîa aaugaga mamegiî.

2Sam 16:7

Shimei nîwarumire Daudi akîmwîraga atîrî, “Thiî! Thiî! Mûragani ûyû! Mwîki naaî ûyû!

2Sam 6:20

Vuvarî rîrîa Daudi aathiîre kûrathima andû a mûciî wake, Mikali mwarî wa Saûlo nîwathiîre kûmûtûnga na akîra Daudi atîrî, “Kaî mûthamaki wa Isiraeli nîatûmîte atîwe ûmûnthî-î! Ke eguûririe nguo yake ya ûthamaki methorî ma ndungata ciake cia erîtu ta mûndû mûritu!”

1Atha 21:4

Ahabu nîwathiîre mûciî gwake arî mûrakaru na ûthû mwîngî nîûndû wa ûrîa Nabothi aamwîrîte, atî tîamûnengera mûgûnda wa mîthabivû nîûndû aaûgaire kuuma kûrî methe make. Ahabu nîwamamire ûrîrîrî wake erekerete rûthingo, na ndangîarîre irio.

2Maû 16:10

Mûthamaki Asa nîwarakarire mûno nî ciugo cia mûrathi Hanani na nîwamûvingîrithirie njera. Kuuma vîndî îo Asa nîwambîrîrie kûvinyîrîria andû amwe.

2Maû 19:5

Nîwathuurire atirîrîri vûrûri matûûrarî monthe marîa maarî mairigîre vûrûrirî wa Juda.

Nehemia 5:8

na ngîmera atîrî, “Tue, kûringana na ûvoti wetû twîthîrîtwe tûkîgûra andû etû a Ayahudi arîa meendetue kûrî andû a Ndûrîrî nîguo macoke kûrî tue. Nwatî mue mwendagia aa mûrwanyûkwe nîguo natue tûcoke twenderue o!” Atongoria acio nwa gûkira maakirire matarî na ûndû mangiuga.

Thaburi 109:3

Maragia maûndû macûku mambîgiî, mantharîkagîra gûtarî na gîtûmi.

Thaburi 14:1

Irimû ciîîraga na ngoro atîrî, “Gûtirî Ngai!” Onthe marî mîtugo mîcûku, na nîmekîte maûndû macûku mûno, gûtirî wanarî ûmwe wîkaga ûndû mwagîrîru.

Thaburi 25:3

Ndûkareke andû arîa magwîtîkîtie maconorithue, nwatî ûconorithie arîa mareganaga nawe.

Thaburi 35:19

Ndûgatûme nthû ciakwa, andû a maveeni manthekerera, Ndûgatûme andû acio mamenerete makenerera mathîna makwa.

Thaburi 37:8

Ndûkagîe na marakara kana ûnyitwe nî mang'ûrîka, Mûtigatangîke nîûndû nwagûtûme wîke ûndû mûcûku.

Thaburi 49:10

Mûndû wa wonthe nîaicî atî wana andû arîa aûgî nî makucaga, mûndû mûritu wana kîrimû nîmakucaga. Onthe matigagîra andû arîa engî ûtonga wao.

Thaburi 69:4

Arîa mamenerete mana nî eengî gûkîra njuîrî cia kîongo gîakwa. Nthû ciakwa ciaragia maveeni îgûrû rîakwa; marî na vinya na marenda kûmbûraga, nîngîvota atîa gûcokia kîndû ndaîîte?

Thaburi 7:4

ethîrwa mbocete indo cia nthû yakwa na vinya gûtarî na gîtûmi, ethîrwa mbîkîte ûmwe wa maûndû mama,

Thaburi 92:6

Mûndû kîrimû ndangîmenya ûndû, mûndû mûritu ndangîtaûkîrwa nîûndû ûyû,

Nthi 14:16

Mûndû mûûgî nîwîmenyagîrîra na nîaûragîra maûndû macûku, nwatî mûndû kîrimû ndamakaga na ekaga maûndû na îvenya.

Nthi 18:6

Mîario ya kîrimû îretaga ngucanio, na nîîretage thîna.

Jeremia 17:11

Mûndû ûrîa ûgîcaga na ûtonga na njîra îtagîrîrîte, ekariî ta gîconi kîrîa kîgumbagîra matumbî gîtaciarîte, gatagatî ga ûkûrû wake ûtonga ûcio nîûkaathira, na mûthiiarî akethîrwa arî kîrimû.

Maca 3:52

“Nyitîtwe na mûtego ta gîconi nî nthû ciakwa na gûtarî na gîtûmi.

Danieli 3:13

Vîndî wa îo, Nebukadinezarû arî na marakara meengî mûno nîwathanire Shadiraka, Mîsheki na Abendinego mavirwe kûrî ke. Nao nîmaavirirwe kûrî mûthamaki.

Danieli 3:19

Nebukadinezarû nîwatûmbirwe nî marakara na agîtunîvia metho nîûndû wa Shadiraka, Mîsheki na Abendinego. Nîwathanire mwaki wongererwe na wakane maita mûgwanja makîria ya ûrîa wakanaga.

Obadia 1:10

“Maûndû macûku marîa mwekire aa mûrwanyûkwe njiarwa cia Jakovu, nîmo magaatûma mûconorithue na mûcûkangue tene na tene.

Obadia 1:12

Mûtiagîrîrwe nî gûkenerera mathîna marîa maarî na aa mûrwanyûkwe. Mûtiagîrîrwe nî gûkena rîrîa andû a Juda maacûkangagua. Mûtiagîrîrwe nî gwîtîîa rîrîa maarî na mathîna.

Mathaayo 10:17

Îîmenyagîrîreni nîûndû andû nîmakaamûnyita na mamûvire ciamarî cia athuuri, na mamûrive mûrî mavoerorî mao.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 12:24

Nwatî rîrîa Afarisai meegwire ûguo nîmaaugire atîrî, “Mûndû ûyû arutûrûraga ndaimono na vinya wa Belizebuli mûnene wa ndaimono.”

Mathaayo 17:5

Na vîndî wa îo Petero wa akîaragia, îtu rîarî na ûtheri mwîngî nîrîaûkire rîkîmakunîkîra. Naguo mûgambo nîwaumire îtuurî rîu na ûkiuga atîrî, “Ûyû nîke Mûrû wakwa ûrîa mendete, na nie nîrîmûkenie mûno nîke, mûthikîrîrieni!”

Mathaayo 18:21

Nake Petero nîwathiîre kûrî Jesû na akîmûria atîrî, “Mwathani, Mûrwaiya angîmvîtîria maita megana ngîmwovagîra? Nî maita mûgwanja?”

Mathaayo 18:35

Nake Jesû akîrîkîrîria nîwamerire atîrî, “Ûguo nwaguo Ngai Vava ûrîa wî îgûrû ageeka kûrî mûndû wa wonthe wa cienyu, mûngîrega kûrekera aa mûrwanyûkwe kuuma ngororî cienyu.”

Mathaayo 23:15

“Na kaî mue arimû a Watho na Afarisai mûrî na thîna-î! Mvinga ino. Mue mûringaga maria na mûgatuîkania mavûrûri nîguo mûgarûre mûndû ûmwe atuîke wa ndini yenyu. Na vîndî îrîa mwamûgarûra, nîmûtûmaga atuîke wa gûgaaikua îcuarî maita maîrî ma ûrîa mue mûgaaikua.

Mathaayo 23:33

Mue njoka na ciana cia njoka! Mûkaavota atîa kûûra nîguo mûtikathiî îcuarî!

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Mathaayo 26:59

Nao anene a athînjîri-Ngai, na Kîamma kîonthe nîmaacaragia ûira wa maveeni ûrîa mangîruta nîguo maûragithie Jesû,

Mathaayo 3:17

Naguo mûgambo nîwaumire îgûrû ûkiugaga atîrî, “Ûyû nîke Mûriû wakwa ûrîa mendete, na nîrîmûkenie mûno nîke.”

Mathaayo 5:34

Nwatî nie nîramwîra atî: ndûkanevîte vîndî îrîa ûreranîra ûndû. Ndûkanevîte na îgûrû nîûndû kûu nîkuo Ngai ekaraga akîathana;

Mathaayo 5:44

Nwatî rîu nie nîramwîra atîrî: endagani nthû cienyu na mûvoyagîre arîa mamûnyariraga,

Maariko 14:55

Nao anene a athînjîri-Ngai, na Kîamma kîonthe nîmaacaragia ûira ûrîa mangîruta nîguo maûragithie Jesû nwatî ûgîtura.

Maariko 15:1

Kîraûko tene anene a athînjîri-Ngai nîmaagîre ndundu na athuuri, arimû a Watho, Kîamma kîonthe na makîrîkanîra ûrîa magwîka. Nao nîmoovire Jesû na makîmûvira kûrî Pilato.

Luka 12:5

Nie nîngûmwonia ûrîa mwagîrîrwe nî gwîtigîra. Îîtigagîreni Ngai ûrîa wîthagîrwa arî na ûvoti wa kûûraga mûndû na akamwikia îcuarî. Nîramwîra na ma atî, ûcio nîke mwagîrîrwe nî gwîtigîra!

Luka 22:66

Kîraûko gwakîa atongoria a mavoero, anene a athînjîri-Ngai na arimû a Watho, nîmaatûnganire vamwe. Nake Jesû nîwarûngamirue mbere ya athuuri acio a Kîamma

Johana 11:47

Kwoguo Afarisai na anene a athînjîri-Ngai nîmaagomanire na Kîamma Kîam Ayahudi. Nao nîmaaûranirie atîrî, “Nîtwîka atîa? Mûndû ûyû nîararinga ciama nyîngî mûno!

Johana 15:25

Naguo ûndû ûyû wekîkire nîguo ciugo ivinge irîa ciandîkîtwe wathorî wao atî: ‘Maamenire gûtarî na gîtûmi.’

Johana 7:20

Nao andû nîmaamûcokerie atîrî, “We wîna ngoma! Nû ûrenda gûkûûraga?”

Johana 8:48

Nao Ayahudi nîmaaûririe Jesû atîrî, “Na kinthî tue tûtiraria ûma tûkiuga atî we ûrî Mûsamaria na ûrî na ngoma?”

Ciîko 17:18

Nao arimû amwe arîa meendete mûno ûûgî wa Epikurio na Sitoiki wa nao nîmaakararanirie nake. Amwe gatagatîrî kao nîmaaûririe atîrî, “Mûvûmbûtîki ûyû arageria kuga atîa?” Nao engî gatagatîrî kao nîmaaugire atîrî, “Ke aronekana takwa arî mûvunjia wa ngai ng'eni.” O maaugire ûguo nîûndû Paûlo nîwavunjagia ûvoro wîgiî Jesû na wîgiî kûriûka.

Ciîko 22:30

Mûnene ûcio wa mbûtû ya athigari nîwendaga kûmenya na ma kîrîa gîatûmîte Ayahudi mathitange Paûlo. Kwoguo mûthenya ûcio warûmîrîrîte, mûnene ûcio nîwathanire akiuga anene a athînjîri-Ngai na Kîamma Kîam Ayahudi kîonthe gîcemanie. Nake nîwaugire Paûlo ovorwe mînyororo na avirwe mbere ya Kîamma.

Ciîko 23:1

Paûlo nîwaroririe athuuri a Kîamma araûkîtie mûno na akiuga atîrî, “Ariû na aarî a îthe wetû, methorî ma Ngai nie nîndûûrîte nîrî na thamiri ntheru nginya mûthenya ûyû wa ûmûnthî.”

Ciîko 24:20

Kana Ayahudi aya marî ava makwîre nî ngero îrîkû moonire mbîkîte vîndî îrîa netetere nîrî mbere ya Kîamma.

Ciîko 4:15

Na rîrîa Petero na Johana meerirwe maume kûu mûcemaniorî, athuuri acio a Kîamma nîmaacokanirie ndundu na makîûrania atîrî,

Ciîko 5:21

Nao atûmwa nîmaathîkire. Nîmaatonyire hekarûrî kîraûko macangîa na makîambîrîria kûthomithania. Na rîrîa Mûthînjîri-Ngai ûrîa mûnene na andû arîa maathiîcanagia nake maakinyire, nîmeetire aakîama na athuuri onthe a Isiraeli vamwe. Nîmaacokire magîtûmana njeera makiuga atûmwa mavirwe Kîammarî.

Ciîko 5:27

Athigari acio nîmaavirire atûmwa kûu Kîammarî na makîmarûngamia mbere ya Kîamma. Nake Mûthînjîri-Ngai ûrîa mûnene nîwamacirithirie

Ciîko 6:12

Naguo ûndû ûcio nîwaunjugire andû, athuuri na arimû a Watho. Nao andû nîmaanyitire Stefano wa rîmwe na makîmûvira Kîammarî.

Ciîko 6:15

Nao andû onthe arîa maarî Kîammarî nîmaaroririe Stefano na vinya na makîona ûthiû wa Stefano wîkariî ta wa mûraika.

Ciîko 7:37

Musa ûcio nwake werire andû a Isiraeli atîrî, ‘Ngai nîakaamûtûmîra mûrathi wata ûguo aandûmire, na ke akeethîrwa arî ûmwe wa andû enyu.’

Aroma 12:10

Endanagani mûndû na ûrîa wîngî ta andû a ng'ina ûmwe. Vecanagani gîtîîo mûndû na ûrîa wîngî.

1Akor 6:10

kana maîaga kana arîa akoroku, kana mîrîu ya njovi, kana arumani wana kana acunani gûtirî mûndû wana ûmwe gatagatîrî ka acio ûkaagaîrwa ûthamaki wa Ngai.

1Akor 6:6

Vandû va ûguo, mûkristiano arathiî îgootirî kûthitanga mûkristiano ûrîa wîngî na agetîkîria andû arîa matetîkîtie Kristû mamatuîre ciira!

Gûco 15:11

Mûkethagîrwa mûrî na athîni vîndî cionthe vûrûrirî wenyu, kwoguo nîramwatha mûmatanavagîre.

Gûco 16:18

“Thuurani atucanîri ciira na anene kuuma matûûrarî menyu monthe marîa Ngai-Mûnene Ngai wenyu akûmûva kûringana na mîvîrîga yenyu. Andû acio magaatucagîra andû na waragania.

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.

Tito 3:2

Merage matikaragie ûcûku wa mûndû wana ûrîkû, nwatî methagîrwe marî na thayû na mendanîte na monanagie ûvoreri kûrî andû onthe.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Ahib 5:9

Na rîrîa aatuirwe mwagîrîru, nîwatuîkire kiumo Kîam ûvonokio wa tene na tene kûrî arîa onthe mamwathîkagîra.

Jakuvu 2:20

We kîrimû! Nîûrenda kwonua atî wîtîkio ûtarî na ciîko nî ûyû mûthatu?

Jakuvu 3:6

Rûrîmî nwa rûtuîke ta mwaki. Nî vûrûri mûgima wa maûndû macûku gatagatîrî ga ciîga cia mîîrî yetû. Rûrîmî nîrûtambagia ûcûku wa ruo mwîrîrî wonthe. Nîrûvîvagia mûtûûrîre wetû wonthe na mwaki ûrîa ûkaga kûrî ruo kuuma îcua.

1Pet 2:23

Rîrîa aarumirwe, ndeerîvîrîria na kûrumana. Rîrîa aathînirue, gûtirî mûndû eevîtîre, nwatî aaigire mwîrîgîrîro wake kûrî Ngai ûrîa ûtucanagîra cira na kîvooto.

1Pet 3:9

Mwekwa naaî tigagani kwîrîvîrîria na naaî. Mwarumwa tigagani kwîrîvîrîria na irumi. Vandû va ûguo rathimanagani, nîûndû kîrathimo nîkîo Ngai aamwîrîîre rîrîa aamwîtire.

1Joh 2:9

Mûndû wa wonthe ugaga atî ke arî ûtherirî na nîamenaga aa mwarwang'ina na aa mûrwang'ina, ethagîrwa arî ndumarî wata mbere.

1Joh 3:10

Îno nîyo ngûrani îrîa îthagîrwa îrî vo gatagatîrî ga ciana cia Ngai na ciana cia Ngoma. Mûndû wa wonthe ûtekaga ûrîa kwagîrîrîte, tî mwana wa Ngai na andû arîa matendete andû arîa engî tî ciana cia Ngai.

1Joh 5:16

Ûngîona mûndû agîka rîvia rîrîa rîtangîtûma mûndû aûragwe mûvoere, na Ngai nîakaava mûndû ûcio mwoyo. Ûndû ûyû wîkîkaga kûrî andû arîa mekîte wîvia ûtangîtûma makue. Nwatî kûrî na wîvia ûtûmaga mûndû akue. Ndirauga atî mûndû nwa avoe nîûndû wa rîvia rîu.

Juda 1:9

Wana nginya Mikaeli mûraika ûrîa mûnene ndeeka ûguo. Rîrîa Mikaeli aakararanagia na Ngoma ûvoro wîgiî ûrîa wagîrîrwe nî kûnengerwa mwîrî wa Musa, Mikaeli ndaaûmîrîria gûcokeria Ngoma na ciugo cia kûmûruma, nwatî aamwîrire atîrî, “Mwathani arogûkaania!”

Kûguû 20:14

Nakîo gîkuû na îcua nîciaikirue îriarî rîa mwaki. (Îria rîîrî rîa mwaki nî gîkuû gîa kaîrî.)