Mathaayo 5:18 - ÎVUKU RÎA ÛVORO MWARO

¹⁸ Nîramwîra na ma atî, îgûrû na nthî itarî nthiru gûtirî gacunjî wana kamwe ka Watho gakaathengutua. Gûtirî gacunjî wana kanini atîa gakaathengutua maûndû monthe marîa marî wathorî matarî mavingu.

Mathaayo 5:18 Referencias Cruzadas

Thaburi 102:26

Îgûrû na nthî nîikaathira, nwatî we nîûtûûra kuo, ikaathira ta nguo ngûrû, na nîikaaûrîra.

Thaburi 111:8

na matûûraga tene na tene; maavecanirwe na njîra ya wîvokeku na ûthingu.

Thaburi 119:152

Kuuma tene nînamenyire matuîro maku ma ciira, wamathondekire matûûre tene na tene.

Isaia 40:8

Nyaki nîyûmaga namo maûa makavova, nwatî kiugo Kîam Ngai wetû gîgaatûûra tene na tene.”

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.

Isaia 51:6

Roriani îgûrû; na mûcoke mûrorie nthî, nîûndû îgûrû rîkaathira ta ndogo; nthî îkaathira ta nguo, nao arîa matûûraga kuo magaakua ta ngi. Nwatî ûvonokio ûrîa ndetete ûgaatûûra tene na tene, naguo ûthingu wakwa ndûkaathira.

Mathaayo 10:15

Nîramwîra na ma atî mûthenya wa îtuîro Ngai nîakeeguîra andû a Sodomu na Ngomora ntha nyîngî, gûkîra ûrîa akeeguîra andû a îtûûra rîu!

Mathaayo 10:23

Na rîrîa mue mûkaanyarirwa mûrî îtûûrarî rîmwe, mûkaaûra mûthiî îtûûrarî rîrîa rîngî. Nîramwîra na ma atî mûtikaarîkia wîra wenyu matûûrarî monthe ma Isiraeli Mûrû wa Mûndû atarî mûku.

Mathaayo 10:42

Nîramwîra na ma atî mûndû wa wonthe ûvecaga ûmwe wa aya anini gîkombe Kîam manjî ma mvevo ma kûnyua nîûndû nî arutwa akwa, nîakaavewa kîveo.”

Mathaayo 11:11

“Nîramwîra na ma atî, Johana Mûvatithania nîke mûnene gûkîra mûndû wîngî wa wonthe ûrîa wanatûûra. Nwatî mûndû ûrîa mûnini mûno Ûthamakirî wa Îgûrû nî mûnene gûkîra Johana.

Mathaayo 13:17

Nie nîramwîra na ma atî, arathi eengî na andû eengî a Ngai nîmeendaga kwona maûndû marîa mue mwonaga nwatî matiamoona. Nîmeendaga kwîgua maûndû marîa mue mwîgucaga nwatî matiameegua.

Mathaayo 16:28

Nîramwîra nama atî kûrî na andû amwe marûngamîte ava matagaakua mbere ya moona Mûrû wa Mûndû agîûka arî Mûthamaki.”

Mathaayo 17:20

Nake Jesû nîwamacokerie atîrî, “Nîûndû mûrî na wîtîkio mûnini. Nîramwîra na ma atî mwethîrwa mûrî na wîtîkio wîgana ta vîndî ya mûtî wa karatarî, nwa mwîre kîrîma gîkî atîrî, ‘Uma ava na ûthiî vaarîa,’ na nwa kîthiî; na gûtirî ûndû ûkaamûrema. [

Mathaayo 18:18

“Kwoguo nie nîramwîra nama atîrî, ûndû wa wonthe mûkarega gûkû nthî, wana îgûrû nîûkaaregwa. Naguo ûndû wa wonthe mûgeetîkîra gûkû nthî, wana îgûrû nî ûgeetîkîrwa.

Mathaayo 18:3

na akîmeera atîrî, “Nie nîramwîra na ma atî, tiga nwa mûgarûrûkire na mûtuîke ta ciana, mûtigaatonya Ûthamakirî wa îgûrû.

Mathaayo 19:23

Nake Jesû nîwacokire akîra arutwa ake atîrî, “Nîramwîra nama atî gûkeethîrwa arî ûndû mûmû itonga gûtonya ûthamakirî wa îgûrû.

Mathaayo 19:28

Nake Jesû nîwamerire atîrî, “Nîramwîra nama atî vîndî îrîa Mûrû wa Mûndû ageekarîra gîtî gîake Kîam ûnene kîrîa kîrî riiri kûu nthî îo njerû, mue arîa mûnûmagîrîra nîmûgeekarîra itî cia ûnene na nîmûkaatha mîvîrîga îrîa îkûmi na îîrî ya Isiraeli.

Mathaayo 21:21

Nake Jesû nîwamacokerie atîrî, “Nie nîramwîra nama atî mûngîtîkia mûtarî na nganja, mue nwa mûvote gwîka ûrîa nie neka mûkûyû ûyû. Na twa ûguo wonga, nwatî nwa mûvote wana kwîra kîrîma gîkî atîrî, ‘Îîkûûre na wîikie îriarî, na gîgeikia.’

Mathaayo 21:31

Nî ûrîkû gatagatîrî ka acio aîrî wekire ûrîa îthe eendaga?” Nao nîmaacokirie atîrî, “Nî ûcio wa mbere.” Kwoguo Jesû nîwamerire atîrî, “Nîramwîra nama atî etia a mbeca cia gooti na maraa nîmagaatonya Ûthamakirî wa Ngai mbere yenyu.

Mathaayo 23:36

Nie nîramwîra nama atî, andû a rûciaro rûrû nîmakaaverithua nîûndû wa maûndû mau monthe macûku, marîa mue na methe menyu mwaneka!

Mathaayo 24:2

Nake Jesû nîwamacokerie atîrî, “Nîmûrona mîako îno yonthe? Nîramwîra na ma atî gûtirî îthiga wana rîmwe rîrî ava rîgaatigwa rî îgûrû rîa rîrîa rîngî; mathiga monthe nîmakoomomorwa.”

Mathaayo 24:47

Nîramwîra na ma atî mwene mûciî nîakaava ndungata îo wîra wa kûmenyerera indo cionthe ciake.

Mathaayo 25:12

Nwatî mûvikania nîwamerire atîrî, ‘Nîramwîra nama atî nie ndimwîcî.’ ”

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Mathaayo 25:45

Nake Mûthamaki nîakaamacokeria atîrî, ‘Nîramwîra nama atî vîndî îrîa mwaregire gûtethia mûndû ûrîa mûnini mûno, nînie mwaregire gûtethia.’

Mathaayo 5:26

Nîrakwîra na ma atî, ndûkaauma kûu njeera îo ûtarîvîte nginya gatururu ka mûthiia ka mbeca irîa ûtuîrîrîtwe.

Mathaayo 6:16

“Na vîndî îrîa mûrenyerekia tigagani kwiria mothiû menyu ta ûrîa mvinga ciîkaga. Mvinga ciragia mothiû ma cio nîguo cionwe nî andû onthe atî nîirenyerekia. Nîramwîra na ma atî, mvinga icio nîirîkîtie kûvewa mûcara wacio.

Mathaayo 6:2

“Kwoguo, vîndî îrîa mûravecana indo cienyu nîguo itethie athîni, mûtikendage kwîyonania wata ûrîa mvinga ciîkaga vîndî îrîa irî îvoerorî na thokorî. Mvinga icio ciîkaga ûguo nîguo iganagwe nî andû. Nîramwîra na ma atî, mvinga icio nîirîkîtie kûrîvwa mûcara wacio.

Mathaayo 8:10

Na rîrîa Jesû eegwire ûguo, nîwamakire na akîra andû arîa maamûrûmîrîrîte atîrî, “Nîramwîra na ma atî, nie ndianona mûndû wîna wîtîkio ta ûyû gûkû Isiraeli.

Maariko 10:15

Nîramwîra na ma atî mûndû wa wonthe ûtetîkagîra Ûthamaki wa Ngai ta kaana, ndagaaûtonya.”

Maariko 10:29

Nake Jesû nîwamerire atîrî, “Nîramwîra na ma atî mûndû wa wonthe ûtigîte nyomba yake, na aa mûrwang'ina, aa mwarwang'ina, îthe kana ng'ina, kana ciana, wana kana mîgûnda, nîûndû wakwa na nîûndû wa ûvoro mwaro,

Maariko 11:23

Nîramwîra na ma atî, mûndû wa wonthe nwa eere kîrîma gîkî, ‘Îkûûre na wîikie îriarî.’ Ke nwa avingîrue ûndû ûyû angîthîrwa ndarî na nganja ngororî yake, nwatî nîetîkîtie atî ûndû ûcio auga nîûgûtuîkîka.

Maariko 12:43

Nake Jesû nîwetire arutwa ake na akîmeera atîrî, “Nîramwîra na ma atî mûndûmûka ûyû wa ndigwa mûthîni nîwarekia mbeca nyîngî kathandûkûrî ka mûvothi gûkîra acio engî onthe.

Maariko 13:30

Nîramwîra na ma atî, rûciaro rûrû rûtikaathira maûndû mama monthe matarî mekîku.

Maariko 14:18

Na rîrîa meekarîte metharî makîrîa irio, Jesû nîwamerire atîrî, “Nîramwîra na ma atî ûmwe gatagatîrî kenyu ûrîa ûrarîcanîra nanie nîakûnjukanîrîra.”

Maariko 14:25

Nîramwîra na ma atî nie ndigaacoka kûnyua ndivei îno rîngî nginya mûthenya ûrîa ngaamînyua îrî njerû Ûthamakirî wa Ngai.”

Maariko 14:30

Nake Jesû nîwamwîrire atîrî, “Nîrakwîra na ma atî, mbere ya ngûkû îgambe maita maîrî ûtukû ûyû wa ûmûnthî, nîûkwîthîrwa ûngaanîte maita mathatû atî we ndûmbîcî.”

Maariko 14:9

Nîramwîra na ma atî kûrîa kuonthe Ûvoro Mwaro ûkaavunjua nthî yonthe, ûndû ûcio ambîka nîûkaaganagwa nîguo aririkanagwe.”

Maariko 3:28

“Nîramwîra na ma atî, andû nîmakooverwa mevia mao monthe, wana irumi cionthe irîa maanaruma Ngai nacio.

Maariko 6:11

Na mûngîkaathiî îtûûrarî na andû akuo marege kûmûgwata ûgeni, wana kana kûmûthikîrîria, îrivarivageni rûkûngû magûrûrî menyu mûkînauma kuo. Nakîo gîîko kîu gîgaatuîkaga ûira kûrî o atî ûndû ûcio ndûnamûkenia.”

Maariko 8:12

Nwatî Jesû nîwavevûkire na vinya na akîmeera atîrî, “Nîndûî kîratûma andû a rûciaro rûrû mauge maringîrwe Kîamma? Nîramwîra na ma atî, gûtirî Kîamma makaaringîrwa.”

Maariko 9:1

Jesû nîwathiîre na mbere na kûmeera atîrî, “Nîramwîra na ma atî kûrî na andû amwe marûngamîte ava matagaakua matambîte kwona Ûthamaki wa Ngai ûgîûka ûrî na vinya mûnene.”

Maariko 9:41

Nîramwîra na ma atî mûndû wa wonthe ûkaamûva manjî ma kûnyua nîûndû mûrî akwa, nîakaavewa îgai rîake.

Luka 11:51

Nîmakaaverithua nîûndû wa arathi onthe arîa maanaûraga kuuma vîndî ya Habili nginya ya Zakaria ûrîa waûragirwe arî gatagatî ka metha ya kîgongoona kîtheru na hekarû. Îni nie nîramwîra na ma atî, andû a rûciaro rûrû nîmakaaverithua nîûndû wa kûûraga andû acio onthe.

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Luka 13:35

Kwoguo nîngûtiganîria hekarû yaku. Nîrakwîra na ma atî, we ndûkaamona nginya rîrîa kavinda gagaakinya karîa ûkaauga atîrî, ‘Ngai arorathima ûrîa ûûkîte na rîîtwa rîa Mwathani!’ ”

Luka 16:17

Nwatî kûthira kwa îgûrû na nthî nî kûvûthû gûkîra kûthengutia gatiring'o wana kamwe ka Watho.

Luka 18:17

Nîramwîra na ma atî, mûndû wa wonthe ûtamûkagîra Ûthamaki wa Ngai ta kaana ndagaaûtonya.”

Luka 18:29

Nake Jesû nîwamerire atîrî, “Nîramwîra na ma atî mûndû wa wonthe ûtigaga mûciî wake, kana mûka, kana aa mûrwang'ina, kana aa mwarwang'ina, kana aciari ake, wana kana ciana ciake nîguo atungatîre Ûthamaki wa Ngai,

Luka 23:43

Nake Jesû nîwamwîrire atîrî, “Na ma nîrakwîra atî, ûmûnthî ûyû, nîwîthîrwa ûrî îkenero vamwe nanie.”

Luka 4:24

Na ma nîramwîra atîrî, ‘Mûrathi ndetîkîrîkaga kwao.’ ”

Johana 1:51

Jesû nîwacokire akîmeera atîrî, “Nîramwîra ûvoro wa ma atî: nîmûkoona îgûrû rîkîvingûka nao araika a Ngai makiunûkia na makînyûrûrûka îgûrû rîa Mûrû wa Mûndû.”

Johana 10:1

Jesû nîwaugire atîrî, “Na ma nîramwîra atî: mûndû ûrîa ûtavîtûkagîrîra kîvingorî agîtonya rwagarî rwa ng'ondu, nwatî atwîcagîra rwirigorî nî mwîi na nî mûcunani.

Johana 10:7

Kwoguo Jesû nîwamerire rîngî atîrî, “Nîramwîra na ma atî: Nie nînie kîvingo kîrîa ng'ondu ivîtûkagîrîra igîtonya.

Johana 12:24

Nie nîramwîra na ma atî, mvîndî ya ngano îkaraga îrî wa yonga îngîrega kûvandwa mûtheturî na îkue. Nwatî îngîkua, nîîciaraga maciaro meengî.

Johana 13:16

Nîramwîra na ma atî gûtirî ngombo nene gûkîra mûmîathi, wana gûtirî mûnjaama mûnene gûkîra mûmûtûmi.

Johana 13:38

Nake Jesû nîwamûcokerie atîrî, “We wî mwîvarîriu gûkua nîûndû wakwa? Nie nîrakwîra na ma atî: mbere ya njamba ya ngûkû îgambe, nîûkwîthîrwa ûngaanîte maita mathatû.”

Johana 14:12

Nie nîramwîra na ma atî: mûndû wa wonthe ûmbîtîkagia ageekaga maûndû ta marîa mbîkaga, na ageekaga maûndû wana manene gûkîra mama nîûndû nînîrathiî kûrî Vava.

Johana 16:20

Nie nîramwîra na ma atî: nîmûkaarîra mûrî na kîeva kîîngî mûno ngororî cienyu, nwatî andû a gûkû nthî nîmagaakena. Nîmûkaagîa na kîeva, nwatî kîeva kîenyu nîgîgaacoka gîtuîke gîkeno.

Johana 16:23

“Rîrîa mûthenya ûcio ûgaakinya mûtikaambûria wanarî atîa. Nie nîramwîra na ma atî, Vava nîakaamûva kîndû wa kîonthe kîrîa mûkaamûvoya na rîîtwa rîakwa.

Johana 21:18

Nîrakwîra na ma atî vîndî îrîa warî mwîthî wevaragîria na ûkathiî wa kûrîa kuonthe wendaga, nwatî vîndî îrîa ûgaakûra ûgaatambûrûkia njara ciaku nake mûndû wîngî akwove na akûvire kûrîa ûtarenda kûthiî.”

Johana 3:11

Nîrakwîra na ma atî: tue twaragia maûndû marîa twicî na tûkavecana ndeto ciîgiî maûndû marîa twonete, nwatî mue mûtirenda gwîtîkia ûira wetû.

Johana 3:3

Jesû nîwamûcokerie atîrî, “Nîramwîra na ma atî: gûtirî mûndû ûngîona Ûthamaki wa Ngai atambîte gûciarwa rîngî.”

Johana 3:5

Nake Jesû nîwamûcokerie atîrî, “Nîrakwîra na ma atî gûtirî mûndû ûngîtonya Ûthamakirî wa Ngai atambîte gûciarwa rîngî na manjî na Roho Mûtheru.

Johana 5:19

Kwoguo Jesû nîwamerire atîrî, “Nîramwîra na ma atî: gûtirî ûndû Mûriû ekaga eîrîte; ekaga wa ûrîa tu onaga Îthe agîka. Na wa ûrîa wonthe Îthe eekaga, wana Mûriû nîwîkaga.

Johana 6:26

Nake Jesû nîwamacokerie atîrî, “Nîramwîra na ma atî mue mûranjaria nîûndû nîmûrarîre mîgate mûkîvaa, nwatî tî nîûndû atî nîmûrataûkîrwe nî ûrîa ciama ciakwa irendaga kwonania.

Johana 6:32

Nake Jesû nîwamerire atîrî, “Nie nîramwîra na ma atî Musa ndaamûva irio kuuma îgûrû. Ngai Vava nîke ûmûvecaga mûgate ûrîa wa ma kuuma îgûrû.

Johana 6:47

Nie nîramwîra ûma: mûndû wa wonthe wîtîkîtie arî na mwoyo wa tene na tene.

Johana 6:53

Nake Jesû nîwamerire atîrî, “Nie nîramwîra ûma: mwarega kûrîa mwîrî wa Mûrû wa Mûndû na mûnyue nthakame yake, mûtikaagîa na mwoyo ndaarî yenyu.

Johana 8:34

Nake Jesû nîwamerire atîrî, “Nîramwîra na ma atî, mûndû wa wonthe wîvagia, nî ngombo ya wîvia.

Johana 8:51

Nîramwîra na ma atî: mûndû wa wonthe wathîkagîra ciugo ciakwa ndagaakua.”

Johana 8:58

Jesû nîwamacokerie atîrî, “Nîramwîra na ma atî Iburahimu atarî mûciare, ‘Nie naarî wa kuo.’ ”

1Pet 1:25

nwatî kiugo Kîam Mwathani nîgîtûûraga tene na tene.” Kiugo gîkî nîguo Ûvoro Mwaro ûrîa wavunjirue kûrî mue.

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.