Mathaayo 4:4 - ÎVUKU RÎA ÛVORO MWARO

⁴ Nake Jesû nîwacokirie atîrî, “Mandîkorî matheru kwandîkîtwe atîrî, ‘Andû matitûûragua nî mîgate yonga, nwatî nîmatûûragua nî kiugo wa kîonthe kîrîa Ngai aaragia.’ ”

Mathaayo 4:4 Referencias Cruzadas

Ntha 16:15

Rîrîa andû a Isiraeli maakîonire nîmaaûranirie o ene atîrî, “Nîndûî gîkî?” Musa nîwamacokerie atîrî, “Ino nî irio îrîa Ngai-Mûnene amûveete mûrîe.

Ntha 16:35

Nao andû a Isiraeli nîmaarîre maana îvinda rîa mîaka mîrongo îna nginya rîrîa maakinyire vûrûri wa Kanaani kûrîa maatûûrire.

Ntha 16:8

Musa nîwacokire akîmera atîrî “Ngai-Mûnene nîke ûkaamûva nyama cia kûrîa kîvwaî na amûve mîgate ya kwîgana kîraûko. Ke nîwîguîte mateta menyu, nîûndû rîrîa mûratûtetia nî Ngai-Mûnene mûratetia.”

Ntha 23:15

Vîndî ya mweri wa Abibu, mweri ûrîa mwaumire Misiri, mûgaakenagîrîra kîrugo Kîam mîgate îtarî mîkîre ndawa ya kwimbia wata ûrîa namwathire. Îvinda rîa mîthenya mûgwanja mûkarîcaga mîgate îtarî mîkîre ndawa ya kwimbia vîndî ya kîrugo gîkî. Mûndû wana ûrîkû ndagaûke kûngooca atarî na kîndû gîa kûndutîra.

Mathaayo 15:11

Kîndû kîrîa gîtonyaga kanyuarî ka mûndû tîkîo gîtûmaga agîe na gîko, nwatî nî kîndû kîrîa kiumaga kanyuarî ka mûndû gîtûmaga agîe na gîko.”

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Mathaayo 4:7

Nake Jesû nîwamîcokerie atîrî, “Wana rîngî mandîko matheru nîmaugîte atîrî, ‘Ndûkanagerie Mwathani Ngai waku.’ ”

Maariko 7:20

Nake Jesû nîwathiîre na mbere na kûmeera atîrî, “Nî kîndû kîrîa kiumaga ndaarî ya mûndû gîtûmaga agîe na mûgiro.

Luka 4:12

Nwatî Jesû nîwacokerie ngoma atîrî, “Mandîko wa mau nwamo maugîte atîrî, ‘Ndûkagerie Mwathani Ngai waku.’ ”

Luka 4:4

Nwatî Jesû nîwamîcokerie atîrî, “Mandîko maugîte atîrî, ‘Twa mûgate wonga ûngîtûûria mûndû mwoyo!’ ”

Luka 4:8

Nake Jesû nîwacokerie ngoma îo atîrî, “Mandîko maugîte atîrî, ‘Goocaga Mwathani Ngai waku na ûmûtungatagîre wake wenga!’ ”

Johana 15:26

“Nie nîngaamûtûmîra Mûtethia kuuma kûrî Vava. Ke nîke Roho wa ma ûrîa uumaga kûrî Vava na nîke ûkaaruta ûira wakwa.

Johana 6:63

Roho wa Ngai nîke ûvecanaga mwoyo. Mwîrî ndûvecanaga mwoyo. Ciugo icio namwîra nîcio itûmaga mûgîe na Roho wa Ngai ûrîa ûvecanaga mwoyo.

Aroma 15:4

Maûndû monthe marîa marî mandîkorî marîa matheru maandîkirwe matûthomithie, nîguo tûvote kûgîa na kîîrîgîrîro na njîra ya gûkirîrîria na kûmîrîria.

Aefeso 6:17

Amûkîrani ûvonokio ta arî yo ngovia yenyu ya cuuma ya kûgitîra kîongo, na kiugo Kîam Ngai ta arî ruo rûviû rûrîa Roho amûvecaga.

Gûco 8:3

Nîwatûmire mwînyivie na njîra ya gûtûma mûvûte, akîmûva mana mûkîrîa, irio irîa mue wana methe menyu mataanarûma rîngî. Eekire ûguo nîguo amûthomithie atî twa mûgate guonga ûtûûragia mûndû mwoyo, nwatî atûûragua nî kiugo kîrîa kîonthe kiumîte kanyuarî ka Ngai-Mûnene.