Mathaayo 4:14 - ÎVUKU RÎA ÛVORO MWARO

¹⁴ Ûndû ûyû wekirwe nîguo maûndû mavinge marîa Ngai aarîtie na njîra ya mûrathi Isaia atî:

Mathaayo 4:14 Referencias Cruzadas

Mathaayo 1:22

Maûndû mama monthe meekîkire nîguo maûndû marîa Mwathani aarîtie na kanyua ka mûrathi Isaia mavinge, rîrîa aaugire atîrî,

Mathaayo 2:15

Nao nîmeekarire kuo nginya rîrîa Herode aakwire. Maûndû mama mekirwe nîguo ûvoro ûrîa Ngai aaririe na kanyua ka mûrathi ûvinge, rîrîa aaugire atîrî, “Nînetire Mûriû wakwa aume vûrûri wa Misiri.”

Mathaayo 2:23

Nake Josefu nîwathaamîre îtûûrarî rîa Nazarethi na agîtûûra kuo. Namo maûndû nîmaavingire marîa arathi maaugîte atî: “Ke nîageetwa Mûnazari.”

Mathaayo 26:54

Nwatî nwa nginya gwîkîke ûguo, nîguo Mandîko Matheru mavingue, wata ûrîa maugîte?”

Mathaayo 26:56

Nwatî maûndû mama mekîka nîguo maûndû marîa maarîtue nî arathi mandîkorî marîa matheru mavinge.” Nao arutwa ake onthe nîmaaûrire makîmûtiganîria.

Mathaayo 4:13

Jesû nîwaumire îtûûrarî rîa Nazarethi, na akîthiî gûtûûra Kaperinaumu itûûra rîrîa rîarî vakuvî na îria rîa Galili vûrûrirî wa Zebuluni na Nafutali.

Mathaayo 4:15

“We vûrûri wa Zebuluni, na vûrûri wa Nafutali, mavûrûri marîa marî njîrarî ya kûthiî îriarî rîa Galili, mûringo ûcio wîngî wa rûnjî rwa Jorodani, Galili, kûrîa andû a ndûrîrî matûûraga!

Mathaayo 8:17

Ke eekire ûguo nîguo maûndû mavingue marîa maarirue nî mûrathi Isaia rîrîa aaugire atîrî, “Ke nîwocire wonje wetû na agîkuua mîrimû yetû.”

Luka 22:37

Nîûndû nîramwîra atî Mandîko Matheru marîa maugîte atîrî, ‘Nîwatuîrîrwe ûndû ûmwe na imaramari,’ nwa nginya mavingue; nîûndû maûndû marîa mandîkîtwe îgûrû rîakwa nî vîndî maravinga.”

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Johana 15:25

Naguo ûndû ûyû wekîkire nîguo ciugo ivinge irîa ciandîkîtwe wathorî wao atî: ‘Maamenire gûtarî na gîtûmi.’

Johana 19:28

Jesû nîwaicî atî vuva wa ûguo maûndû monthe maarî marîku. Na nîguo mandîko matheru mavinge nîwaugire atîrî, “Nie nîrî mûnyondu.”