Mathaayo 4:11 - ÎVUKU RÎA ÛVORO MWARO

¹¹ Nayo Ngoma îo nîyatigire Jesû; nao araika makîthiî kûmûtungatîra.

Mathaayo 4:11 Referencias Cruzadas

1Atha 19:6

Elija nîwaroririe na akîona mûgate wî mûruge ûrî îgûrû rîa makara ma mwaki vakuvî na kîongo gîake. Nîwacokire akîona nyûngû îrî na manjî. Nîwarîre na akînyua, agîcoka akîmama rîngî.

Mathaayo 26:53

Anga ndwîcî nwambîtie ûtethio kuuma kûrî Vava, na andûmîre athigari makîria ya ikundi îkûmi na igîrî cia araika.

Mathaayo 4:6

Nayo nîyamwîrire atîrî, “Ethîrwa we nîwe Mûriû wa Ngai, îîrivanie nthî, nîûndû mandîko matheru maugîte atîrî, ‘Ngai nîakaatha araika ake makûmenyerere; nao nîmagagûtavîria na njara ciao, nîguo ndûkaringwe kûgûrû nî îthiga.’ ”

Maariko 1:13

kûrîa eekarire mîthenya mîrongo îna, akîgeragua nî Caitani. Nîwekaranirie na nyamû cia kîthaka, nao araika makîmûtungatîra.

Luka 22:43

Na vîndî wa îo mûraika kuuma îgûrû nîwamumîrîre na akîmwîkîra vinya.

Luka 22:53

Mûthenya wa mûthenya nîrethagîrwa nîrî namue hekarûrî na mûtiranyitaga. Nwatî gaka nîko kavinda kenyu ga gwîka ûrîa mwîcirîtie gwîka mûtongoretue nî vinya wa nduma.”

Luka 4:13

Rîrîa Ngoma yarîkirie kûgeria Jesû na njîra cionthe, nîyambire kûmûtiganîria.

Johana 14:30

Ndikwaria namue mûno rîngî îvinda îraca, nîûndû mûnene wa gûkû nthî nîaûkîte. Ke ndangîvota kûmbatha,

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Ahib 1:6

Nwatî rîrîa Ngai aarî vakuvî kûrete Mûriû wake wa îrikithathi gûkû nthî nîwaugire atîrî, “Araika onthe a Ngai nwanginya mamûgooce.”