Mathaayo 3:6 - ÎVUKU RÎA ÛVORO MWARO

⁶ Andû acio nîmaaumbûrire mevia mao, na Johana akîmavatithîria rûnjîrî rwa Jorodani.

Mathaayo 3:6 Referencias Cruzadas

Ezira 10:1

Ezira nîwavoyaga akîrîraga na akiumbûraga mevia make akîgwîthagia nthî mbere ya hekarû. Vîndî wa îo gîkundi kînene Kîam andû a Isiraeli arûme, aka, na ciana, nîmaaûkire na makîûngana mamûthiûrûrûkîrîtie makîrîraga marî na ûrûrû mwîngî mûno.

Thaburi 32:5

Nînaacokire ngiumbûra mevia makwa kûrî we, na ndiathitha mavîtia makwa. Nînatwire nyumbûre mevia makwa kûrî we, na nîwanjovere mevia makwa monthe.

Nthi 28:13

Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Danieli 9:4

Nînavoire Ngai-Mûnene, Ngai wakwa na ngiumbûra mevia marîa meekîtwe nî andû akwa. “Nînaugire atîrî, ‘Mwathani, wî Ngai mûnene na nîwîkaga maûndû ma magegania. We nîwigaga kîrîkanîro gîaku, na nîwonanagia wendo ûtathiraga kûrî andû arîa makwendete na mathîkagîra maathani maku.

Alawi 16:21

Aroni nîakambararia njara ciake cioîrî îgûrû rîa kîongo Kîam mbûri na agwete maûndû monthe macûku ma andû a Isiraeli, mevia mao monthe, na ûremi wao, na amatonyie mbûrirî îo. Mbûri îo nîgaacoka îrekererue îthiî na kûu werûrî nî mûndû ûrîa ûvetwe wîra ûcio.

Alawi 26:40

“Nwatî njiarwa cienyu nî ikaaumbûra mevia mao na mevia ma methe mao ma tene, arîa maareganire nanie na makîrega kûmbathîkîra.

Ndari 5:7

mûndû ûcio nwanginya aumbûre mevia make na acoke arîve mûndû ûrîa avîtîrîtie îrîvi rîonthe, na acoke ongerere icunjî mîrongo îîrî îgûrû rîa îgana, anengere mûndû ûcio avîtîrîtie.

Mathaayo 3:11

Nie nîmûvatithagia na manjî ngîenda kwonania atî nîmwîrirîte mevia menyu. Nwatî ûrîa ûgûûka vuva wakwa, arî na vata kûngîra na nie ndirî mwagîrîru wa gûkuua iratû ciake. Ke akaamûvatithia na Roho Mûtheru na mwaki.

Maariko 1:5

Nao andû eengî arîa maaumîte vûrûrirî wa Judea na îtûûrarî rîa Jerusalemu nîmaathiîre kûrî Johana nîguo mamûthikîrîrie. Nao nîmaaumbûrire mevia mao na makîvatithua nîke rûnjîrî rwa Jorodani.

Luka 1:16

Na nîakaagarûra andû eengî a Isiraeli nîguo macokerere Mwathani Ngai wao.

Luka 3:16

Nwatî Johana nîwerire andû onthe atîrî, “Nie nîmûvatithagia na manjî, nwatî ûrîa mûnene kûngîra nîaûkîte. Na nie ndirî mwagîrîru wa kwovora ndigi cia iratû ciake. Ke akaamûvatithagia na Roho Mûtheru na mwaki.

Ciîko 1:5

Johana aavatithagia andû na manjî, nwatî vuva ya mîthenya mînini nîmûkaavatithua na Roho Mûtheru.”

Ciîko 11:16

Nanie nînaacokire ngîririkana ciugo cia Mwathani. Ke aaugire atîrî: ‘Johana aavatithanirie na manjî, nwatî mue nîmûkaavatithua na Roho Mûtheru.’

Ciîko 19:18

Andû eengî etîkia nîmaambîrîrie kumbûra cararûkû maûndû macûku marîa o meekîte.

Ciîko 22:16

Na rîu wetererete Ndûî? Ûkîra ûvoe Ngai, ûvatithue na nîûkwoverwa mevia maku.’

1Akor 10:2

Onthe nîmaavatithirue marî îtuurî na îriarî na magîtuîka arûmîrîri a Musa.

Akol 2:12

Nîûndû rîrîa mwavatithirue, nîmwathikirwe vamwe na Kristû, na vîndî wa îo mûkîriûkua vamwe nake nîûndû wa gwîtîkia vinya wa Ngai ûrîa ûrutaga wîra na wariûkirie Kristû.

Ahib 6:2

Tûtiagîrîrwe nî gûcokera ûvoro wîgiî magongoona ma ûvatithio na kwiganîrîra njara, kûriûka na îtuîro rîa tene na tene.

Ahib 9:10

Nîûndû iveo na mambura mau monanagia ûvoro wa kûrîa, kûnyua, na mambura mwanya mwanya ma kwîtheria. Mawatho mau monthe megiî ûvoro wa mwîrî, na mathiraga vinya rîrîa Ngai akathondeka ûndû mûcerû.

Jakuvu 5:16

Kwoguo umbûranagîrani mevia menyu na mûvoyanagîre nîguo mue mûvonue. Mavoya ma mûndû mûthingu nîmethagîrwa na ûvoti mûnene.

Josh 7:19

Joshua nîwacokire akîra Akani atîrî, “Mûvîcîwa, aria ûma mbere ya Ngai-Mûnene, Ngai wa Isiraeli na ûmûve riiri. Mbîra ûrîa wîkîte ûtakûnthitha.”

1Pet 3:21

Na manjî mau maringithanagua na ûvatithio ûrîa rîu ûmûvonokagia. Ûvatithio tî wa kûthambia mûndû gîko Kîam mwîrî, nwatî nî kîîranîro kûrî Ngai kiumîte thamirirî mbaro. Ûvatithio ûcio ûmûvonokagia na njîra ya kûriûka gwa Jesû Kristû,

1Joh 1:9

Nwatî tûngiumbûra mevia metû kûrî Ngai ke nîagûtwovera na atûtherie mevia metû monthe nîûndû ke nî mwîvokeku na nîekaga ûma.