Mathaayo 27:54 - ÎVUKU RÎA ÛVORO MWARO

⁵⁴ Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Mathaayo 27:54 Referencias Cruzadas

Mathaayo 26:63

Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”

Mathaayo 27:36

Na vuva wa ûguo nîmeekarire nthî wa vau mamûrangîrîte.

Mathaayo 27:40

“Ooo! We nîûngîomomorire hekarû na ûmîtume rîngî na mîthenya îthatû. Îîtethûre na wîrute mûtharavarî ethîrwa we wî Mûriû wa Ngai.”

Mathaayo 27:43

Ke nîevokete Ngai na augaga atî ke nî Mûriû wa Ngai. Tigani rîu twone kana Ngai nîakûmûtethûra.”

Mathaayo 27:51

Nakîo gîtambaa gîa hekarû nîgîatûkanire maita maîrî, kuuma îgûrû nginya nthî. Nayo nthî nîyainainire namo mathiga magîatûkanga.

Mathaayo 4:3

Nayo Ngoma nîyathiîre kûrî ke na îkîmwîra atîrî, “Ethîrwa nîwe Mûriû wa Ngai, atha mathiga mama matuîke mîgate!”

Mathaayo 8:5

Rîrîa Jesû aatonyire Kaperinaumu, mûnene ûmwe wa athigari îgana a Roma nîwathiîre kûrî ke na akîmûthaitha akîmwîraga atîrî:

Maariko 15:39

Nake mûnene ûmwe wa athigari îgana ûrîa warûngamîte vau mbere ya Jesû ona agîtuîkana nîwaugire atîrî, “Na ma mûndû ûyû ararî Mûriû wa Ngai.”

Luka 22:70

Nao athuuri acio onthe a Kîamma nîmaamûririe atîrî, “We vi nîwe Mûriû wa Ngai?” Nake Jesû nîwamacokerie atîrî, “Mue nîmwauga atî nie nînie ke.”

Johana 19:7

Nao Ayahudi nîmaamûcokerie atîrî, “Watho wetû ugaga atî ke aagîrîrwe nî kûûragwa nîûndû nîwîtuîte Mûriû wa Ngai.”

Ciîko 10:1

Nakuo Kaisarea kwarî na mûndû ûmwe wetagwa Korinelio, warî mûnene wa athigari magana matandatû a mbûtû ya Roma îrîa yetagwa “Mbûtû ya Italia.”

Ciîko 2:37

Rîrîa andû acio meegwire ûguo, nîmaathînîkire mûno na makîûria Petero na atûmwa acio engî atîrî, “Ariû na aarî a Îthe wetû, tue rîu nîtwîka atîa?”

Ciîko 21:32

Na vîndî wa îo mûnene ûcio wa athigari nîwocire athigari amwe na anene a athigari îgana, na makîvinyûra makîthiî varîa kîrîndî kîu Kîamgomanîte. Na rîrîa andû acio maamwonire arî na athigari nîmaatigire kûriva Paûlo.

Ciîko 23:17

Paûlo nîwacokire agîîta mûnene ûmwe wa athigari îgana na akîmwîra atîrî, “Tavira mwanake ûyû kûrî mûnene wa mbûtû ya athigari nîûndû arî na ûndû arenda kûmwîra.”

Ciîko 23:23

Nake mûnene wa mbûtû ya athigari nîwacokire agîîta anene aîrî a athigari îgana na akîmeera atîrî, “Nîrenda andû a kûthiî Kaisarea. Varîria athigari magana maîrî, na methîrwe marî vamwe na athigari mîrongo mûgwanja arîa marûaga matûîte mbarathi, na athigari magana maîrî arîa marûaga na matumû. Andû acio mevarîrie makaauma gûkû thaa îthatû cia ûtukû.

Ciîko 27:1

Nakuo nîgwatwirwe atî nîtwagîrîrwe nî gûtwa meri tûthiî Italia. Nake Paûlo na andû amwe arîa maarî ove njeera nîmaanenganîrwe kûrî Juliasi ûrîa warî mûnene wa mbûtû ya athigari a Roma îrîa yetagwa “Mbûtû ya Mûthamaki.”

Ciîko 27:43

Nwatî mûnene wa athigari îgana nîwendaga kûvonokia Paûlo ndakaûragwe, kwoguo ndaametîkîria mavingie mûvango ûcio wao. Vandû va ûguo nîwathire andû onthe arîa mangîavotire kûthambîra mambe marûge îriarî mathambîre mathiî nthî nyûmû.

Aroma 1:4

Îgûrû rîgiî roho ûrîa aarî naguo wa ûtheru nîwonanirue na njîra ya vinya mûno atî ke nîke Mûriû wa Ngai nîûndû wa kûriûkua.

Kûguû 11:13

Na kavinda wa kau nîkwagîre na kîthingithia kînene. Na gîcunjî kîmwe gîa îkûmi Kîam îtûûra rîu rînene nîkîagwîre, na andû ngiri mûgwanja makîûragwa. Andû arîa maatigarire nîmaagîre na guoya nyîngî na magîkumia ûnene wa Ngai wa îgûrû.