Mathaayo 26:8 - ÎVUKU RÎA ÛVORO MWARO

⁸ Nwatî rîrîa arutwa moonire ûguo nîmaarakarire na makîambîrîria kûrania atîrî, “Nî ndûî gîatûma anange maguta mau.

Mathaayo 26:8 Referencias Cruzadas

Ntha 5:17

Nwatî mûthamaki nîwamacokerie atîrî, “Mue mûrî igûta na mûtirenda kûruta wîra na kîu nîkîo kîratûma mûmbûria mbîtîkîre mûthiî mûkarutîre Ngai-Mûnene kîgongoona.

Mûvunjia 4:4

Nînacokire ngîmenya atî andû marutaga wîra na vinya nîûndû wa wîru wa andû arîa engî. Ûcio wanaguo nî wîra wa mana na nî ta kûvinyûrania na rûkûngi.

Amosi 8:5

mûkiugaga ngororî cienyu atîrî, “Kîrugo Kîam mweri mûcerû gîkathira rî, nîguo twendie irio cietû cia mûgûnda? Thavatû îkaathira rî, twambîrîrie kwendia ngano cietû, na tûcenjia ithimi irîa tûthimaga nacio, nîguo tûveenie andû?

Malaki 1:13

Mugaga atîrî, ‘Maûndû mama nî mûrigo mûrito kûrî tue’ na nîmûnjonorithagia. Mûndutagîra magongoona ma indo irîa mûcunanîte na vinya, kana irîa monju, kana irîa ndwaru. Nie nwa nyamûkîre indo ta icio? Ûguo nîguo Ngai-Mûnene mwene vinya wonthe araûria.

Mathaayo 20:24

Rîrîa arutwa acio engî îkûmi meeguire ûvoro ûcio, nîmaarakarire mûno nî arutwa acio aîrî.

Mathaayo 26:7

Rîrîa Jesû aarîcaga irio, mûndûmûka ûmwe nîwathiîre kûrî ke akuuîte mûcuva wîcûrîte maguta maanungaga waro na ma goro, na agîtîrîria maguta mau kîongorî Kîam Jesû.

Mathaayo 26:9

Maguta mama nîmangîendua mbeca nyîngî ikînavewa athîni!”

Maariko 14:4

Nao andû amwe arîa maarî vo nîmaarakarire na makîambîrîria kûrania atîrî, “Nîndûî gîatûma anange maguta mau.