Mathaayo 26:7 - ÎVUKU RÎA ÛVORO MWARO

⁷ Rîrîa Jesû aarîcaga irio, mûndûmûka ûmwe nîwathiîre kûrî ke akuuîte mûcuva wîcûrîte maguta maanungaga waro na ma goro, na agîtîrîria maguta mau kîongorî Kîam Jesû.

Mathaayo 26:7 Referencias Cruzadas

2Atha 9:1

Mûrathi Elisha nîwacokire agîta ûmwe wa gîkundi Kîam arathi na akîmwîra atîrî, “Îîvarîrie na woce mûcuva ûyû wa maguta na ûthiî Ramothu kûu Gileadi.

Thaburi 133:2

Nîta maguta ma goro marî kîongo, makînyîrûrûka nginya nderurî cia Aroni, makînyûrûka nginya kararî cia nguo ciake.

Mûvunjia 10:1

Ngi irî nguû nîitûmaga maguta manungi waro manunga naaî, ûrimû mûnini nîûcûkagia ûûgî na gîtîîo.

Mûvunjia 9:8

Îkaraga ûkenete na ûcanjamûkîte vîndî cionthe.

Rwîmbo rwa Nyîmbo 1:3

Maguta marîa wîvakîte maranunga waro mûno, narîo rîîtwa rîaku nîta maguta manungi waro metûrûrîtwe. Kwoguo erîtu onthe nîmakwendete.

Isaia 57:9

Mwîvakaga manyamû manungi waro na maguta mûgacoka mûkathiî kûgooca ngai ya mûvuanano îrîa îtagwa Moleku. Mwatûmire anjaama enyu mathiî kûndû kûraca, nginya magîkinya kwa arîa akuû.

Mathaayo 26:8

Nwatî rîrîa arutwa moonire ûguo nîmaarakarire na makîambîrîria kûrania atîrî, “Nî ndûî gîatûma anange maguta mau.

Maariko 14:3

Jesû aarî îtûûrarî rîa Bethania mûciî gwa Simoni ûrîa warwarîte mangû. Rîrîa Jesû aarîcaga irio, mûndûmûka ûmwe nîwatonyire kûu nyomba akuuîte mûcuva wîcûrîte maguta maanungaga waro na ma goro. Nake mûndûmûka ûcio nîwakunûrire mûcuva ûcio na agîtîrîria maguta mau kîongorî Kîam Jesû.

Luka 7:46

We ndûnamvaka maguta kîongo, nwatî mûndûmûka ûyû nî wamvaka maguta maranunga waro magûrûrî makwa.