Mathaayo 26:53 - ÎVUKU RÎA ÛVORO MWARO

⁵³ Anga ndwîcî nwambîtie ûtethio kuuma kûrî Vava, na andûmîre athigari makîria ya ikundi îkûmi na igîrî cia araika.

Mathaayo 26:53 Referencias Cruzadas

2Atha 6:17

Elisha nîwacokire akîvoya atîrî, “Ûûi Ngai-Mûnene, nakûthaitha ûmûvingûre metho nîguo avote kwona.” Kwoguo Ngai-Mûnene nîwavingûrire metho ma ndungata îo na îkîvota kwona. Nîyonire kîrîma gîcûrîte mbarathi na ikaari cia mbaara irigicîrîtie Elisha.

Danieli 7:10

Mwaki waumaga gîtîrî kîu ta rûnjî. Andû ngiri makûmi meengî nîmaarûngamire mbere yake, îgooti nîrîambîrîrie, na mavuku makîguûrua.

Mathaayo 25:31

“Vîndî îrîa Mûrû wa Mûndû agaacoka arî Mûthamaki, na arî na araika ake onthe, nîagekarîra gîtî gîake Kîam ûthamaki.

Mathaayo 4:11

Nayo Ngoma îo nîyatigire Jesû; nao araika makîthiî kûmûtungatîra.

Maariko 5:15

Rîrîa maakinyire kûrî Jesû, nîmoonire mûndû ûcio wethîrîtwe arî na ngoma ekarîte vau nthî ekîrîte nguo na arî na kîongo Kîamro. Nao andû acio nîmaanyitirwe nî guoya.

Maariko 5:9

Jesû nîwacokire akîûria mûndû ûcio atîrî, “Wîtagwa atîa we?” Nake nîwamûcokerie atîrî, “Nie mbîtagwa mbûtû, nîûndû tûrî eengî.”

Luka 8:30

Nake Jesû nîwaûririe mûndû ûcio atîrî, “Wîtagwa atîa?” Nake mûndû ûcio nîwamûcokerie atîrî, “Nie mbîtagwa mbûtû.” Mûndû ûcio aacokirie ûguo nîûndû aarî na ngoma nyîngî.

Johana 10:18

Gûtirî mûndû ûkûnjuna mwoyo wakwa. Nie nînie ngûûvecana na kwenda gwakwa. Nîrî na ûvoti wa kûûvecana na nîrî na ûvoti wa kûwîcukia rîngî. Na ûguo nîguo Vava ambathîte mbîke.”

Johana 18:36

Nake Jesû nîwaugire atîrî, “Ûthamaki wakwa tî ta wa andû a gûkû nthî. Nîûndû ûthamaki wakwa ûngîkariî ta wa andû a gûkû nthî, arûmîrîri akwa nîmangîrandûîrîra nîguo ndikanenganîrwe kûrî Ayahudi. Nwatî ûthamaki wakwa tî ta wa andû a gûkû nthî!”

2Ath 1:7

amûvurûkie na atûme mûthirwe nî mathîna mue arîa mûthînagua wa vamwe natue. Ngai ageeka ûguo rîrîa Mwathani Jesû akeyumîria kuuma îgûrû arî na araika ake arîa marî ûvoti,

Juda 1:14

Enoku ûrîa warî wa rûciaro rwa mûgwanja kuuma kûrî Adamu nîwarathire ûvoro ûmegiî akiuga atîrî: “Mwathani nîagaaûka arî na ngiri nyîngî cia araika ake atheru,