Mathaayo 22:8 - ÎVUKU RÎA ÛVORO MWARO

⁸ Nîwacokire akîra ngombo ciake atîrî, ‘Îruga rîakwa rîa ûviki nîrîvarîrie, nwatî andû arîa nie nîretîte tî agîrîru.

Mathaayo 22:8 Referencias Cruzadas

Mathaayo 22:7

Nake mûthamaki nîwarakarire. Kwoguo nîwatûmire athigari ake makaûrage aûragani acio, na mavîvie îtûûra rîao.

Mathaayo 22:9

Kwoguo thiîni na kûu njîrarî na mwîte andû onthe arîa mûkoona maûke îrugarî.’

Mathaayo 9:15

Nake Jesû nîwamacokerie atîrî, “Mûreciria atî andû arîa metîtwe ûvikirî nwa megue kîeva vîndî îrîa marî vamwe na mûvikania? Ûguo gûtingîvotekeka. Nwatî mûthenya nîûgaakinya rîrîa mûvikania akaathengutua gatagatîrî kao, na vîndî îo nîmakenyerekia.

Luka 20:35

nwatî andû arîa makoonwa marî agîrîru a kûriûka kuuma kûrî akuû, matikaavikania wana kana mavikue.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

2Ath 1:5

Maûndû mama monthe nîmonanagia atî Ngai atucanagîra ciira na kîvooto. Na nîûndû wa ûguo nîmûgaatuîka agîrîru a gûtonya ûthamakirî wa Ngai ûrîa mûthînagua nîûndû wa guo.

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.

Kûguû 3:4

Nwatî kûrî na andû anini gatagatîrî kenyu kûu Saridi maigîte nguo ciao irî ntheru. Andû acio nîmakaathiîcania nanie mekîrîte nguo cia rangi njerû, nîûndû o nî agîrîru.