Mathaayo 22:4 - ÎVUKU RÎA ÛVORO MWARO

⁴ Nake nîwacokire agîtûma ndungata ciîngî na agîciîra atîrî, ‘Îrani andû arîa metîtwe kîrugorî atî: Îruga rîakwa nîrîvarîrie. Ndegwa na njaû irîa noru nî nthînje na irio nî mvîu; ûkani îrugarî rîa ûviki!’

Mathaayo 22:4 Referencias Cruzadas

Nehemia 9:17

Nîmaaregire kwathîka, makîriganîrwa nî maûndû manene marîa wekire gatagatîrî kao, wana nîmaariganîrwe nî ciama irîa wamaringîrîte. Nîmaaûmirie ciongo ciao, na makîthuurîra mûtongoria wa kûmacokia ûkomborî Misiri. Nwatî we ûrî Ngai wovanagîra, ûrî wega mwîngî, wendo waku ndûthiraga na ndûrakaraga na îvenya. Ntha ciaku nî nyîngî, ndwamatiganîria.

Thaburi 86:5

We Mwathani, wî mwagîrîru na nîwovanagîra; nîwonagia andû arîa makûvoyaga wendo ûtathiraga.

Nthi 15:17

Nîkava kûrîcanîra manyenyi andû marî na wendo, gûkîra kûrîcanîra ndegwa noru andû marî na ûthû.

Rwîmbo rwa Nyîmbo 5:1

Nînatonya mûgûndarî wakwa, mwendwa wakwa, mûviki wakwa. Nîraûngania mînyamû mînungi waro ya mare yakwa. Nîrarîa ûûkî wakwa na mago. Nîranyua ndivei yakwa na îriia. Arata, rîani na mûnyue, nginya mûrîwe nî wendo!

Mathaayo 21:36

Mwene mûgûnda ûcio nîwacokire agîtûma ngombo ciîngî nyîngî gûkîra cia mbere; na wana cio magîciîka wata ûrîa meekire cia mbere.

Mathaayo 22:5

Nwatî andû acio meetîrîtwe îruga nîmaarîvûthirie na makîthiî wa mûndû maûndûrî make. Ûmwe athiîre mûgûndarî wake, na ûcio wîngî akîthiî wîrarî wake wa kwendia.

Mathaayo 22:8

Nîwacokire akîra ngombo ciake atîrî, ‘Îruga rîakwa rîa ûviki nîrîvarîrie, nwatî andû arîa nie nîretîte tî agîrîru.

Luka 14:17

Rîrîa kîrugo Kîamrî vakuvî kwambîrîria mûndû ûcio nîwatûmire ndungata yake îthiî îkeere andû arîa meetîrîtwe kîrugo kîu atîrî, ‘Ûkani, maûndû monthe rîu nîmavarîrie!’

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 13:46

Nwatî Paûlo na Baranaba nîmaaririe maûmîrîrîtie mûno na makiuga atîrî: “Kûrarî na vata kiugo Kîam Ngai Kîammbe kîvunjue kûrî mue. Nwatî nîûndû nîmwakîrega na mwetuîra wa mue ene atî mûtirona mûrî agîrîru a kûvewa mwoyo wa tene na tene, tue rîu nîtûkûmûtiga na tûthiî kûrî andû a ndûrîrî.

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?