Mathaayo 22:11 - ÎVUKU RÎA ÛVORO MWARO

¹¹ “Rîrîa mûthamaki aatonyire kûrîa kwarîcagîrwa nîguo one ageni, nîwonire mûndû ûmwe ûteekîrîte nguo ya ûviki. Nake nîwamwîrire atîrî,

Mathaayo 22:11 Referencias Cruzadas

2Atha 10:22

Jehu nîwacokire akîra mûthînjîri-Ngai ûrîa wamenyagîrîra nguo irîa nyamûre atîrî, “Ruta nguo icio nyamûre na ûnengere andû onthe arîa maûkire kûgooca Baali.” Kwoguo nîwarutire nguo icio nyamûre na akînengera andû acio maagoocaga Baali.

Isaia 52:1

Ûkîra, ûkîra! Gîa na vinya, we Zayuni; îkîra nguo ciaku irîa mbaro, we Jerusalemu, îtûûra rîrîa rîamûre; nîûndû gûtirî mûndû ûtarî mûruu kana ûrî na mûgiro ûgaatonya gwaku rîngî.

Isaia 64:6

Tue tuonthe tûtuîkîte ta andû marî na mûgiro; na ciîko cietû cionthe mbaro ciîkariî ta nguo îrî na gîko. Tuonthe tûûmaga ta mathangû, namo mevia metû matûgûrûkagia ta rûkûngi.

Maca 5:22

Kana nîkwa ûtûtiganîrîtie viû? Nîkwa ûrî mûrakaru mûno nîtue?

Zefania 1:12

Vîndî îo nîngoca taa na nthiî Jerusalemu ngîcaragia; Nîngaverithia andû arîa meganaga na makeîraga na ngoro atî, ‘Ngai-Mûnene ndarî ûndû ekaga: mwaro kana mûcûku.’

Mathaayo 13:30

Tigani ngano na ria ikûranîrie vamwe nginya vîndî ya maketha. Vîndî îo nie nîngera akethi mambe makûûre ria, marîove ikûmbwa ikûmbwa na marîvîvie, na macoke makethe ngano maciige îkûmbîrî rîakwa.’ ”

Mathaayo 22:10

Nacio ndungata icio nîciathiîre nakûu njîrarî na ikîûngania andû arîa onthe ciethagîrîria; andû ega na acûku nîguo maûke îrugarî. Nayo nyomba ya îruga nîyecûrire andû.

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Aroma 13:14

Nwatî îkîrani Mwathani Jesû Kristû arî take indo cienyu cia mbaara, na mûtige kwîthînia nîûndû wa mîîrî yenyu îrîa îvagia atî nîguo mûvingie maûndû marîa îriragîria.

Aroma 3:22

Ngai atucaga andû onthe athingu na njîra ya gwîtîkia Jesû Kristû. Ngai ekaga ûguo kwî andû onthe arîa metîkîtie nîûndû ndathuurûkanagia.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Akor 5:3

Na twarîkia kûmîkîra tûtigaacoka kwonwa tûrî njaga.

Agal 3:27

Mue arîa mûvatithîtue na mûgatuîka kîndû kîmwe na Kristû nîmûtuîkîte take.

Aefeso 4:24

Nwanginya mwîkîre ûmûndû mûcerû ûrîa ûmbîtwe ûvananîte na Ngai na wîyonithanagia ûtûûrorî wa ma ûrîa mûthingu na mûtheru.

Kûguû 16:15

“Tathikîrîriani! Nie nîmbûka ta mwîi! Kûrathimwa nî mûndû ûrîa wîkaraga atarî toro, na avarîrîtie nguo ciake, nîguo ndakathiîcage arî njaga na aconoke nî andû!”

Kûguû 19:8

Ke nîmûnengere nguo mbaro ya hariri îravenavenia ya gwîkîra.” (Nguo mbaro nî ciîko mbaro irîa andû a Ngai mekaga.)

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

Kûguû 3:18

Kwoguo nie nîragûtaara ûgûre thaavu kuumana nanie îrîa ntherie na mwaki nîguo ûtonge. Wana ûgûre nguo cia rangi njerû kuuma kûrî nie nîguo wîkîre na ûtige kwîgua nthoni cia kwonekana ûrî njaga, na ûgûre ndawa ya gwîkîra metho nîguo ûvote kwona.