Mathaayo 21:11 - ÎVUKU RÎA ÛVORO MWARO

¹¹ Nakîo kîrîndî nîgîacokirie atîrî, “Ûyû nîke Jesû ûrîa mûrathi, kuuma îtûûrarî rîa Nazarethi, rîrîa rîrî Galili.”

Mathaayo 21:11 Referencias Cruzadas

Mathaayo 2:23

Nake Josefu nîwathaamîre îtûûrarî rîa Nazarethi na agîtûûra kuo. Namo maûndû nîmaavingire marîa arathi maaugîte atî: “Ke nîageetwa Mûnazari.”

Mathaayo 21:10

Rîrîa Jesû aatonyire Jerusalemu, andû onthe nîmaagagire na makîambîrîria kûrania atîrî, “Nû ûyû?”

Mathaayo 21:26

Nwatî wona twauga, ‘Waumîte kûrî andû,’ nîtûretigîra ûrîa andû mangîka nîûndû andû onthe metîkîtie atî Johana aarî Mûrathi.”

Mathaayo 21:46

Kwoguo nîmaageririe kûmûnyita. Nwatî nîmeetigîre kîrîndî, nîûndû gîetîkîtie atî Jesû aarî mûrathi.

Maariko 6:15

Nwatî engî maaugaga atîrî, “Ke nî Elija” wana engî makaugaga atîrî, “Ke nî mûrathi, ta ûmwe wa arathi arîa a tene.”

Luka 13:33

Nwatî ûmûnthî, rûyû na aûke nwa nginya mbîthîrwe nîrî rûgendorî rwakwa. Nîûndû tî kwagîrîru mûrathi aûragwe arî kûndû kwîngî tiga îtûûrarî rîa Jerusalemu.

Luka 24:19

Nake Jesû nîwamaûririe atîrî, “Nî maûndû marîkû?” Nao nîmaamûcokerie atîrî, “Maûndû megiî Jesû wa Nazarethi. Methorî ma Ngai na ma andû onthe mûndû ûcio ararî mûrathi ûrarî na ûvoti mûnene maûndûrî marîa araugaga na arekaga.

Luka 7:16

Nao andû onthe arîa maarî vo nîmecûrirwe nî guoya na magîkumia Ngai makiugaga atîrî, “Tue tûrî aumîrîre nî Mûrathi mûnene, na Ngai nîaûkîte kûvonokia andû ake.”

Luka 7:39

Vîndî îrîa Mûfarisai ûcio wetîrîte Jesû irio oonire ûguo, nîweîrire na ngoro atîrî, “Mûndû ûyû angîrî mûrathi, nîangîramenya mûndûmûka ûyû ûramûvutia nî wa mûthemba ûrîkû, wana rîngî nîangîramenya mûndûmûka ûyû nî mwîvia.”

Johana 1:21

Nao nîmaamûririe atîrî, “We wî û vi? We wî Elija?” Nake Johana nîwamacokerie atîrî, “Naarî, nie tînie ke.” Nao nîmaamûririe atîrî, “We nîwe Mûrathi?” Nake Johana nîwamacokerie atîrî, “Naarî.”

Johana 1:25

nîmaacokire makîûria Johana atîrî, “Angîthîrwa we tîwe Mesaya, kana Elija, kana Mûrathi, ûvatithanagia nîkî?”

Johana 4:19

Mûndûmûka ûcio nîwamwîrire atîrî, “Mûthuuri ûyû, rîu nînamenya atî we wî mûrathi.

Johana 6:14

Rîrîa andû arîa maarî vo moonire Kîamma kîrîa Jesû aaringire, nîmaaugire atîrî, “Na ma ûyû nîke Mûrathi ûrîa warî aûke gûkû nthî!”

Johana 7:40

Andû amwe arîa maarî vo nîmegwire akiuga ûguo na makiuga atîrî, “Na ma mûndû ûyû nî Mûrathi!”

Johana 9:17

Wa rîngî Afarisai acio nîmaaûririe mûndû ûcio atîrî, “We ûngiuga atîa îgûrû rîa mûndû ûcio ûrauga nîke ûrakûvotithirie kwona?” Nake mûndû ûcio nîwamacokerie atîrî, “Ke nî mûrathi.”

Ciîko 7:37

Musa ûcio nwake werire andû a Isiraeli atîrî, ‘Ngai nîakaamûtûmîra mûrathi wata ûguo aandûmire, na ke akeethîrwa arî ûmwe wa andû enyu.’