Mathaayo 20:2 - ÎVUKU RÎA ÛVORO MWARO

² Nake nîwarîkanîre na aruti wîra acio atî akamarîvaga dinarii îmwe wa mûthenya, na akîmatûma makarute wîra mûgûndarî wake wa mîthavibu.

Mathaayo 20:2 Referencias Cruzadas

1Atha 18:12

Î narîo Roho wa Ngai-Mûnene angîgwoca na akûvire kûndû ndaicî narîkia kuuma ava? Nacoka nera Ahabu, atî wî gûkû nake arege gûkwona, kinthî ndakûmbûraga? Ririkana, atî ndwîre nîrî mûgooci Ngai-Mûnene na vinya mûno kuuma nîrî kamwana.

2Maû 34:3

Mwakarî wa kanana (8) kuuma Josia atuîka mûthamaki wa Juda, vîndî wa îo arî mwanake, nîwambîrîrie kûgooca Ngai wa îthe Daudi. Mwakarî wa îkûmi na îîrî (12) Josia arî mûthamaki, nîwambîrîrie gûcûkangia kûrîa kwagoocagîrwa mîvuanano, Ashera, ngai ya mûndûmûka na mîvuanano îrîa îngî yonthe kûu Juda na Jerusalemu.

Mûvunjia 12:1

Ririkanaga ûrîa wakûmbire vîndî îrîa ûrî mwîthî, mbere ya kavinda gakinya rîrîa ûkaauga atîrî, “Ndirakenerera ûtûûro.”

Mathaayo 18:28

“Nayo ndungata îo nîyacokire îkiuma, na îgîtûngana na ndungata îmwe ya arîa maarutaga wîra nayo na yarî na thirî wake wa mbeca îgana rîmwe. Ndungata îo nîyamûnyitire ngingo na vinya îkîmîvivinya mîmero îkîmîraga atîrî, ‘Ndîva thirî wakwa wonthe.’

Mathaayo 20:1

“Ûthamaki wa îgûrû wîkariî ta mûndû ûrîa waumire mûciî kîraûko tene na akîthiî kwandîka andû a kûruta wîra mûgûndarî wake wa mîthavibu.

Mathaayo 20:13

“Nake mwene mûgûnda nîwacokerie ûmwe wao atîrî, ‘Tathikîrîria mûrata wakwa, gûtirî ûndû mûcûku ngwîkîte. We nîwîtîkîre kûruta wîra wa mûthenya mûgima na wetîkîra ûrîvwe dinarii îmwe.

Mathaayo 20:3

Mûndû ûcio nîwathiîre rîngî thokorî ta thaa ithatû cia kîraûko na akîona andû engî marûngamîte matarî na ûndû mareka.

Mathaayo 20:9

Rîrîa aruti wîra arîa maandîkirwe thaa ikûmi na îmwe maathiîre kûrîvwa, wa mûndû aarîvirwe dinarii îmwe.

Mathaayo 22:19

Tamoniani mbeca irîa mûrîvaga gooti.” Nao nîmaamûvirîre mbeca îmwe ya sîlûva.

Mathaayo 9:37

Nake Jesû nîwacokire akîîra arutwa ake atîrî, “Maketha nî meengî nwatî aruti wîra nî anini.

Maariko 12:15

Nwatî Jesû nîwamenyire atî maarî na ûvinga na akîmaûria atîrî, “Mûrangeria nîkî? Tanengerani mbeca nîmîrorie.”

Luka 1:15

Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru.

Luka 10:35

Mûthenya ûcio warûmîrîrîte, Mûsamaria ûcio nîwarutire sîlûva igîrî akînengera mwene mûkawa na akîmwîra atîrî, ‘Menyerera mûndû ûyû na vîndî îrîa ngaacokerera ava, nîngaakûrîva kîndû wa kîonthe kîrîa akeethîrwa avûthîrîte.’ ”

Luka 20:24

“Tamoniani mbeca îmwe ya sîlûva. Mbica îno na rîîtwa rîîrî rîandîkîtwe vo nî rîa û?” Nao nîmaamûcokerie atîrî, “Nî cia mûthamaki wa Roma.”

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.

Kûguû 6:6

Nînaacokire ngîgua kîndû kîeguîkaga gîkariî ta mûgambo waumaga gatagatîrî ga ciûmbe icio inya irîa irî mwoyo. Mûgambo ûcio waugaga atîrî: “Kilo îmwe ya mûtu wa ngano nîyendue dinarii îmwe, na kilo ithatû cia cairi nîciendue dinarii îmwe, nwatî ndûgacûkie maguta na ndivei!”

1Sam 2:18

Samueli nîwathiîre na mbere gûtungatîra Ngai-Mûnene ekîrîte nguo îrîa yarathimîrîtûe wîra ûcio.

1Sam 2:26

Nake Samueli nîwathiîre na mbere gûkûra akîendagwa nî Ngai-Mûnene wana andû.

1Sam 3:1

Nake mwanake ûcio wetagwa Samueli nîwathiîre na mbere gûtungatîra Ngai-Mûnene akîonagîrîrua nî Eli. Vîndî îo ndûmîrîri ciumîte kûrî Ngai-Mûnene vamwe na cioneki itiethagîrwa irî nyîngî.

1Sam 3:21

Nake Ngai-Mûnene nîwathiîre na mbere kwîyonithania kûu Shilo. Kûu nîkuo Samueli aarî vîndî îrîa Ngai-Mûnene aamumîrîrîte na akîmwarîria. Nake Samueli nîwavecanire ndûmîrîri ya Ngai-Mûnene kûrî andû onthe a Isiraeli na makîmîamûkîra.