Mathaayo 2:13 - ÎVUKU RÎA ÛVORO MWARO

¹³ Nao athuuri acio maarî na ûgî wa njata marîkia kûthiî, mûraika wa Mwathani nîwaumîrîre Josefu kîrotorî na akîmwîra atîrî, “Ûkîra woce mwana na ng'ina mûre mûthiî vûrûrirî wa Misiri, na mwîkare kuo nginya rîrîa ngaamwîra, nîûndû Herode arî vakuvî kwambîrîria gûcaria kaana nîguo akaûrage.”

Mathaayo 2:13 Referencias Cruzadas

1Atha 11:17

Nwatî Hadadi marî na Aedomu amwe arîa maarî ndungata cia îthe nîmaatorokire makîthiî Misiri. Vîndî îo Hadadi aarî kamwana kanini.

1Atha 3:5

Ûtukû wa mûthenya ûcio Ngai-Mûnene nîwaumîrîre Solomoni na njîra ya kîroto na akîmwîra atîrî, “Mbîtia kîrîa ûkwenda na nîngûkûva.”

Ayubu 33:15

Ngai aragîria andû na njîra ya iroto na cioneki, ûtukû rîrîa mamamiî toro mûnene.

Ayubu 33:17

Amekaga ûguo nîguo matige kwîvia, na agatûma matigane na mwîtîîo.

Ntha 1:22

Mûthiiarî mûthamaki nîwavecanire watho kûrî andû ake onthe akiuga atîrî, “Kaana wa konthe ga kavîcî gagaciaragwa nî aka a Ahibirania mûgagaikagia rûnjîrî rwa Nailo, nwatî twana tuonthe twa twîrîtu mûkareka tûtûûre.”

Mathaayo 1:20

Na rîrîa Josefu eeciragia îgûrû rîa maûndû mau, mûraika wa Mwathani nîwamumîrîre kîrotorî na akîmwîra atîrî, “Josefu, we ûrîa wî wa mbarî ya Mûthamaki Daudi, ndûgetigîre kûvikia Mariamu, nîûndû îvu rîu arî narîo riumanîte na vinya wa Roho Mûtheru.

Mathaayo 10:23

Na rîrîa mue mûkaanyarirwa mûrî îtûûrarî rîmwe, mûkaaûra mûthiî îtûûrarî rîrîa rîngî. Nîramwîra na ma atî mûtikaarîkia wîra wenyu matûûrarî monthe ma Isiraeli Mûrû wa Mûndû atarî mûku.

Mathaayo 2:12

Nao andû acio nîmaakaanirue nî Ngai marî kîrotorî makîrwa matigaacokerere kwa Herode. Kwoguo nîmaacokire vûrûrirî wao na njîra îngî.

Mathaayo 2:14

Nake Josefu nîwaûkîrire, agîoca mwana na ng'ina na makîûra makathiî vûrûrirî wa Misiri ûtukû.

Mathaayo 2:16

Vîndî îrîa Herode aamenyire atî nîwaveenirue nî andû acio maarî na ûgî wa njata, nîwarakarire mûno. Nîwacokire akîathana atî twana twa tûvîcî tuonthe, tûrîa twarî kûu îtûûrarî rîa Bethilehemu vamwe na matûûrarî marîa maariganîtie nakuo, tûûragwe. Twana tûrîa aaugire tûûragwe nî tûrîa twarî na ûkûrû wa kuuma mîaka îîrî gûcoka na nthî. Ekire ûguo kûringana na kavinda karîa ke eerîtwe nî andû arîa maarî na ûûgî wa njata atî njata nîyonekire.

Mathaayo 2:22

Nwatî rîrîa Josefu eegwire atî Arikelau nîke watigîrîtwe wathani wa kwathana kûu Judea nî îthe Herode, nîwetigîrire kûthiî kuo. Nake mûraika nîwaumîrîre Josefu arî kîrotorî, na akîmûkania kûthiî kuo. Kwoguo nîwathiîre vûrûrirî wa Galili.

Ciîko 10:22

Nao nîmaamûcokerie atîrî, “Tue nîkwa tûtûmîrwe nî Korinelio ûrîa wîthagîrwa arî mûnene wa athigari îgana. Ke nî mûndû mûthingu, wîtigîrîte Ngai, na ûvetwe gîtîîo nî rûrîrî ruonthe rwa Ayahudi. Mûraika wa Ngai aramwîrire agûtûmanîre ûthiî gwake mûciî nîguo egue ûrîa we ûkuga.”

Ciîko 10:7

Rîrîa mûraika ûcio warîrie Korinelio athiîre, Korinelio nîwetire ndungata ciake ciîrî na mûthigari ûmwe wetîkîtie Ngai mûno. Aametire kuuma gatagatîrî ka andû arîa maamûtungatagîra.

Ciîko 12:11

Nake Petero nîwamenyire ûrîa gwekîkîte kûrî ke, na akiuga atîrî, “Rîu nînamenya atî Mwathani na ma nîatûmîte mûraika wake aûke andethûre kuuma kûrî Herode na kuuma kûrî maûndû monthe marîa Ayahudi mareciragia nîmagwîka.”

Ciîko 12:7

Nake mûraika wa Mwathani nîwaumîre wa rîmwe na ûtheri ûgîkenga kûu njeera. Mûraika ûcio nîwainainirie Petero amûgwete Kîamnde, akîmûramûkia na akîmwîra atîrî, “Ramûka narua!” Nayo mînyororo îrîa ovetwe njara nayo nîyagwîre nthî wa rîmwe.

Ciîko 16:36

Kwoguo mûrangîri wa njeera nîwerire Paûlo atîrî, “Acirithania maathana mauga nîmûrekererie. Umani rîu na mûthiî mûrî na thayû.”

Ciîko 5:19

Nwatî ûtukû wa mûthenya ûcio, mûraika wa Mwathani nîwavingûrire mîrango ya njeera, akîmaruta kuo, na akîmeera atîrî,

Ciîko 7:19

Mûthamaki ûcio nîwatungîre andû etû gîkuru na akîatha methe metû ma tene matiganîrie twana twao twa tûkenge nja nîguo tûkue.

Josh 3:13

Athînjîri-Ngai arîa makuuîte îthandûkû rîa Kîrîkanîro Kîam Ngai-Mûnene wa nthî makaathiî marî mbere yenyu. Rîrîa magûrû mao magaakinya manjî, rûnjî rwa Jorodani nîrûgaatiga kûthiî. Manjî marîa maranyûrûrûka makeyûmbanîrîra vandû vamwe.”

Josh 3:17

Nao athînjîri-Ngai arîa maakuuîte îthandûkû rîa kîrîkanîro Kîam Ngai-Mûnene nîmeekarire marûngamîte gatagatî ka rûnjî rwa Jorodani kûrîa manjî maavûîte nginya rîrîa andû onthe a Isiraeli maaringire.

Josh 4:10

Athînjîri-Ngai arîa maakuuîte îthandûkû rîa kîrîkanîro nîmeekarire marûngamîte gatagatî ka rûnjî nginya rîrîa andû meekire maûndû monthe kûringana na ûrîa Joshua aathîtwe nî Ngai-Mûnene ameere. Ûguo nîguo Joshua aathîtwe nî Musa. Andû nîmaaringire rûnjî rwa Jorodani na îvenya.

Josh 4:18

Nao athînjîri-Ngai makuuîte îthandûkû rîa kîrîkanîro Kîam Ngai-Mûnene nîmaaumire rûnjîrî gatagatî. Na rîrîa maakinyire nguvarî ya rûnjî, manjî nîmaambîrîrie kûnyûrûrûka rîngî. Naruo rûnjî nîrwecûrire na rûkiuna rîngî wata ûrîa rwekariî mbere ya maringa.

Kûguû 12:14

Nwatî mûndûmûka ûcio nîwaverwe mathagu maîrî ma nderi nene, nîguo avote kûgûrûka athiî vandû varîa aathondekeretwe werûrî. Kûu nîkuo akaamenyererwa kwa îvinda rîa mîaka îthatû na nuthu, na agitîrwe kuumana na njûnamatu.

Kûguû 12:4

Njûnamatu îo nîyagucirie gîcunjî kîmwe Kîam ithatû Kîam njata cia îgûrû na mûkiia wayo, na îgîcikia nthî. Nayo nîyarûngamire mbere ya mûndûmûka ûcio warî vakuvî gûciara nîguo îrîe kaana gaciarwa warîo.

Kûguû 12:6

Nake mûndûmûka ûcio nîwaûrire na akîthiî werûrî. Kûu nîkuo Ngai aamûthondekerete vandû nîguo ekare akîmenyagîrîrwa vandû va mîthenya ngiri îmwe na magana maîrî ma mîrongo îtandatû (1,260).