Mathaayo 19:7 - ÎVUKU RÎA ÛVORO MWARO

⁷ Nao nîmaaûririe atîrî, “Nîkî vi gîatûmire Musa avecane watho wa gwîtîkîria mûthuuri anengere mûka maarûa ya kûmûta, na acoke amwîngate?”

Mathaayo 19:7 Referencias Cruzadas

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Jeremia 3:8

Juda nîwonire atî naveere Isiraeli maarûa ya kûmûta nîûndû ndaarî mwîvokeku na nîwekîte mevia meengî ma ûtharia. Kûnarî ûguo, Juda mwarwang'ina ûrîa mûthaani ndetigîra, nwatî wanake nîwathiîre kûvûûra ûmaraa.

Malaki 2:16

Ngai-Mûnene, Ngai wa Isiraeli augîte atîrî, “Nînthûrîte gûtecana kwa arîa mavikanîtie. Nînthûrîte mûndûmûrûme ûrîa wîkaga mûka gîko ta kîu gîcûku ûguo. Îîmenyerereni atî vîndî cionthe mûtûûre mûrî evokeku kûrî aka enyu.”

Mathaayo 1:19

Na nîûndû Josefu aarî mûndû mûthingu, na ndeendaga gûconorithia Mariamu, nîwatuire atigane nake na nthitho.

Mathaayo 19:6

Kwoguo o tî aîrî rîngî, nwatî o nî mwîrî ûmwe. Kwoguo andû arîa Ngai anyitithanîtie mûndû wana ûrîkû ndakanamatigithanie.”

Mathaayo 19:8

Nake Jesû nîwamerire atîrî, “Musa aamûveere rûtha rwa gûta aka enyu nîûndû wa ûmû wa ngoro cienyu. Nwatî ûguo tîguo gwekariî kuuma Kîammbîrîria.

Mathaayo 5:31

“Wana rîngî nîkwerîtwe atîrî, ‘Mûthuuri wa wonthe ûtecaga mûka, nwa nginya amûnengere maarûa ya kûmwonia atî nîwamûta.’

Maariko 10:4

Nao nîmaamûcokerie atîrî, “Musa nîwetîkîrîtie mûthuuri andîkîre mûka maarûa ya kûmûta na acoke amûte.”