Mathaayo 19:5 - ÎVUKU RÎA ÛVORO MWARO

⁵ na akiuga atî, ‘Nîûndû wa gîtûmi gîkî mûndûmûrûme agaatigaga îthe na ng'ina, makanyitithanua na mûka, na oîrî makethagîrwa marî mwîrî ûmwe.’

Mathaayo 19:5 Referencias Cruzadas

Kîam 34:3

Shekemu nîwendire Dina mwîrîtu wa Jakovu na ngoro. Kwoguo nîwamwaragîria na wendo nîguo Dina wanake amwende.

2Sam 1:26

“Nie nîrî na kîeva nîûndû waku mûrwaiya Jonathani; kûrî nie we ûraarî mûndû mwaro mûno! Wendo ûrîa ûramendete naguo ûrarî wa magegania, nîûndû ûrarî mûnene gûkîra wendo wa mûndû mûka.

1Atha 11:2

Ngai-Mûnene nîwathîte Aisiraeli atî matikavikie aka a kuuma mavûrûrirî mau kana arûme a mavûrûri mau mavikia erîtu a Isiraeli, nîûndû nwa matûme andû a Isiraeli mathîkagîre ngai ciao. Nwatî Solomoni nîwavikirie aka kuuma mavûrûrirî mau.

Thaburi 45:10

Tanthikîrîria waro ûrîa ngûkwîra, we mwarî wa mûthamaki, riganîrwa nî andû aku na andû a mûciî wenyu,

Thaburi 63:8

Nîîgwatithanîtie nawe, naguo vinya waku nî ûngitîrîte.

Malaki 2:15

Na kinthî tî Ngai-Mûnene watûmire we na mûka waku mûtuîke mwîrî ûmwe na mûgîe na ngoro îmwe? Endaga kwonania atîa? Ngai endaga tûgîcage na ciana imwîtigîrîte na imûkumagia. Kwoguo, menyererani atî gûtikethîrwe kûrî na mûndû gatagatîrî kenyu ûtarî mwîvokeku kûrî mûka ûrîa aavikirie arî mwîthî.

Mathaayo 19:6

Kwoguo o tî aîrî rîngî, nwatî o nî mwîrî ûmwe. Kwoguo andû arîa Ngai anyitithanîtie mûndû wana ûrîkû ndakanamatigithanie.”

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

1Akor 6:16

Mandîkorî matheru nîkwandîkîtwe atîrî, “Aîrî nîmagaatuîka mwîrî ûmwe.” Kwoguo mue mwagîrîrwe nî kûmenya atî mûndû wa wonthe ûmenyanaga kîîmwîrî na mûmaraa nîatuîkaga ûmwe nake kîîmwîrî.

1Akor 7:2

Nwatî nîûndû ûmaraa nîguo wîngîvîte, mûndûmûrûme wa wonthe nî kava ethîrîtwe arî na mûka wake ke mwene, na mûndûmûka wa wonthe ethîrwe arî na mûthuuri wake ke mwene.

1Akor 7:4

Mûndûmûka ndathaga mwîrî wake ke mwene, nwatî wathagwa nî mûrûme. Na njîra wata îo mûthuuri nake ndathaga mwîrî wake ke mwene, nwatî wathagwa nî mûka.

Aefeso 5:31

Wa ta ûrîa mandîko matheru maugîte atîrî, “Nîûndû wa gîtûmi gîkî mûndû mûrûme agatigaga îthe na ng'ina na akagwatana na mûka, na oîrî magatuîka kîndû kîmwe.”

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 11:22

“Mwona mwathîkîra na kinyi maathani mama monthe nîmûvete: kwenda Ngai-Mûnene Ngai wenyu, kûrûmîrîra njîra ciake cionthe, na gûtuîka andû evokeku kûrî ke,

Gûco 4:4

Nwatî andû amwe gatagatîrî kenyu, arîa maarî evokeku kûrî Ngai-Mûnene, Ngai wenyu, marî mwoyo nginya ûmûnthî.

1Sam 18:1

Rîrîa Saûlo na Daudi maarîkirie kwaria, Jonathani mûvîcî wa Saûlo nîwagucîrîrue mûno nî Daudi na Jonathani akîenda Daudi wata ûrîa eyendete ke mwene.

1Sam 25:43

Daudi nîwacokire akîvikia Ahinoamu ûrîa waumîte Jezireeli. Nao oîrî nîmaatuîkire aka ake.