Mathaayo 18:6 - ÎVUKU RÎA ÛVORO MWARO

⁶ “Mûndû wa wonthe angîvîtithia kamwe ga twana tûtû tûmbîtîkîtie, nîkava mûndû ûcio overerwe îthiga rîa kîthîi ngingo, na acoke aikue îriarî kûrîa kûrikîru.

Mathaayo 18:6 Referencias Cruzadas

Thaburi 105:15

Ameera atîrî, “Mûtikavutie andû arîa nyamûrîte, mûtigeke arathi akwa ûndû mûcûku.”

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Zakaria 2:8

Nîûndû Ngai-Mûnene mwene vinya wonthe ûrîa ûndûmîte nîûndû wa riiri wake augîte ûvoro wîgiî mavûrûri marîa maatavire andû ake atîrî, “Mûndû ûrîa ûmûvutagia nî ritho rîake aikagia Kîamra.

Mathaayo 17:27

Nwatî tue tûtirenda kûrakaria andû aya. Na kwoguo thiî îriarî na wikie ndwano. Warîkia kûnyita nthamaki ya mbere, mîvingûre kanyua ka yo na nîûkwona mbeca. Mbeca îo nîmbîganu ya kûrîva gooti ya hekarû; mîoce na ûthiî ûrîve gooti yakwa na yaku.”

Mathaayo 18:10

“Menyererani atî mûtikae kûnyarara kaana wana kamwe ga tûtû tûnini. Nîramwîra na ma atî araika a tuo arîa marî îgûrû methagîrwa marî varî Ngai Vava ûrîa ûrî îgûrû. [

Mathaayo 18:14

Na njîra wata îo, îthe wenyu ûrîa wî îgûrû ndendaga kamwe ga twana tûtû tûnini tûûra.

Mathaayo 18:5

Mûndû wa wonthe ûgwataga kaana ta gaka ûgeni nîûndû wakwa, nî nie agwataga ûgeni.

Maariko 9:42

“Mûndû wa wonthe angîvîtithia kamwe ga twana tûtû tûmbîtîkîtie, wana nî kava overerwe îthiga rîa kîthîi ngingorî yake na acoke aikue îriarî.

Ciîko 9:5

Nake nîwaûririe atîrî, “We wî û Mwathani?” Nake nîweguire mûgambo ûcio ûgîcokia atîrî, “Nie nînie Jesû ûrîa ûranyarira.”

Aroma 14:21

Nî ûndû mwaro gûtiga kûrîa nyama, kûnyua ndivei kana gwîka ûndû wa wonthe ûngîtûma mûndû ûrîa wîngî avîngwe.