Mathaayo 18:4 - ÎVUKU RÎA ÛVORO MWARO

⁴ Mûndû ûrîa mûnene ûthamakirî wa îgûrû, nî ûrîa wînyivagia na agatuîka ta kaana gaka.

Mathaayo 18:4 Referencias Cruzadas

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Mathaayo 18:1

Vîndî îo arutwa a Jesû nîmaathiîre kûrîke na makîmûria atîrî, “Nî ûrîkû mûnene makîria ya arîa engî ûthamakirî wa îgûrû?”

Mathaayo 18:3

na akîmeera atîrî, “Nie nîramwîra na ma atî, tiga nwa mûgarûrûkire na mûtuîke ta ciana, mûtigaatonya Ûthamakirî wa îgûrû.

Mathaayo 18:5

Mûndû wa wonthe ûgwataga kaana ta gaka ûgeni nîûndû wakwa, nî nie agwataga ûgeni.

Maariko 10:43

nwatî ûguo tîguo gûkwîthîrwa gwîkariî gatagatîrî kenyu. Mûndû wa wonthe ûngîenda gûtuîka mûnene gatagatîrî kenyu, nwa nginya atuîke ndungata ya arîa engî onthe.

Maariko 9:34

Nao nîmaakirire kivi, nîûndû rîrîa maarî njîrarî nîmaakararanagia makîenda kûmenya nî ûrîkû mûnene makîria ya arîa engî.

Luka 14:11

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

Luka 9:48

na akîmeera atîrî, “Mûndû wa wonthe ûgwataga mwana ûyû ûgeni nîûndû wa rîîtwa rîakwa, nînie ethagîrwa akîgwata ûgeni. Nake mûndû wa wonthe ûngwataga ûgeni, nî ûrîa wandûmire ethagîrwa akîgwata ûgeni. Mûndû ûrîa mûnini viû gatagatîrî kenyu muonthe, nîke mûnene gûkîra arîa engî onthe.”

Jakuvu 4:10

Îînyivieni mbere ya Mwathani, nake nîakûmûnenevia.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”