Mathaayo 18:3 - ÎVUKU RÎA ÛVORO MWARO

³ na akîmeera atîrî, “Nie nîramwîra na ma atî, tiga nwa mûgarûrûkire na mûtuîke ta ciana, mûtigaatonya Ûthamakirî wa îgûrû.

Mathaayo 18:3 Referencias Cruzadas

Thaburi 131:2

Nwatî nîmvorerete na ngagîa na thayû, ta ûrîa kaana kavoragîra kagwatîtwe nî ng'ina, ngoro yakwa îkirîrîrîtie ta kaana kavoreretue.

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Mathaayo 13:15

Nîûndû ngoro cienyu nî nyûmû, na nî mûkunîkîte matû, na mûkavinga metho menyu. Gûtangîkariî ûguo o nwa mataûkîrwe nî maûndû marîa monaga na metho mao, na megucaga na matû mao. Nao nwa manjokerere, na nie ngamavonia.’

Mathaayo 18:2

Nake Jesû nîwetire kaana, agîkarûngamia mbere yao,

Mathaayo 18:4

Mûndû ûrîa mûnene ûthamakirî wa îgûrû, nî ûrîa wînyivagia na agatuîka ta kaana gaka.

Mathaayo 19:14

Nake Jesû nîwamerire atîrî, “Îtîkîriani twana tûûke kûrî nie, tigani gûtûgiria, nîûndû Ûthamaki wa Ngai nî wa arîa mekariî ta tuo.”

Mathaayo 19:23

Nake Jesû nîwacokire akîra arutwa ake atîrî, “Nîramwîra nama atî gûkeethîrwa arî ûndû mûmû itonga gûtonya ûthamakirî wa îgûrû.

Mathaayo 5:18

Nîramwîra na ma atî, îgûrû na nthî itarî nthiru gûtirî gacunjî wana kamwe ka Watho gakaathengutua. Gûtirî gacunjî wana kanini atîa gakaathengutua maûndû monthe marîa marî wathorî matarî mavingu.

Mathaayo 5:20

Nie nîramwîra atî, mue mûtigaatonya Ûthamakirî wa îgûrû tiga nwanga mwîthîrwe mûrî athingu gûkîra arimû a Watho na Afarisai.

Mathaayo 6:16

“Na vîndî îrîa mûrenyerekia tigagani kwiria mothiû menyu ta ûrîa mvinga ciîkaga. Mvinga ciragia mothiû ma cio nîguo cionwe nî andû onthe atî nîirenyerekia. Nîramwîra na ma atî, mvinga icio nîirîkîtie kûvewa mûcara wacio.

Mathaayo 6:2

“Kwoguo, vîndî îrîa mûravecana indo cienyu nîguo itethie athîni, mûtikendage kwîyonania wata ûrîa mvinga ciîkaga vîndî îrîa irî îvoerorî na thokorî. Mvinga icio ciîkaga ûguo nîguo iganagwe nî andû. Nîramwîra na ma atî, mvinga icio nîirîkîtie kûrîvwa mûcara wacio.

Mathaayo 6:5

“Na vîndî îrîa mûkûvoya, mûtikavoyage ta mvinga! Mvinga ciendaga kûvoya irûngamîte mavoerorî na makathîkanorî ma njîra, nîguo cionwe nî andû. Nîramwîra na ma atî, mvinga icio nîirîkîtie kûvewa mûcara wacio.

Maariko 4:12

‘Kûroria maroragie, na matione; kwîgua megucage, na matitaûkîrwe. Nîûndû mangîtaûkîrwa, nwa macokerere Ngai, nake akamovera mevia mao.’ ”

Luka 13:24

“Geragiani mûno gûtonyerera mûromorî ûrîa mûceke. Nîûndû nîramwîra na ma atî, andû eengî nîmakaageria gûtonya na matikaavota.

Luka 22:32

Nwatî we Simoni, nie nîrîmûkûvoeru nîguo wîtîkio waku ndûkenyenyue. Na wanjokerera ûgeekagîra aa mûrwanyûkwe vinya.”

Johana 1:51

Jesû nîwacokire akîmeera atîrî, “Nîramwîra ûvoro wa ma atî: nîmûkoona îgûrû rîkîvingûka nao araika a Ngai makiunûkia na makînyûrûrûka îgûrû rîa Mûrû wa Mûndû.”

Johana 3:3

Jesû nîwamûcokerie atîrî, “Nîramwîra na ma atî: gûtirî mûndû ûngîona Ûthamaki wa Ngai atambîte gûciarwa rîngî.”

Johana 3:5

Nake Jesû nîwamûcokerie atîrî, “Nîrakwîra na ma atî gûtirî mûndû ûngîtonya Ûthamakirî wa Ngai atambîte gûciarwa rîngî na manjî na Roho Mûtheru.

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Ciîko 28:27

nîûndû ngoro cia andû aya nî nyûmû, na nîmakunîkîte matû mao, na makavinga metho mao. Kethîrwa tî ûguo metho mao nî mangîrona, na matû mao nîmangîregua. Namo meciria mao nîmangîrî gûtaûkîrwa, makanjokerera, nanie ngamavonia.’

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

1Akor 14:20

Ariû na aarî a îthe wetû, tigani gwîciiragia ta ciana. Maûndûrî marîa macûku tuîkani ta twana twa tûkenge, nwatî meciriarî menyu tuîkani ta andû agima.

1Pet 2:2

Tuîkagani ta tûkenge. Vîndî cionthe nyondagîrani îriia rîrîa rîtheru rîa Kîîroho nîguo mwarînyua mûkûre na mûvonokue.

2Pet 1:11

Na njîra îno nîmûkaamûkîrwa na ûtaana ûthamakirî wa tene na tene, wa Mwathani na Mûvonokia wetû Jesû Kristû.