Mathaayo 17:9 - ÎVUKU RÎA ÛVORO MWARO

⁹ Rîrîa maanyûrûrûkîte maumîte kîrîmarî, Jesû nîwamakaanirie akîmeera atîrî, “Mûtikere mûndû wana ûrîkû kîoneki kîu mwona nginya rîrîa Mûrû wa Mûndû akaariûkua.”

Mathaayo 17:9 Referencias Cruzadas

Mathaayo 12:16

Ke nîwacokire akîmakaania matikeere andû ûvoro ûmwîgiî.

Mathaayo 17:12

Nwatî nîramwîra nama atî Elija nîarîkîtie gûka, nao andû matiamûmenya. Nîmaamwîkire maûndû monthe marîa meendaga kûmwîka. Na njîra wata îo, nwaguo makaathînia Mûrû wa Mûndû.”

Mathaayo 17:20

Nake Jesû nîwamacokerie atîrî, “Nîûndû mûrî na wîtîkio mûnini. Nîramwîra na ma atî mwethîrwa mûrî na wîtîkio wîgana ta vîndî ya mûtî wa karatarî, nwa mwîre kîrîma gîkî atîrî, ‘Uma ava na ûthiî vaarîa,’ na nwa kîthiî; na gûtirî ûndû ûkaamûrema. [

Mathaayo 17:22

Rîrîa arutwa onthe maagomanire vamwe kûu Galili, Jesû nîwamerire atîrî, “Mûrû wa Mûndû nîakaanenganîrwa kûrî andû,

Mathaayo 17:23

nao nîmakaamûraga, na vuva wa mîthenya îthatû, nîakaariûkua.” Nao arutwa nîmeguire kîeva mûno.

Mathaayo 17:8

Na rîrîa maaroririe îgûrû, nwa Jesû moonire.

Mathaayo 8:20

Nake Jesû nîwamûcokerie atîrî, “Mbwe irî na marima, na iconi irî na ciomba, nwatî Mûrû wa Mûndû ndarî na vandû angîvuurûka.”

Mathaayo 8:4

Nake Jesû nîwamwîrire atîrî, “Tathikîrîria, ndûkeere mûndû wana ûrîkû ûrîa gwekîka, nwatî thiî ûkeyonanie kûrî mûthînjîri-Ngai nîguo one atî nîwavonua na ûrute îgongoona rîrîa Musa aathanire rîrutagwe, nîguo rîtuîke ûira kûrî o atî we nîwavonua.”

Maariko 8:30

Nake Jesû nîwacokire akîmakaania matikeere mûndû wana ûrîkû ke nîke û.

Luka 8:56

Nao aciari a mwîrîtu ûcio nîmaamakire mûno, na Jesû akîmakaania matikeere mûndû wana ûmwe ûrîa gwekîka.

Luka 9:36

Rîrîa mûgambo warîkirie kwîguîka, Jesû nîwonekire arî wenga. Nao arutwa ake nîmaakirire kivi na mîthenyarî îo matiera mûndû wana ûmwe ûvoro wîgiî maûndû marîa monthe moonete.