Mathaayo 17:6 - ÎVUKU RÎA ÛVORO MWARO

⁶ Rîrîa arutwa acio athatû megwire mûgambo ûcio, nîmaamakire mûno na magîturumithia mothiû mao nthî.

Mathaayo 17:6 Referencias Cruzadas

1Maû 21:16

Daudi nîwonire mûraika wa Ngai-Mûnene arûngamîte rîerarî gatagatî ka nthî na îgûrû agwete rûviû na njara rûrî rûcomore njûrarî na rûkîrîrîtue îgûrû rîa Jerusalemu. Daudi na athuuri, mekîrîte nguo cia macakaya nîmegwîthirie na magîturumithia mothiû mao nthî.

Ezek 3:23

Kwoguo nînaûkîrire na ngîthiî kûndû kûrîa kwarî kwaraganu. Nîrî kûu nînonire riiri wa Ngai-Mûnene ûrûngamîte mbere yakwa wata ûrîa noonete rûnjîrî rwa Kebari. Nînacokire ngîturumithia ûthiû wakwa nthî.

Ezek 43:3

Kîoneki gîkî gîekariî ta kîrîa nonete rîrîa Ngai aaûkîte gûcûkangia îtûûra rîa Jerusalemu, na ta kîrîa nonete rûnjîrî rwa Kebari. Nînacokire ngîîgwîthia ngîturumithia ûthiû wakwa nthî.

Danieli 8:17

Gaburieli nîwaûkire na akîrûngama varîa naarî. Nînavavûkire mûno nginya ngîgwa nthî. Nwatî Gaburieli nîwambîrire atîrî, ‘We mûndû ûyû, menya atî maûndû mau wonire megiî mavinda ma mûthiia.’

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Mathaayo 17:5

Na vîndî wa îo Petero wa akîaragia, îtu rîarî na ûtheri mwîngî nîrîaûkire rîkîmakunîkîra. Naguo mûgambo nîwaumire îtuurî rîu na ûkiuga atîrî, “Ûyû nîke Mûrû wakwa ûrîa mendete, na nie nîrîmûkenie mûno nîke, mûthikîrîrieni!”

Mathaayo 17:7

Nwatî Jesû nîwathiîre kûrî o, akîmavutia na akîmeera atîrî, “Ûkîrani na mûtige kûmaka.”

Ciîko 22:7

Nanie nînaagwîre nthî na ngîgua mûgambo ûkîmbîra atîrî, ‘Saûlo, Saûlo! Ûnyariraga nîkî?’

Ciîko 26:14

Tuonthe nîtwagwîre nthî, na nie ngîgua mûgambo ûkîmbîra na rûthiomi rwa Kîhibirania atîrî, ‘Saûlo, Saûlo! Ûnyariraga nîkî? Kûrûa nanie nî gwîtivangia we mwene.’

2Pet 1:18

Nîtwegwire mûgambo ûcio kuuma îgûrû nîûndû twarî nake kîrîmarî kîrîa kîtheru.

Atir 13:20

Rîrîa nînîmbî cia mwaki ciaunûkagia na îgûrû kuuma metharî ya kîgongoona, Manoa na mûka nîmoonire mûraika wa Ngai-Mûnene aunûkîtie na îgûrû arî nînîmbîrî cia mwaki. Manoa na mûka nîmeenamîrîrie mothiû mao nthî makîgooca na matiacoka kwona mûraika ûcio rîngî.

Atir 13:22

Manoa nîwacokire akîra mûka atîrî, “Na ma nîtûgûkua nîûndû nîtwonete Ngai.”