Mathaayo 16:4 - ÎVUKU RÎA ÛVORO MWARO

⁴ Na kaî andû a rûciaro rûrû nî aganu na magatura wîtîkio-î! Mue mûrambûria nîmûringîre Kîamma! Gûtirî Kîamma mûkaaringîrwa tiga kîrîa mwaringîrwe nî Jona.” Kwoguo nîwamatigire akînathiî.

Mathaayo 16:4 Referencias Cruzadas

Kîam 6:3

Nake Ngai-Mûnene nîwaugire atîrî, “Vinya wakwa wa kûvotithia mûndû gûtûûra tî wîkara ndaarî ya mûndû tene na tene; nîûndû mûndû nî kîûmbe gîa gûkua. Kuuma rîu gûtirî mûndû ûgatûûraga makîria ya mîaka îgana rîa mîrongo îrî (120).”

Isaia 57:3

Nwatî mue ciana cia ago, na njiarwa cia mûndûmûka mûtharia na mûmaraa ûkani ava vakuvî.

Hosea 4:17

Andû a Efiraimu nîmeovanîtie na mîvuano. Tigana nao!

Hosea 9:12

Wana marera ciana, ngaaciûraga cionthe viû. Kûgwatwa nî kîrumi nî o, rîrîa nie ngamatiganîria!”

Jona 1:1

Mûthenya ûmwe Ngai-Mûnene nîwerire Jona mûvîcî wa Amitai atîrî,

Jona 1:17

Nake Ngai-Mûnene nîwathire nthamaki nene îmerie Jona. Jona nîwekarire îvurî rîa nthamaki îvinda rîa mîthenya îthatû ûtukû na mûthenya.

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”

Mathaayo 16:5

Rîrîa arutwa maaringire mûringo ûcio wîngî wa îria, nîmaariganîrwe nî gûkua mîgate.

Maariko 8:12

Nwatî Jesû nîwavevûkire na vinya na akîmeera atîrî, “Nîndûî kîratûma andû a rûciaro rûrû mauge maringîrwe Kîamma? Nîramwîra na ma atî, gûtirî Kîamma makaaringîrwa.”

Maariko 8:38

Mûndû wa wonthe ûnjonokagîra, na agaconokera ciugo ciakwa, rûciarorî rûrû rûtetîkîtie na rwîvia, Mûrû wa Mûndû wa nake nîakaamûconokera rîrîa agaaûka na riiri wa îthe marî na araika arîa atheru.”

Ciîko 18:6

Nao nîmaamûkararirie na makîmûruma. Kwoguo nîwarivarivire rûkûngû kuuma nguorî ciake na akîmeera atîrî, “Mwona mwarega kûvonoka, nî venyu! Nie ndirî vo! Kuuma rîu nie nîngûthiî kûrî andû a ndûrîrî.”

Ciîko 2:40

Petero nîwamaarîrie na akîmathaitha na ciugo nyîngî akîmeeraga atîrî, “Îîvonokieni kuuma îverarî rîrîa rîgûka kûrî andû a rûciaro rûrû rwaganu!”