Mathaayo 15:6 - ÎVUKU RÎA ÛVORO MWARO

⁶ Mue mûthomithagia atî mûndû ta ûcio ndagatîîe îthe kana ng'ina. Na njîra ta îno mue nîmûregaga kwathîkîra maathani ma Ngai nîguo mûrûmîrîre kîrîra kîenyu.

Mathaayo 15:6 Referencias Cruzadas

Thaburi 119:126

Ngai-Mûnene, gaka nî kavinda gaku ga gwîka ûndû, nîûndû andû nîmaunîte watho waku.

Thaburi 119:139

Nîmbakanagwa nî marakara, nîûndû nthû ciakwa nîiriganagîrwa nî ciugo ciaku.

Jeremia 8:8

Mûngîvota atîa kuga, ‘Tûrî aûgî, na nîtûrûmagîrîra watho wa Ngai-Mûnene,’ nwatî taroriani mawatho nîmagarûre nî andîki maarûa, matarî evokeku nîmagarûrîte watho wakwa.

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Mathaayo 15:5

Nwatî mue mûthomithanagia atî mûndû nwa eere îthe na ng'ina atî, ‘Kîndû kîonthe kîrîa nie nîrî nakîo na mûngîeguna nakîo nîgîtegeretwe Ngai.’

Mathaayo 15:7

Mue mvinga ino! Na kaî mûrathi Isaia nîwamenyaga rîrîa aarathire ûvoro ûmwîgiî-î!

Maariko 7:13

Na njîra ta îno kîrîra kîrîa mûkinyanagîria, nîgîtûmaga ûvoro ûrîa Ngai augîte wonekane takwa ûtarî vata. Na kûrî maûndû mengî meengî ta mama mue mwîkaga.”

Aroma 3:31

Ûguo nî kuga atî tûte ûvoro wa Watho nîûndû wa gwîtîkia? Naarî. Vandû va ûguo nîkwa tûnyitagia Watho.

1Tim 5:16

Nwatî ethîrwa kûrî mûndûmûka mûkristiano wî na aka a ndigwa gwake mûciî, nîamatethie. Kanitha ndîgakuithue mûrigo ûcio nîguo îvote gûtethia aka a ndigwa arîa matigîtwe matarî na mûndû wa kûmatethia.

1Tim 5:8

Ethîrwa kûrî mûndû ûrîa ûtamenyagîrîra andû ao na makîria andû a nyomba yake, nîmûreganu na wîtîkio na nî mûcûku gûkîra mûndû ûtetîkîtie.