Mathaayo 15:1 - ÎVUKU RÎA ÛVORO MWARO

¹ Nao Afarisai amwe na arimû a Watho nîmaaumire Jerusalemu, makîthiî kûrî Jesû na makîmûûria atîrî,

Mathaayo 15:1 Referencias Cruzadas

Mathaayo 23:2

“Arimû a watho na Afarisai nîo mavetwe rûtha rwa gûtaûra watho wa Musa.

Mathaayo 5:20

Nie nîramwîra atî, mue mûtigaatonya Ûthamakirî wa îgûrû tiga nwanga mwîthîrwe mûrî athingu gûkîra arimû a Watho na Afarisai.

Maariko 3:22

Nao arimû amwe a watho, arîa maaumîte Jerusalemu maaugaga atîrî, “Arî na Belizebuli mûnene wa ndaimono! Belizebuli nîke ûmûvecaga ûvoti wa kûrutûrûra ndaimono.”

Luka 5:17

Mûthenya ûmwe rîrîa Jesû aathomithanagia, Afarisai amwe wana arimû a Watho arîa maaumîte matûûrarî monthe ma Galili, Judea na Jerusalemu, nîmeekarîte vakuvî na varîa Jesû aarî. Nake Jesû aarî mûve vinya wa kûvonia andû nî Mwathani.

Luka 5:21

Nao arimû a Watho na Afarisai nîmaambîrîrie kûrania atîrî, “Mûndû ûyû ûraruma Ngai nîkwa arî û? Nî ûrîkû ûngîvota kwovera mûndû mevia tiga Ngai wenga?”

Luka 5:30

Nao Afarisai amwe wana arimû a Watho arîa maarî a gîkundi Kîamo, nîmaanegenirie arutwa a Jesû makîmeeraga atîrî, “Nîndûî gîtûmaga mûrîcanîre na mûnyunyanîre na etia a mbeca cia gooti wa vamwe na evia?”

Johana 1:19

Atongoria a Ayahudi marî Jerusalemu, nîmaatûmire athînjîri-Ngai na Alawi mathiî kûrî Johana makamûrie atîrî, “We wî û?”

Ciîko 23:9

Kwoguo nîkwagîre na înegene rînene. Nao arimû amwe a watho arîa maarî a gîkundi Kîam Afarisai nîmaarûngamire na makiuga meyûmîrîrîtie atîrî: “Tue tûtirona ûndû mûcûku wîkîtwe nî mûndû ûyû! Nwa kwîthîrwe roho kana mûraika nîke ûramwarîrie!”

Ciîko 25:7

Rîrîa Paûlo aakinyire, Ayahudi arîa maanyûrûrûkîte kuuma Jerusalemu nîmaarûngamire mamûthiûrûrûkîrîtie na makîambîrîria kûmûthitanga na maûndû meengî macûku marîa mataavota kwonania ûma wamo.