Mathaayo 14:5 - ÎVUKU RÎA ÛVORO MWARO

⁵ Herode nîwendaga kûûragithia Johana, nwatî nîwetigagîra Ayahudi nîûndû o meetîkîtie atî Johana aarî mûrathi.

Mathaayo 14:5 Referencias Cruzadas

Jeremia 26:21

Na rîrîa mûthamaki Jehoiakimu vamwe na athigari ake na anene onthe meegwire ciugo ciake, mûthamaki nîwavangire kûmûûraga. Nwatî rîrîa Uria eeguire ûvoro ûcio, nîwetigîre na akîûra akîthiî Misiri.

Mathaayo 11:9

Ta mbîrani mue mwathiîte kwona ndûî? Nî mûrathi? Îni! Nwatî nîmwonire mûndû warî mûnene gûkîra mûrathi.

Mathaayo 21:26

Nwatî wona twauga, ‘Waumîte kûrî andû,’ nîtûretigîra ûrîa andû mangîka nîûndû andû onthe metîkîtie atî Johana aarî Mûrathi.”

Mathaayo 21:32

Nîûndû Johana Mûvatithania aaûkire kûrî mue akîmwonagia njîra îrîa mbaro, namue nîmwaregire kûmwîtîkia. Nwatî etia mbeca cia gooti na maraa nîmaamwîtîkirie. Na wana mwona ûguo, mûtiacoka gûcenjia meciria menyu nîguo mûmwîtîkie.”

Luka 20:6

Nwatî wona twauga, ‘Johana aatûmirwe nî andû,’ andû aya onthe nîmagûtûriva na mathiga nîûndû nîmetîkîtie atî Johana aarî mûrathi.”

Ciîko 4:21

Kwoguo athuuri a Kîama nîmaamakaanirie na vinya na makîmarekereria makîthiî. Athuuri acio nîmaaturire njîra ya kûmaverithia nîûndû andû onthe nîmaakumagia Ngai nîûndû wa ûndû ûcio wekîkîte.

Ciîko 5:26

Kwoguo mûnene wa arangîri nîwathiîre marî na athigari na makîvira atûmwa Kîammarî. Nwatî mûnene ûcio na athigari acio matiatûmîra vinya nîûndû nîmeetigagîra matikarivwe na mathiga nî andû.