Mathaayo 14:3 - ÎVUKU RÎA ÛVORO MWARO

³ Mbere ya ûguo Herode nîwathanîte Johana anyitwe, ovwe na mvîngû na acoke aikue njeera. Herode eekire ûguo nîûndû wa Herodia ûrîa warî mûka wa mûrwang'ina Filipu.

Mathaayo 14:3 Referencias Cruzadas

Mathaayo 11:2

Na rîrîa Johana Mûvatithania arî njeera eegwire ûvoro wîgiî maûndû marîa Kristû eekaga, nîwatûmire arutwa amwe ake kûrî Jesû.

Mathaayo 14:6

Rîrîa mûthenya wa gûkûngûîra gûciarwa kwa Herode wakinyire, mwarî wa Herodia nîweinirie arî mbere ya ageni onthe. Herode nîwakenirue mûno nî mwîrîtu ûcio,

Mathaayo 4:12

Rîrîa Jesû eegwire atî Johana Mûvatithania aarî mwikie njeera, nîwathiîre vûrûrirî wa Galili.

Maariko 6:14

Mûthamaki Herode nîwegwire maûndû mau monthe nîûndû ngumo ya Jesû nîyatambîte kûndû kuonthe. Andû amwe maaugaga atîrî, “Nî Johana Mûvatithania ûriûkîte na nîkîo arî na ûvoti mwîngî ûguo wa kûringa ciama.”

Maariko 6:17

Herode ke mwene nîke wathanîte atî Johana anyitwe na ovwe na mvîngû na acoke aikue njeera. Herode eekire ûguo nîûndû nîwavikîtie Herodia ûrîa warî mûka wa mûrwang'ina Filipu.

Maariko 6:19

Kwoguo Herodia nîwatumire Johana ûthû na akendaga kûmûragithia. Nwatî ndangîavotire,

Maariko 6:22

Rîrîa mwarî wa Herodia aatonyire kûrîa kwarîcagîrwa na akîîinia, nîwakenirie Herode na ageni ake. Kwoguo mûthamaki nîwerire mwîrîtu ûcio atîrî, “Mbîtia kîndû wa kîonthe kîrîa ûngîenda, nanie nîngûkûva.”

Maariko 8:15

Nake Jesû nîwamakaanirie na akîmeera atîrî, “Îîmenyerereni mûtikagwatanîre na Afarisai wana kana Herode, nîûndû mekariî ta ndawa ya kwimbia mîgate.”

Luka 13:1

Kavinda wa kau, andû amwe nîmaakinyire na makîra Jesû ûvoro wîgiî andû a Galili arîa Pilato aaûragire vîndî îrîa aamethîrîrie makîrutîra Ngai îgongoona.

Luka 13:31

Vîndî wa îo, Afarisai amwe nîmaathiîre varîa Jesû aarî na makîmwîra atîrî, “Nî kava ume gûkû nîûndû Herode nîarenda gûkûûragithia.”

Luka 23:11

Nake Herode na athigari ake nîmaanyûrûririe Jesû na makîmwîka maûndû meengî ma ûûra nthoni. Nîmaacokire makîmwîkîra kanjû yarî ya goro na ya riiri na makîmûcokia kûrî Pilato.

Luka 23:7

Rîrîa Pilato aamenyire atî Jesû aarî wa kuuma vûrûrirî ûrîa Herode aathanaga, nîwamûtûmire kûrî Herode. Vîndî îo Herode wa nake aarî Jerusalemu.

Luka 3:1

Mwakarî wa îkûmi na gatano wa wathani wa Tiberio, mûthamaki wa Roma, Pontio Pilato nîke warî mûnene wa Judea. Nake Herode aathanaga vûrûrirî wa Galili, nake mûrwang'ina Filipu aathanaga icunjî cia Iturea na Turakoniti. Nake Lisania aathanaga vûrûrirî wa Abilene.

Luka 8:3

na Joana mûka wa Kuza, mûthuuri ûrîa wamenyagîrîra indo cia Herode, na Susana wa vamwe na aka eengî arîa maatûmagîra indo ciao magîtethereria Jesû na arutwa ake.

Ciîko 12:1

Vîndî wa îo Mûthamaki Herode nîwambîrîrie kûnyariira andû amwe arîa maarî a kanitha.

Ciîko 4:27

Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.