Mathaayo 13:23 - ÎVUKU RÎA ÛVORO MWARO

²³ Nacio mbeû irîa ciagwîre mûtheturî ûrîa warî mûnoru, ivananîtue na andû arîa megucaga ndûmîrîri îo na magataûkîrwa nîyo. Kûrî andû amwe nîiciaraga maita îgana rîmwe, kûrî engî maita mîrongo îtandatû na kûrî engî maita mîrongo îthatû.”

Mathaayo 13:23 Referencias Cruzadas

Ezek 18:31

Tecanîriani mevia marîa monthe mûmbîtîrîtie, na mûgîe na ngoro njerû na mwoyo mûcerû. Mue nyomba ya Isiraeli, mûngîkua nîkî?

Ezek 36:26

Nîngaamûva ngoro njerû na mbîkîre mwoyo mûcerû ndarî yenyu. Nîngaaruta ndarî yenyu ngoro îrîa nyûmû ta îthiga na njoke mbîkîre ngoro mbathîki.

Mathaayo 12:33

“Vuithia mûtî namo maciaro maguo methîrwe marî maro, kana ûcûkie mûtî namo maciaro maguo methîrwe marî macûku. Mûtî ûmenyekaga na maciaro maguo.

Mathaayo 13:8

Nwatî mbeû ciîngî nîciagwîre mûtheturî ûrîa warî mûnoru na igîciara mûno; imwe nîciaciarire maita îgana, ciîngî igîciara maita mîrongo îtandatû, na ciîngî igîciara maita mîrongo îthatû.”

Mathaayo 3:10

Ngai nîmûvarîriu îthanwa rîa gûtema mûtî; mûtî wa wonthe ûtaciaraga maciaro maro, nîûgaatemwa na wikue mwakirî.

Mathaayo 3:8

Îkani maûndû ma kwonania atî nîmwîrirîte mevia menyu.

Maariko 10:15

Nîramwîra na ma atî mûndû wa wonthe ûtetîkagîra Ûthamaki wa Ngai ta kaana, ndagaaûtonya.”

Maariko 4:20

Andû engî nao mekariî ta mbeû irîa ciagwîre mûtheturî ûrîa warî mûnoru. Aya nao nî arîa megucaga ndûmîrîri ya Ngai, makamîtîkîra na îkagîa na maciaro. Kûrî andû amwe ndûmîrîri îo nîîciaraga maita mîrongo îthatû, kûrî engî maita mîrongo îtandatû, na kûrî engî maita îgana.”

Luka 13:9

Angîthîrwa mûkûyû ûyû nîûgûciara mwaka mûku nî waro, nwatî angîthîrwa tîûciara, thiî ûkaambîra nîûteme.’ ”

Luka 8:15

Nacio mbeû irîa ciagwîre mûtheturî ûrîa warî mûnoru, nî andû arîa megucaga ndûmîrîri ya Ngai na makamiga marî na ngoro mbaro na mbathîki, na magakirîrîria nginyagia rîrîa makaagîa maciaro.”

Luka 8:8

Nacio mbeû ciîngî nîciagwîre mûtheturî ûrîa warî mûnoru; na mîmera yakûra nîyaciarire, wa mûmera ûgîciara maita îgana.” Nake Jesû akîrîkîrîria nîwaugire na mûgambo mûnene atîrî, “Mûndû ûrîa wîna matû ma kwîgua, nîegue!”

Johana 15:16

Mue tî mue mwanthuurire, nînie namûthuurire na ngîmûva wîra wa kûthiî kûgîa na maciaro meengî marîa magwîkara kavinda karaca. Kwoguo Vava akaamûvecaga kîndû wa kîonthe kîrîa mûkaamwîtagia na rîîtwa rîakwa.

Johana 8:47

Mûndû wa wonthe umîte kûrî Ngai nîwathîkagîra ciugo cia Ngai. Nwatî mue mûtiumîte kûrî Ngai na kîu nîkîo kîratûma mûrege kûthikîrîria.”

Ciîko 16:14

Nake ûmwe wa arîa maatûthikîrîrie aarî mûndûmûka wetagwa Lîdia, warî wa kuuma îtûûrarî rîa Thîatira na warî mwendia wa nguo ciarî na rangi ya njambarawe. Ke aarî mûgooci Ngai, na Mwathani nîwavingûrire ngoro yake agîtûma îgue îkîenda kûthikîrîria maûndû marîa Paûlo aaragia.

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

2Akor 9:10

Ngai ûrîa ûvecaga mûrîmi mbeû ya kûvanda na akamûva mûgate wa kûrîa, nwake ûkaamûva mbeû îrîa mûvatarîte. Nîûndû wa ûtaana wenyu Ngai nîagaatûma mbeû îo îkûre na îngîvie maketha.

Afil 1:11

Nayo mîtûûrîre yenyu îkeethagîrwa îcûrîtwe nî maûndû maro marîa maumanaga na ûthingu ûrîa ûvecanagwa nî Jesû Kristû tu nîûndû wa riiri na ngumo ya Ngai.

Afil 4:17

Nie ndirenda iveo kuuma kûrî mue, nwatî nîrenda mûgîe na maciaro marîa maumanaga na ûvecani.

Akol 1:10

Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.

Akol 1:6

Ûvoro mwaro wîkaraga ûkîgîcaga na maciaro na nîûvunjagua nthî yonthe. Ûndû ûyû nîmûtuîkîku wana nginya gatagatîrî kenyu, nîûndû kuuma mûthenya ûrîa mwambîrîrie kwîgua ûvoro mwaro, nîmwambîrîrie gûtaûkîrwa nî ûma wîgiî wega wa Ngai.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

2Ath 2:10

Nîagaatûmîra waganu wa mîthemba yonthe nîguo aveenie andû arîa makaathirua. Magaakua nîûndû nîmaaregire kwamûkîra na kwenda ûma nîguo mavonokue.

Ahib 4:2

Nîûndû nîtwavunjîrue Ûvoro Mwaro wata ûrîa andû arîa maarî werûrî maavunjîrue. Nwatî ndûmîrîri îo meeguire ndîamatethia, nîûndû maamîamûkîre matarî na wîtîkio.

Ahib 6:7

Ngai arathimaga mûgûnda ûrîa ûnyunyaga mbura îrîa yuraga kuo na îkamerithia mîmera îrîa îgunaga andû arîa mamîrîmaga.

Ahib 8:10

Mwathani arauga atîrî, “Gîkî nîkîo kîrîkanîro kîrîa ngaathondeka na andû a Isiraeli mîthenya îrîa îgaaûka, vîndî îo nîngekîra mawatho makwa meciriarî mao, na nîmandîke ngororî ciao. Nîngaatuîka Ngai wao, nao nîmagaatuîka andû akwa.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.