Mathaayo 12:4 - ÎVUKU RÎA ÛVORO MWARO

⁴ Aatonyire nyombarî ya Ngai, na ke vamwe na andû arîa maarî nake nîmaarîre mîgate îrîa yarutîrîtwe Ngai, wana ethîrwa Watho ndwametîkîrîtie mamîrîe. Mîgate îo yagîrîrwe nî kûrîwa nî athînjîri-Ngai onga.

Mathaayo 12:4 Referencias Cruzadas

Ntha 25:30

Nayo metha igwe mbere ya îthandûkû rîa kîrîkanîro. Na îgûrû rîayo vethagîrwe vîndî cionthe varî na mûgate ûrîa nyamûrîrîtwe.”

Alawi 8:31

Musa nîwacokire akîra Aroni na avîcî ake atîrî, “Ocani nyama icio mûthiî nacio mûromorî wa îgema rîa Ngai-Mûnene, mûirugîre vo na mûirîre vo vamwe na mûgate ûrîa ûrî gîkavurî Kîam matega ma kwamûrana wata ûrîa Ngai-Mûnene athanîte.

Mathaayo 12:3

Nake Jesû nîwamacokerie atîrî, “Anga mue mûtiathoma ûrîa Daudi eekire vîndî îrîa ke na andû arîa maarî nake maarî avûtu?

Mathaayo 12:5

Anga mue mûtiathoma Wathorî wa Musa atî wa mûthenya wa thavatû athînjîri-Ngai nîmaunaga watho ûyû wîgiî mûthenya wa thavatû. Nwatî o matigîcaga na ûcuke nîûndû wa gwîka ûguo.

Maariko 2:26

Aatonyire nyombarî ya Ngai vîndî îrîa Abiatha aarî Mûthînjîri-Ngai mûnene, na akîrîa mîgate îrîa yarutîrîtwe Ngai na îtaagîrîrwe kûrîwa nî mûndû wîngî tiga athînjîri-Ngai onga. Daudi nîwamîrîre na akîva arîa engî maarî nake.”

Luka 6:4

Daudi aatonyire nyombarî ya Ngai, agîoca mîgate îrîa yategeretwe Ngai, akîrîa na agîcoka akînengera andû arîa maarî nake. Ûguo nîguo ke eekire wana ethîrwa Watho wetû ndwîtîkîrîtie mûndû wîngî kûrîa mîgate îo tiga athînjîri-Ngai onga.”

Ahib 9:2

Kwarî na îgema rîatumîtwe na rîkagaûkanua maita maîrî. Vandû va mbere vetagwa vandû varîa vatheru. Ndaarî ya vo vaarî na vandû va kwigîrîrwa taa na metha îrî na mûgate wa kûrutîra Ngai îgongoona.

1Sam 21:4

Nake mûthînjîri-Ngai nîwacokerie Daudi atîrî, “Ndirî na mîgate îrîa tûmenyerete kûrîa, nwatî varî na mîgate îrîa mîamûrîre Ngai. Nwa mûmîoce ethîrwa andû aku matimenyanîte kîîmwîrî na aka kavinda gakuvî.”

1Sam 21:6

Kwoguo mûthînjîri-Ngai nîwavere Daudi mîgate îo mîamûre, nîûndû ndaarî na mîgate îngî tiga îrîa yamûrîrîtwe Ngai. Nayo yarutîrwe metharî îrîa nyamûre na vakaigwa mîgate îngî ya kûrugwa wa rîo.