Mathaayo 12:2 - ÎVUKU RÎA ÛVORO MWARO

² Nwatî rîrîa Afarisai moonire ûguo, nîmeerire Jesû atîrî, “Taroria! Arutwa aku mareka ûndû ûrîa watho wetû ûtetîkîrîtie gwîkwe mûthenya wa thavatû.”

Mathaayo 12:2 Referencias Cruzadas

Ntha 23:12

“Rutaga wîra waku mîthenya îtandatû, nwatî mûthenya wa mûgwanja vurûkaga, nîguo ngombo ciaku, na ageni arîa makûrutagîra wîra mavurûkage, wana ndegwa na mvunda ciaku ivurûkage.

Ntha 35:2

Mûrî na mîthenya îtandatû ya kûruta wîra wenyu wonthe, nwatî mûthenya wa mûgwanja ûkethagîrwa ûrî mûthenya mûtheru wa thavatû na wa kûvurûka wamûrîrîtwe Ngai-Mûnene. Mûndû wa wonthe ûkaaruta wîra wana ûrîkû mûthenya ûcio nî akaaûragwa.

Isaia 58:13

Ngai-Mûnene arauga atîrî, “Ûngîtiga kûruta wîra mûthenya wa thavatû, ûtige kûrûmîrîra maûndû ma gwîkenia we mwene mûthenya wakwa mwamûre, ûtucage thavatû mûthenya wa gûkena na mûthenya wa Ngai-Mûnene wa kûvewa gîtîîo, ûvecage mûthenya ûcio gîtîîo, na ûtige kûthiîcaga njîra ciaku, na ûtige gûcaragia maûndû ma gwîkenia kana kwaragia ndeto itarî na kîguni,

Mathaayo 12:10

kûrîa kwarî na mûndû wonjete njara. Kûu îvoerorî kwarî na andû amwe maatuîragia ûndû ûrîa mangîmûthitanga naguo. Kwoguo nîmaamûririe atîrî, “Watho wetû nîwîtîkîrîtie kûvonania mûthenya wa thavatû?”

Mathaayo 12:3

Nake Jesû nîwamacokerie atîrî, “Anga mue mûtiathoma ûrîa Daudi eekire vîndî îrîa ke na andû arîa maarî nake maarî avûtu?

Maariko 2:24

Kwoguo Afarisai nîmaaûririe Jesû atîrî, “Nîndûî kîratûma arutwa aku meke ûrîa Watho ûtetîkîrîtie gwîkwe mûthenya wa thavatû?”

Luka 14:3

Nake Jesû nîwaûririe arimû a Watho na Afarisai atîrî, “Watho wetû-î, nîwîtîkîrîtie mûndû avonanie mûthenya wa thavatû kana ndwîtîkîrîtie?”

Luka 23:56

Nîmaacokire makînûka, makîvarîria indo cianungaga waro na maguta maanungaga waro ma gwîtîrîria mwîrî wa Jesû. Naguo mûthenya wa thavatû wakinya nîmaanogokire wata ûrîa Watho wathanîte.

Luka 6:2

Nao Afarisai amwe nîmaamûririe atîrî, “Nîndûî kîratûma mue mwîke ûrîa Watho wetû ûgirîtie gwîkwe mûthenya wa thavatû?”