Mathaayo 12:10 - ÎVUKU RÎA ÛVORO MWARO

¹⁰ kûrîa kwarî na mûndû wonjete njara. Kûu îvoerorî kwarî na andû amwe maatuîragia ûndû ûrîa mangîmûthitanga naguo. Kwoguo nîmaamûririe atîrî, “Watho wetû nîwîtîkîrîtie kûvonania mûthenya wa thavatû?”

Mathaayo 12:10 Referencias Cruzadas

Isaia 32:6

Nîûndû irimû ciaragia ûrimû, na meciria ma cio mavangaga maûndû macûku. Mekaga maûndû matarî ma ûngai, maragia maûndû ma gûcambia Ngai-Mûnene. Matigaga andû arîa avûtu matarî avau, na makaima arîa anyondu gîa kûnyua.

Isaia 59:13

Nîtûreganîte nawe na tûgagûkaana we Ngai-Mûnene, tûgagûtiganîria na tûkarega gûkûrûmîrîra we Ngai wetû. Twaragia ûvoro wa gûkinyanîrîria na gûkanîrîra, ngoro cietû ciîciragia na ikaria ciugo cia maveeni.

Isaia 59:4

Rîrîa mwathiî îgootirî, gûtirî mûndû ûrûmagîrîra kîvooto. Gûtirî mûndû ûthitanganaga arûmîrîrîte ûma. Mwîvokaga mîario îtarî kîene na mûkaveenania, mûtungaga maveeni na mûgatûma maûndû macûku mekîke.

Zakaria 11:17

Mûrîthi ûcio wakwa ûtarî mwaro arî na thîna, ûcio ûtiganagîria ndîthia ya ng'ondu! Arotinua njara yake na arokûrwa ritho rîake rîa mwena wa ûrîo. Tiga njara yake îtuîke kîonje vuru na ritho rîake rîa mwena wa ûrîo rîûre ûrû!”

Mathaayo 12:2

Nwatî rîrîa Afarisai moonire ûguo, nîmeerire Jesû atîrî, “Taroria! Arutwa aku mareka ûndû ûrîa watho wetû ûtetîkîrîtie gwîkwe mûthenya wa thavatû.”

Mathaayo 19:3

Nao Afarisai amwe nîmaathiîre kûrî Jesû, na makîenda kûmûgeria nîmaamûririe atîrî, “Watho wetû nîwîtîkîrîtie mûthuuri ate mûka nîûndû wa gîtûmi wana kîrîkû?”

Maariko 3:2

Nao andû amwe arîa maarî kuo nîmaatuîragia ûndû ûrîa mangîmûthitanga naguo. Nao nîmekarire mamûroretie mûno nîguo moone kana nîakûvonia mûndû ûcio mûthenya wa thavatû.

Luka 11:54

marî na mworoto wa kûmûtega nîguo megue kana vaarî na ûndû mûcûku angîaugire.

Luka 13:14

Nake mûnene wa îvoero rîu nîwarakarire nîûndû Jesû nîwavonanirie mûthenya wa thavatû, kwoguo nîwerire andû atîrî, “Twagîrîrwe nî kûruta wîra mîthenya îtandatû; kwoguo ûkagani mîthenyarî îo na mûkavonua, nwatî mûtigaûkage mûthenya wa thavatû!”

Luka 20:22

Ta twîre kana watho wetû nîûtwîtîkîrîtie tûrutagîre mûthamaki wa Roma mbeca cia gooti kana ndûtwîtîkîrîtie?”

Luka 23:14

na akîmeera atîrî, “Mue mûndetere mûndû ûyû na mwambîra atî ke nîaravîtithagia andû. Nînarîkia kûmûcirithia mûrî vo na ndinona ekîte îvîtia wana rîmwe rîa marîa mûramûthitanga namo.

Luka 23:2

Nao nîmaambîrîrie kûmûthitanga makiugaga atîrî, “Tue tûranyitire mûndû ûyû akîvîtithia andû a vûrûri wetû. Arameeraga matikarutîre mûthamaki wa Roma mbeca cia gooti na akauga atî ke nîke Mesaya, mûthamaki.”

Johana 5:10

Kwoguo Ayahudi nîmaamwîrire atîrî, “Ûmûnthî nî mûthenya wa thavatû na watho wetû ndûgwîtîkîrîtie gûkuua kîvarî gîaku.”

Johana 5:3

Nao arwaru eengî: atumumu, ithua, na andû arîa maakuîte ciîga, nîmeekarîte ithakurî icio. [Arwaru acio nîmeetagîrîra manjî maunjugwe,

Johana 7:23

Ethîrwa mûruithagia kavîcî mûthenya wa thavatû nîguo mûtikaune watho wa Musa, mûrandakarîra nîkî navonia mûndû ûyû mwîrî wonthe mûthenya wa thavatû?

Johana 8:6

Nao maaûririe ûguo makîenda kûgeria Jesû nîguo mone ûndû ûrîa mangîmûthitanga naguo. Nwatî Jesû nîwakuamîrîrie na akîandîka nthî na Kîamra gîake.

Johana 9:16

Nao Afarisai amwe nîmaaugire atîrî, “Mûndû ûrîa ûrekire ûguo ndaumîte kûrî Ngai, nîûndû ke ndathîkagîra watho wa thavatû.” Nwatî andû amwe nîmaaûririe atîrî, “Mûndû wîthîrîtwe arî mwîvia aravota atîa kûringa ciama ta ino?” Nao nîmaamûkanire.