Mathaayo 11:5 - ÎVUKU RÎA ÛVORO MWARO

⁵ Atumumu nîmarona, ithua nîirathiî, andû arîa marwarîte mûrimû wa ngothi nîmaratherua, îtegua nîiregua, arîa akuû nîmarariûkua, nao athîni nîmaravunjîrua Ûvoro Mwaro.

Mathaayo 11:5 Referencias Cruzadas

2Atha 5:14

Kwoguo Namani nîwathiîre rûnjîrî rwa Jorodani. Nîwetovokirie kuo maita mûgwanja, wata ûrîa eerîtwe nî mûrathi Elisha na nîwavonire viû na mwîrî wake ûgîkara ta wa kaana.

2Atha 5:7

Rîrîa mûthamaki wa Isiraeli aathomire maarûa îo, nîwatûmbirwe nî marakara na agîtembûranga nguo ciake na akiuga atîrî, “Mûthamaki wa Sîria areciria nie nî Ngai ûngîvota kûûraga mûndû na akamûriûkia, nwa nvote kûvonia mûndû ûyû mûrimû wake mûcûku wa ngothi? Roria rîu wone ûrîa arenda twambîrîrie kûnegenania nake!”

Thaburi 146:8

na nîavingûraga ndumumu metho. Nîaûkagîrîria arîa avinyîrîrie, na nîendete arîa athingu.

Thaburi 22:26

Athîni makaarîa nginya mavae, arîa magoocaga Ngai-Mûnene nî makaamûkumia. Marotûûra mûrî athatûke tene na tene!

Ntha 4:11

Nake Ngai-Mûnene nîwerire Musa atîrî, “Nî ûrîkû ûvecaga mûndû ûvoti wa kwaria. Nî ûrîkû ûtûmaga mûndû aremwe nî kwaria na kwîgua. Nî ûrîkû ûtûmaga avote kwona kana atuîka mûtumumu? Anga tî nie, Ngai-Mûnene?

Isaia 29:18

Mûthenya ûcio itegua nîikegua îvuku rîkîthomwa, nao arîa matûûraga ndumarî marî atumumu nîmakoona.

Isaia 29:19

Andû arîa avooreri nîmakaagîa na gîkeno gîcerû kuuma kûrî Ngai-Mûnene, nao arîa athîni gûkû nthî nîmagaakena nîûndû wa Ûrîa Mûtheru wa Isiraeli.

Isaia 43:8

Ngai arauga atîrî, “Reteni andû acio wana ethîrwa marî na metho, nî ndumumu, acio matiîgucaga, wana ethîrwa marî na matû!

Isaia 66:2

Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Zakaria 11:7

Kwoguo, arîa magûraga na kwendia ng'ondu nîmaamandîkire na ngîtuîka mûrîthi wa ng'ondu irîa ciathiîte kûthînjwa. Nînaacokire ngîoca mîragi îîrî. Mûragi ûmwe naaûtuîrîre rîîtwa “Ûtugi,” na ûcio wîngî ngîûtuîrîra rîîtwa “Wîgucano.” Nînacokire ngîthiî kûrîthia ng'ondu.

Mathaayo 10:8

Vonagiani arwaru, riûkagiani arîa akuû, theragiani arîa marî na mûrimû mûcûku wa ngothi, na mûrutûrûrage ndaimono. Nie namûva ûvoti ûyû mana, kwoguo vecanagani mana.

Mathaayo 11:4

Nake Jesû nîwamacokerie atîrî, “Cokani na mwîre Johana maûndû marîa mûregua na mûrona.

Mathaayo 12:13

Jesû nîwacokire akîra mûndû ûcio wonjete njara atîrî, “Tambûrûkia njara yaku.” Nake mûndû ûcio nîwatambûrûkirie njara îo, îkîvona na îgîkara ta îo îngî.

Mathaayo 21:14

Nao andû arîa maarî atumumu na cionje nîmaathiîre kûrî Jesû hekarûrî, na akîmavonia.

Mathaayo 5:3

“Kûrathimwa nî arîa mecî nîmavatarîte ûtethio wa Kîîroho, nîûndû Ûthamaki wa Îgûrû nî wao!

Mathaayo 9:30

Nao atumumu acio nîmaavotire kwona. Nake Jesû nîwamakanirie na vinya akîmeera atîrî, “Mûtikere mûndû wana ûrîkû ûvoro ûyû!”

Maariko 7:37

Nao andû onthe arîa meeguire ûvoro ûcio, nîmaamakire mûno, makiugaga atîrî, “Na kaî mûndû ûyû nîwîkaga maûndû monthe waro-î! Ke wana nîatûmaga andû arîa mategucaga megue, na arîa mataragia marie.”

Maariko 9:25

Na rîrîa Jesû oonire kîrîndî gîkîgomana, nîwagûkîre ngoma îo na vinya na akîmîra atîrî, “We ngoma îno îtegucaga na îtaragia, nie nakwatha ume ndaarî ya kamwana gaka na ndûkaanagatonye rîngî!”

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

Johana 10:25

Nake Jesû nîwamacokerie atîrî, “Nie nîndîkîtie kûmwîra, nwatî mûtirambîtîkia. Maûndû marîa mbîkaga na rîîtwa rîa Vava nîmonanagia nie nîrî û;

Johana 10:38

Nwatî angîthîrwa nîreka maûndû marîa Vava endaga mbîke, nîkwagîrîrîte mwîtîkie maûndû marîa mbîkaga wana ethîrwa mûtirambîtîkia. Mwona mwetîkia maûndû marîa mbîkaga nîmûkûvota kûmenya waro atî nie na Vava tûrî kîndû kîmwe.”

Johana 2:23

Rîrîa Jesû aarî Jerusalemu vingo ya kîrugo Kîam pasaka, andû eengî nîmaamwîtîkirie nîûndû nîmoonire ciama irîa aaringire.

Johana 3:2

Ûtukû ûmwe Nikodemu nîwathiîre kûrî Jesû na akîmwîra atîrî, “Rabii, tue nîtwîcî atî we wî mwarimû ûtûmîtwe nî Ngai. Gûtirî mûndû wana ûmwe ûngîvota kûringa ciama ta icio ûringaga Ngai atarî vamwe nake.”

Johana 5:36

Nwatî nîrî na ûira ûmbîgiî ûkîrîte wa Johana. Maûndû marîa Vava aambîrire mbîkage nîmo maumbûraga atî Vava nîke wandûmire.

Johana 9:7

na akîmwîra atîrî, “Thiî ûkethambie metho îriarî rîa Siloamu.” (Siloamu nî kuga “Ûrîa mûtûme.”) Kwoguo mûndû ûcio nîwathiîre akîîthambia na agîcoka akîonaga.

Ciîko 2:22

“Mue Aisiraeli aya, tathikîrîriani ciugo ino! Jesû wa Nazarethi aarî mûndû warî wa mwanya. Wathani wake wa ûngai nîwonanirue waro kûrî mue na njîra ya morirû na ciama irîa Ngai aaringire na njîra yake. Mue ene nîmwîcî ûguo nîûndû ûndû ûcio nîwekîkire gûkû gatagatîrî kenyu.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.