Mathaayo 11:2 - ÎVUKU RÎA ÛVORO MWARO

² Na rîrîa Johana Mûvatithania arî njeera eegwire ûvoro wîgiî maûndû marîa Kristû eekaga, nîwatûmire arutwa amwe ake kûrî Jesû.

Mathaayo 11:2 Referencias Cruzadas

Mathaayo 1:17

Kwoguo kwarî na njiarwa îkûmi na inya, kuuma vîndî ya Iburahimu nginya vîndî ya Daudi. Na kwarî na njiarwa ciîngî îkûmi na inya kuuma vîndî ya Daudi nginya vîndî ya îthamîrio rîa Babuloni. Wana kwarî na njiarwa ciîngî îkûmi na inya kuuma vîndî ya îthamîrio rîa Babuloni nginya vîndî ya gûciarwa kwa Mesaya.

Mathaayo 14:3

Mbere ya ûguo Herode nîwathanîte Johana anyitwe, ovwe na mvîngû na acoke aikue njeera. Herode eekire ûguo nîûndû wa Herodia ûrîa warî mûka wa mûrwang'ina Filipu.

Mathaayo 4:12

Rîrîa Jesû eegwire atî Johana Mûvatithania aarî mwikie njeera, nîwathiîre vûrûrirî wa Galili.

Mathaayo 9:14

Nao arutwa a Johana Mûvatithania nîmaacokire makîthiî kûrî Jesû na makîmûûria atîrî, “Nîndûî gîtûmaga tue na Afarisai twînyerekia na arutwa aku matiînyerekagia?”

Maariko 6:17

Herode ke mwene nîke wathanîte atî Johana anyitwe na ovwe na mvîngû na acoke aikue njeera. Herode eekire ûguo nîûndû nîwavikîtie Herodia ûrîa warî mûka wa mûrwang'ina Filipu.

Luka 3:19

Johana nîwatetirie Herode ûrîa warî mûnene nîûndû Herode nîwocete Herodia ûrîa warî mûka wa mûrwang'ina akamûtua mûka, na agacoka ageka maûndû meengî ma waganu.

Luka 9:7

Vîndî îrîa Herode ûrîa warî mûthamaki wa Galili eegwire maûndû monthe marîa meekîkaga, nîwarigarirue mûno nîûndû andû amwe maaugaga atî Johana Mûvatithania nîke ûriûkîte.

Johana 4:1

Jesû nîwamenyire atî Afarisai nîmeguîte atî ke nîwagîcaga na akavatithia arutwa eengî gûkîra Johana.