Mathaayo 10:5 - ÎVUKU RÎA ÛVORO MWARO

⁵ Andû aya îkûmi na aîrî nîmaatûmirwe nî Jesû, na akîmatha atîrî, “Mûtikathiî vûrûrirî wana ûmwe wa andû a ndûrîrî, kana mûthiî îtûûrarî wana rîmwe rîa Asamaria.

Mathaayo 10:5 Referencias Cruzadas

Mathaayo 22:3

Mûthamaki ûcio nîwatûmire ndungata ciake ithiî îgeete andû arîa meetîtwe kîrugorî. Nwatî andû acio nîmaaregire kûthiî.

Mathaayo 4:15

“We vûrûri wa Zebuluni, na vûrûri wa Nafutali, mavûrûri marîa marî njîrarî ya kûthiî îriarî rîa Galili, mûringo ûcio wîngî wa rûnjî rwa Jorodani, Galili, kûrîa andû a ndûrîrî matûûraga!

Maariko 6:7

Nîwetire arutwa îkûmi na aîrî vamwe. Na aarîkia kûmava ûvoti wa kûrutûrûra ngoma kuuma kûrî andû, nîwamatûmire mathiî aîrî kwa aîrî.

Luka 10:1

Vuva wa ûguo, Mwathani nîwathuurire andû engî mîrongo mûgwanja na aîrî, na akîmatûma aîrî aîrî mathiî mbere yake matûûrarî monthe na kûndû kuonthe kûrîa ke aageerie kûthiî.

Luka 10:33

Nwatî Mûsamaria ûmwe ûrîa warî rûgendorî nîwakinyire varîa mûndû ûcio aarî, na amwona akîringwa nî ntha.

Luka 17:16

Nake mûndû ûcio akinya varîa Jesû aarî, nîwegwîthirie nthî magûrûrî ma Jesû na akîmûcokeria ngatho. Mûndû ûcio aarî Mûsamaria.

Luka 9:1

Jesû nîwetire arutwa ake vamwe na akîmava vinya na ûvoti wa kûrutûrûra ngoma cionthe wana wa kûvonia andû mîrimû.

Luka 9:2

Nîwacokire akîmatûma mathiî makavunjie Ûvoro wa Ûthamaki wa Ngai na makavonie arwaru.

Johana 17:18

Wa ta ûrîa wandûmire gûkû nthî, wa nanie nîguo namatûma.

Johana 20:21

Nake Jesû nîwamerire rîngî atîrî, “Gîani na thayû. Wa ta ûrîa Vava aandûmire, nwaguo wa nanie namûtûma.”

Johana 4:20

Methe metû ma tene ma Samaria maagoocagîra Ngai kîrîmarî gîkî, nwatî mue Ayahudi mugaga atî îtûûrarî rîa Jerusalemu nîkuo twagîrîrwe nî kûgoocera Ngai.”

Johana 4:5

Kwoguo Jesû nîwakinyire îtûûrarî rîa Samaria rîrîa rîetagwa Sikaru, na rîarî vakuvî na mûgûnda ûrîa Jakovu aagaîrîte mûûriû wake Josefu.

Johana 4:9

Nake mûndûmûka ûcio nîwamûririe atîrî, “Ûngîvota atîa kûmvoya manjî ma kûnyua na we wî Mûyahudi nanie nîrî Mûsamaria?” (Ayahudi matingîarîîrîre thaanirî kana manyuîre ikomberî irîa cianyunyagîrwa nî Asamaria.)

Johana 7:35

Nao atongoria a Ayahudi nîmeeranire atîrî, “Ke arenda kûthiî kû kûu tue tûtakaamwona? Arenda kûthiî matûûrarî ma Angiriki kûrîa andû etû matûûraga nîguo akathomithie Angiriki?

Johana 8:48

Nao Ayahudi nîmaaûririe Jesû atîrî, “Na kinthî tue tûtiraria ûma tûkiuga atî we ûrî Mûsamaria na ûrî na ngoma?”

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 10:45

Nao etîkia a Kîyahudi arîa maaûkanîtie na Petero maumîte Jopa, nîmaamakire mûno nîûndû kîveo Kîam Roho Mûtheru nîkîavecanîtwe wana kûrî Andû a Ndûrîrî.

Ciîko 8:1

Saûlo nîwetîkîre atî kûûragwa kwa Stefano nîkwagîrîrîte. Mûthenya wa ûcio kanitha nîyambîrîrie kûnyarirwa mûno kûu Jerusalemu. Nao etîkia onthe, tiga atûmwa, nîmaanyagarûkire mavûrûrirî ma Judea na Samaria kuonthe.

1Ath 2:16

Wana nîmaageragia gûtûgiria tûtikavunjîrie andû a ndûrîrî ndûmîrîri îrîa îngîtûma mavonoke. Na njîra îno nîmarîkîtie gûkinya mûthiia wa mevia marîa matwîre mekaga. Namo marakara ma Ngai nîmakinyîte kûrî o.