Mathaayo 10:25 - ÎVUKU RÎA ÛVORO MWARO

²⁵ Kwoguo mûrutwa agîrîrwe nî kwîganîra nîguo atuîke ta mûmûruti, na ngombo nayo îtuîke ta mûmîathi. Ethîrwa andû metaga mwene mûciî Belizebuli, andû a mûciî wake magetagwa marîîtwa macûku makîria!

Mathaayo 10:25 Referencias Cruzadas

2Atha 1:2

Ahazia, mûthamaki wa Isiraeli arî Samaria nîwavarûkire kuuma ndiricarî ya nyomba yake ya îgûrû na akîrwara mûno. Kwoguo nîwatûmire anjaama akîmeera atîrî, “Thiîni kûrî Baali-zebubu, ngai ya îtûûra rîa Ekironi mûkamîûrie ûtaaro kana nîngûvora mûrimû ûyû.”

Mathaayo 12:24

Nwatî rîrîa Afarisai meegwire ûguo nîmaaugire atîrî, “Mûndû ûyû arutûrûraga ndaimono na vinya wa Belizebuli mûnene wa ndaimono.”

Mathaayo 12:27

Mue mugaga ndutûrûraga ndaimono mvetwe vinya nî Belizebuli, nao arûmîrîri enyu-î mairutûrûraga mavetwe vinya nû? Kwoguo arûmîrîri enyu nîo makaamûtuîra ciira.

Mathaayo 9:34

Nwatî Afarisai nîmaaugire atîrî, “Nî mûnene wa ndaimono ûvecaga Jesû vinya wa kûrutûrûra ndaimono.”

Maariko 10:39

Nao nîmaamûcokerie atîrî, “Ii nîtûkûvota.” Jesû nîwameerire atîrî, “Nî ma nîmûkûnyuîra gîkombe kîrîa ngûnyuîra, na mûvatithue na njîra îrîa ngûvatithua nayo,

Maariko 3:22

Nao arimû amwe a watho, arîa maaumîte Jerusalemu maaugaga atîrî, “Arî na Belizebuli mûnene wa ndaimono! Belizebuli nîke ûmûvecaga ûvoti wa kûrutûrûra ndaimono.”

Luka 11:15

Nwatî andû amwe gatagatîrî kao nîmaambîrîrie kuga atîrî, “Nî Belizebuli mûnene wa ngoma ûmûvecaga ûvoti wa kûrutûrûra ngoma.”

Luka 11:18

Kwoguo ethîrwa ûthamaki wa Caitani nîwîgaûkanîtie, ûthamaki ûcio ûngîvota kwîrûngamia atîa? Nie nîrauga ûguo nîûndû mue mugaga atî Belizebuli nîke ûmvotithagia kûrutûrûra ngoma.

Luka 11:19

Angîthîrwa Belizebuli nîke ûmvotithagia kûrutûrûra ngoma-î, nao arûmîrîri enyu marutûrûraga ngoma mavotithîtue nû? Kwoguo wana nginya arûmîrîri enyu nîmaicî atî mue mûrî avîtiu!

Johana 10:20

Eengî gatagatîrî kao nîmaambîrîrie kuga atîrî, “Ke arî na ndaimono, na arî na ngoma! Mûramûthikîrîria nîkî?”

Johana 7:20

Nao andû nîmaamûcokerie atîrî, “We wîna ngoma! Nû ûrenda gûkûûraga?”

Johana 8:48

Nao Ayahudi nîmaaûririe Jesû atîrî, “Na kinthî tue tûtiraria ûma tûkiuga atî we ûrî Mûsamaria na ûrî na ngoma?”

Johana 8:52

Nao Ayahudi nîmaamwîrire atîrî, “Rîu nîtwamenya na ma atî we ûrî na ngoma! Iburahimu na arathi onthe nîmaakuire, nwatî we ûratwîra atî mûndû wa wonthe wathîkagîra ciugo ciaku ndagaakua.