Mathaayo 10:17 - ÎVUKU RÎA ÛVORO MWARO

¹⁷ Îîmenyagîrîreni nîûndû andû nîmakaamûnyita na mamûvire ciamarî cia athuuri, na mamûrive mûrî mavoerorî mao.

Mathaayo 10:17 Referencias Cruzadas

Mika 7:5

Ndûkevoke mûndû ûrîa wîngî, kana wîtîkie mûrata waku. Menyagîrîra ûrîa ûkwaria wana ethîrwa ûrarîa na mûkaguo.

Mathaayo 10:18

Mue nîmûkaavirwa mûgacirithue mbere ya anene na athamaki nîûndû wakwa; nîguo mûvecane ûira wakwa kûrî o na kûrî andû a ndûrîrî.

Mathaayo 20:19

Nao nîmagaacoka mamûvecane kûrî andû a ndûrîrî nîguo mamûnyûrûrie, mamûrive na ivoko na macoke mamwambe mûtharavarî îgûrû. Nwatî mûthenya wa kathatû nîakaariûkua.”

Mathaayo 23:34

Kwoguo, nîngaamûtûmîra arathi, andû aûgî na arimû. Amwe nîmûkaamaûraga, engî mûmambe mûtîrî na acio engî mûmarivîre mavoerorî na ivoko; mûcoke mûmengate kuuma îtûûra rîmwe kûthiî rîrîa rîngî.

Mathaayo 26:59

Nao anene a athînjîri-Ngai, na Kîamma kîonthe nîmaacaragia ûira wa maveeni ûrîa mangîruta nîguo maûragithie Jesû,

Mathaayo 5:22

Nwatî rîu nîramwîra atî, mûndû wa wonthe ûrakaraga nî ûndû wa mûrwang'ina nîagaatuîrwa, na mûndû wa wonthe ûrumaga mûrwang'ina nîagaacirithua nî Kîamma, na mûndû wa wonthe wîtaga ûrîa wîngî, ‘Kîrimû gîkî!’ nîagaaikua mwakirî wa îcua.

Maariko 13:12

Mûndû nîakaanenganîra mûrwang'ina aûragwe, na mûthuuri anenganîre mwana wake. Nacio ciana nîigaaûkîrîra aciari a cio na imaûragithie.

Maariko 13:9

“Îîmenyagîrîreni nîûndû nîmûkaanyitwa na mûcirithîrue ciamarî cia athuuri. Wana nîmûkaarivîrwa mavoerorî, na mûrûngamue mbere ya anene na athamaki nîûndû wakwa ûrî ta ûira kûrî o.

Luka 12:11

“Vîndî îrîa andû mamûvira mûgacirithue mavoerorî, athamaki wana kana mbere ya anene, mûtikamake mûgîîciria ûrîa mûngîyarîrîria wana kana mûngiuga.

Johana 11:47

Kwoguo Afarisai na anene a athînjîri-Ngai nîmaagomanire na Kîamma Kîam Ayahudi. Nao nîmaaûranirie atîrî, “Nîtwîka atîa? Mûndû ûyû nîararinga ciama nyîngî mûno!

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Ciîko 17:14

Na wa rîo, etîkia nîmaatûmire Paûlo athiî rûtererî rwa îria, nwatî Sailasi na Timotheo nîmeekarire kûu Berea.

Ciîko 22:19

Nwatî nînaugire atîrî, ‘Mwathani, o ene nîmaicî waro atî nie nînathiîcaga mavoerorî monthe, na arîa maagwîtîkîtie nînaamavingagîra njeera na ngamariva.

Ciîko 26:11

Na kwa mavinda meengî nînatûmire maverithue marî mavoerorî na nînaageririe gûtûma marega wîtîkio wao. Na nîûndû wao nînaarakarire mûno nginya ngîthiî kûmarûmîrîria matûûrarî mageni nîguo nîmanyarire.

Ciîko 9:2

na agîtia maarûa cia kûmûmenyithania mavoerorî marîa maarî îtûûrarî rîa Damesiki, nîguo angîona arûmîrîri a njîra ya Mwathani, arûme kana aka, amanyite na amacokie Jerusalemu.

Afil 3:2

Îîmenyagîrîreni andû arîa mekaga maûndû macûku, arîa mekariî ta ngui na matemangaga mîîrî.

2Tim 4:15

Îîmenyagîrîreni kuuma kûrî ke nîûndû nîwareganire na ndûmîrîri yetû na vinya mûno.

Ahib 11:36

Amwe nîmaanyûrûragua na makarivwa na ivoko, na engî nîmoovirwe na mînyororo na makîvirwa njeera.