Mathaayo 1:22 - ÎVUKU RÎA ÛVORO MWARO

²² Maûndû mama monthe meekîkire nîguo maûndû marîa Mwathani aarîtie na kanyua ka mûrathi Isaia mavinge, rîrîa aaugire atîrî,

Mathaayo 1:22 Referencias Cruzadas

1Atha 8:15

Nîwaugire atîrî, “Ngai-Mûnene, Ngai wa Isiraeli arogoocwa. Nîûndû na vinya wake nîavingîtie kîîranîro kîrîa eerîre vava Daudi rîrîa aaugire atî,

1Atha 8:24

Nîûvingîtie kîîranîro kîrîa werîre vava Daudi. Maûndû marîa waririe na kanyua gaku ûmûnthî nîûmavingîtie na vinya waku.

Ezira 1:1

Mwakarî wa mbere Cairasi atuîka mûthamaki wa Perisia, Ngai-Mûnene nîwatûmire maûndû mavingue marîa aarîtie kûvîtûkîra mûrathi Jeremia. Ngai-Mûnene nîwatûmire Mûthamaki Cairasi aruta watho na ûkîandîkwa. Mûthamaki nîwaugire watho ûcio ûvirwe vûrûrirî wake wonthe ûrî mwandîke nîguo ûthomerwe andû.

Mathaayo 12:17

Ekire ûguo nîguo maûndû marîa Ngai aaririe na njîra ya mûrathi Isaia mavinge rîrîa aaugire atîrî,

Mathaayo 13:21

nwatî matiîthagîrwa marî na mîri na nîmamîamûkagîra kwa îvinda înini. Nao mambîrîria kûthînua na kûnyamarua nîûndû wa ndûmîrîri îo, nîmamîtiganagîria wa rîmwe.

Mathaayo 13:35

Eekire ûguo nîguo maûndû mavingue marîa mûrathi aaririe akiuga atîrî: “Nie nîngaatûmîra ngerekano ngîmarîria, nîngaamera maûndû marîa mataanamenyekana kuuma rîrîa nthî yaûmbirwe.”

Mathaayo 2:15

Nao nîmeekarire kuo nginya rîrîa Herode aakwire. Maûndû mama mekirwe nîguo ûvoro ûrîa Ngai aaririe na kanyua ka mûrathi ûvinge, rîrîa aaugire atîrî, “Nînetire Mûriû wakwa aume vûrûri wa Misiri.”

Mathaayo 2:23

Nake Josefu nîwathaamîre îtûûrarî rîa Nazarethi na agîtûûra kuo. Namo maûndû nîmaavingire marîa arathi maaugîte atî: “Ke nîageetwa Mûnazari.”

Mathaayo 5:17

“Mûtigecirie atî mbûkîte nthî kûthiria Watho wa Musa na maûndû marîa mathomithanîtue nî arathi. Nie ndiûkîte kûmathiria, nwatî mbûkîte kûmavingia.

Mathaayo 8:17

Ke eekire ûguo nîguo maûndû mavingue marîa maarirue nî mûrathi Isaia rîrîa aaugire atîrî, “Ke nîwocire wonje wetû na agîkuua mîrimû yetû.”

Luka 21:22

Nîûndû mîthenya îo nîo îkethîrwa îrî ya kûverithania nîguo maûndû monthe marîa Mandîko Matheru maugîte mavinge.

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Johana 10:35

Tue nîtuicî atî mandîko matheru maugaga ûma vîndî cionthe. Nake Ngai nîwetire andû acio maavunjîrue ndûmîrîri îo yake ngai cia mîvuanano.

Johana 15:25

Naguo ûndû ûyû wekîkire nîguo ciugo ivinge irîa ciandîkîtwe wathorî wao atî: ‘Maamenire gûtarî na gîtûmi.’

Johana 17:12

Rîrîa naarî vamwe nao, nînaamamenyererete na vinya wa rîîtwa rîaku rîrîa wamvere. Nînaamagitîre na gûtirî mûndû wana ûmwe gatagatîrî kao waûrire tiga ûrîa warî wa kûûra nîguo mandîko matheru mavingue.

Johana 18:9

(Ke aaugire ûguo nîguo ciugo irîa aaugîte ivinge, atî: “Vava, nie ndirî mûteu mûndû wana ûmwe wa arîa we wamvere.”)

Ciîko 3:18

Nwatî ûguo nîguo Ngai aavingirie ûrîa ke aarîtie na njîra ya tûnyua twa arathi ake onthe, atî nwa nginya Mesaya wake anyarirwe.

Aroma 1:2

Tene Ngai nîweranîre Ûvoro Mwaro na njîra ya arathi wata ûrîa kwandîkîtwe mandîkorî matheru.

Kûguû 17:17

Ngai nîatûmîte magîe na wendi wa kûvingia mworoto wake marî na ngoro îmwe. Na nîûndû wa ûguo nîmakaanenganîra vinya wao wa kwathana kûrî nyamû nginya rîrîa ciugo cia Ngai ikaavingua.