Mathaayo 1:20 - ÎVUKU RÎA ÛVORO MWARO

²⁰ Na rîrîa Josefu eeciragia îgûrû rîa maûndû mau, mûraika wa Mwathani nîwamumîrîre kîrotorî na akîmwîra atîrî, “Josefu, we ûrîa wî wa mbarî ya Mûthamaki Daudi, ndûgetigîre kûvikia Mariamu, nîûndû îvu rîu arî narîo riumanîte na vinya wa Roho Mûtheru.

Mathaayo 1:20 Referencias Cruzadas

Kîam 31:11

Nake mûraika wa Ngai nîwambarîrie na njîra ya kîroto akîmbîra atîrî, ‘Jakovu.’ Nanie ngiuga, ‘Îî nîrî ava.’

Kîam 46:3

Nake Ngai nîwamwîrire atîrî, “Nînie Ngai wa aguo. Kwoguo ndûgetigîre kûthiî Misiri. Nîngaatûma njiarwa ciaku ituîke rûrîrî rûnene.

1Atha 17:13

Nake Elija nîwamwîrire atîrî, “Ndûkamake, thiî na wîke wa ûguo wauga. Nwatî amba ûndugîre kamûgate kanini na ûndetere, ûcoke ûruge kau kengî mûrîe na mûvîcîguo.

1Atha 3:5

Ûtukû wa mûthenya ûcio Ngai-Mûnene nîwaumîrîre Solomoni na njîra ya kîroto na akîmwîra atîrî, “Mbîtia kîrîa ûkwenda na nîngûkûva.”

Thaburi 119:125

Nie nî ndungata yaku; mva ûtaûku, nîguo menye matuîro maku ma ciira.

Thaburi 143:8

Ndirikanagia ûvoro wa wendo waku ûtathiraga wa kîraûko, nîûndû we nîwe nîîvokete. Monia njîra îrîa mbagîrîrwe nî kûthiîra, nîûndû we nîwe mvoyaga.

Thaburi 94:19

Rîrîa negua ngîtangîka mûno ngororî, We Ngai-Mûnene ûnyûmagîrîria na ûgatûma ngîa na gîkeno.

Nthi 12:5

Meciria ma andû arîa athingu nî ma kîvooto; nwatî mataaro ma andû arîa aganu nî ma maveeni.

Isaia 26:3

We Ngai-Mûnene, arîa magwîtîkîtie, nîûmaigaga marî na thayû mûkinyanîru, nîûndû nwawe mevokete.

Isaia 30:21

Mûngîvîtia njîra mûthiî na mwena wa ûrîo kana wa ûmotho, nîmûkegucaga mûgambo vuva wenyu ûkîmwîra atîrî, “Îno nîyo njîra; mîrûmîrîreni.”

Isaia 51:7

“Nthikîrîriani mue mwîcî maûndû ma ûthingu, mue andû arîa mûnyitîte watho wakwa na ngoro cienyu. Mûtigetigîre rîrîa mûgûcambua nî andû, kana mûmaka rîrîa makûmûruma.

Isaia 7:13

Nake Isaia nîwacokirie atîrî, “Tathikîrîriani mue andû a nyomba ya Daudi! Nîmûnogetie andû, atî nwa mûkwenda kûnogithia Ngai wanake?

Isaia 7:2

Rîrîa mûthamaki wa Juda aamenyithirue atî, andû a Sîria nî manyitanîrîte na andû a Isiraeli, ke na andû ake onthe nîmaanyitirwe nî guoya nyîngî nginya makinaina ta ûrîa mîtî ya kîthakarî inainagua nî rûkûngi.

Jeremia 31:22

Nîwîkara ûkîagagaga nginya rî we mwarî ûyû ûtarî mwîvokeku? Nîûndû nie Ngai-Mûnene nîndûthîte kîndû gîcerû gûkû nthî, mûndûmûka agitagîra mûndûmûrûme.”

Jeremia 33:26

Kwoguo, nîngûtûûra mbigîte kîrîkanîro gîakwa na rûciaro rwa Jakovu na Daudi ndungata yakwa. Nîngathuura ûmwe wa rûciaro rwa Daudi atuîke mûthamaki wa njiarwa cia Iburahimu, Isaka na Jakovu. Nîûndû nîngeguîra andû akwa ntha na ndûme mathatûkwe.”

Jeremia 40:9

Nake Gedalia nîwevîtire mbere yao na mbere ya athigari a mbaara na akiuga atîrî, “Mûtigetigîre gûtungatîra Akalidei. Tûûrani vûrûrirî ûyû na mûtungatîre mûthamaki wa Babuloni, na maûndû menyu monthe nîmakûvua.

Joeli 2:28

“Vuvarî, nîngetîrîria andû onthe Roho wakwa, andû enyu, anake na erîtu nîmakaanîrîra, andû enyu arîa akûrû nîmakaarota iroto, nao anake enyu nîmakoona cioneki.

Ndari 12:6

Ngai-Mûnene, nîwamerire atîrî, “Tanthikîrîriani! Rîrîa kûrî na arathi gatagatîrî kenyu, nie nîîmenyithanagia kûrî o na njîra ya cioneki na ngamarîria na njîra ya iroto.

Mathaayo 1:18

Rûrû nîruo rûgano rwa ûrîa Jesû Kristû aaciarirwe. Mariamu ng'ina wa Jesû nîmaarîkanîrîte na Josefu atî nîmakûvikania. Nwatî mbere ya kûvikania, Mariamu nîwamenyire atî aarî na îvu riumanîte na vinya wa Roho Mûtheru.

Mathaayo 2:12

Nao andû acio nîmaakaanirue nî Ngai marî kîrotorî makîrwa matigaacokerere kwa Herode. Kwoguo nîmaacokire vûrûrirî wao na njîra îngî.

Mathaayo 2:13

Nao athuuri acio maarî na ûgî wa njata marîkia kûthiî, mûraika wa Mwathani nîwaumîrîre Josefu kîrotorî na akîmwîra atîrî, “Ûkîra woce mwana na ng'ina mûre mûthiî vûrûrirî wa Misiri, na mwîkare kuo nginya rîrîa ngaamwîra, nîûndû Herode arî vakuvî kwambîrîria gûcaria kaana nîguo akaûrage.”

Mathaayo 2:19

Na rîrîa Herode aakwire, mûraika wa Mwathani nîwaumîrîre Josefu kîrotorî arî Misiri

Mathaayo 2:22

Nwatî rîrîa Josefu eegwire atî Arikelau nîke watigîrîtwe wathani wa kwathana kûu Judea nî îthe Herode, nîwetigîrire kûthiî kuo. Nake mûraika nîwaumîrîre Josefu arî kîrotorî, na akîmûkania kûthiî kuo. Kwoguo nîwathiîre vûrûrirî wa Galili.

Mathaayo 27:19

Rîrîa Pilato eekarîte nyombarî ya gûcirithanîrua, mûka nîwatûmanire akeerwa atîrî, “Ndûgeke mûndû ûcio wanarî ûndû, nîûndû ndarî ûndû mûcûku ekîte. Nîûndû ûtukû mbîthîrîtwe nthînîkîte mûno kîrotorî gîakwa nîûndû wake.”

Mathaayo 28:5

Nake mûraika nîwerire aka acio atîrî, “Tigani gwîtigîra, nîûndû nîmbîcî mûracaria Jesû ûrîa wambirwe mûtharavarî.

Luka 1:19

Nake mûraika ûcio nîwamûcokerie atîrî, “Nie nînie Gaburieli na nûngamîte mbere ya Ngai ûrîa ûndûmîte mbûke ngûkinyîrie ûvoro ûyû mwaro.

Luka 2:4

Josefu nîwaumire îtûûrarî rîa Nazarethi vûrûrirî wa Galili na akîthiî îtûûrarî rîa Bethilehemu vûrûrirî wa Judea, kûrîa mûthamaki Daudi aaciarîrwe. Josefu aathire kûu nîûndû aarî wa nyomba na wa mbarî ya Daudi.

Ciîko 5:19

Nwatî ûtukû wa mûthenya ûcio, mûraika wa Mwathani nîwavingûrire mîrango ya njeera, akîmaruta kuo, na akîmeera atîrî,

Kûguû 19:7

Nîtûkeneni na tûcanjamûke; nîtûkumieni ûnene wake! Nîûndû kavinda ga Gatûrûme kûgîa na mûviki nîgakinyu. Nake mûviki wake nîmwîvarîriu nîûndû waguo.

Atir 13:3

Mûraika wa Ngai-Mûnene nîwaumîrîre mûndûmûka ûcio na akîmwîra atîrî, “Taroria, we ûtûîre ûrî nthata, nwatî îvinda rîtarî îraca nîûkûgîa îvu na nîûgaaciara kavîcî.