Mathaayo 1:1 - ÎVUKU RÎA ÛVORO MWARO

¹ Ûyû nîguo mûtaratara wa methe ma tene ma Jesû Kristû wa mbarî ya Daudi, ûrîa warî wa mbarî ya Iburahimu.

Mathaayo 1:1 Referencias Cruzadas

Kîam 12:3

Nie ngaarathimaga andû arîa onthe magaakûrathimaga, nwatî ngaarumaga arîa onthe magaakûrumaga, na andû a mavûrûri monthe makaarathimagwa na njîra yaku.”

Kîam 2:4

Ûguo nîguo îgûrû na nthî ciaûmbirwe. Vîndî îrîa Ngai-Mûnene, Ngai aûmbire nthî na îgûrû,

Kîam 22:18

Na njîra ya njiarwa ciaku ndûrîrî cionthe cia nthî nîikaarathimwa nîûndû nîwambathîkîre.”

Kîam 5:1

Ûyû nîguo mûtaratara wa rûciaro rwa Adamu. (Rîrîa Ngai aaûmbire andû, aamaûmbire mavana take.

Thaburi 132:11

Ngai-Mûnene nîwerîre Daudi na mwîvîtwa, kîîranîro kîrîa atakericûkwa atî: “Nîngaatua ûmwe wa anake aku mûthamaki, na nîakaathana vuva waku.

Thaburi 89:3

We Ngai nîwaugire atîrî, “Nînthondekete kîrîkanîro na mûndû ûrîa nthuurîte; nînîvîtîte kûrî Daudi, ndungata yakwa atî,

Thaburi 89:36

Njiarwa ciake igaatûûra tene na tene, na ûthamaki wake ûtûûre ta riûa.

Isaia 11:1

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Isaia 53:8

Nîwavinyîrîrue na agîtuîrîrwa ciira gûtarî na kîvooto na akîvirwa kûûragwa, na gûtirî mûndû wamakagua nî maûndû marîa oonaga. Nîwathengutirue vûrûrirî wa arîa marî mwoyo, aaûragirwe nîûndû wa mevia ma andû akwa.

Jeremia 23:5

“Taroria, îvinda nîrîgakinya, rîrîa ngaathuura mûndû mûthingu wa rûciaro rwa Daudi atuîke mûthamaki, nake nîakaathana ecûrîtwe nî ûûgî. Nîakoonania kîvooto na waragania vûrûrirî wonthe.

Jeremia 33:26

Kwoguo, nîngûtûûra mbigîte kîrîkanîro gîakwa na rûciaro rwa Jakovu na Daudi ndungata yakwa. Nîngathuura ûmwe wa rûciaro rwa Daudi atuîke mûthamaki wa njiarwa cia Iburahimu, Isaka na Jakovu. Nîûndû nîngeguîra andû akwa ntha na ndûme mathatûkwe.”

Amosi 9:11

Mûthenya ûcio nîngaarûngamia ûthamaki wa Daudi ûrîa wagwîre. Nîngaatuma rîngî nthingo ciaguo irîa ciarî nyomomoku, ciîkare ta ûrîa ciekariî mbere.

Zakaria 12:8

Vîndî îo Ngai-Mûnene nîakaagitîra andû arîa matûûraga Jerusalemu, nîguo andû arîa matarî vinya gatagatîrî kao makaagîa na vinya ta mûthamaki Daudi. Nacio njiarwa cia Daudi nîigaatongoria andû a Juda ta araika a Ngai-Mûnene, ta arî Ngai ûramatongoria.

Mathaayo 1:18

Rûrû nîruo rûgano rwa ûrîa Jesû Kristû aaciarirwe. Mariamu ng'ina wa Jesû nîmaarîkanîrîte na Josefu atî nîmakûvikania. Nwatî mbere ya kûvikania, Mariamu nîwamenyire atî aarî na îvu riumanîte na vinya wa Roho Mûtheru.

Mathaayo 1:2

Methe make ma tene maarûmanîrîrîte ta û: Iburahimu aarî îthe wa Isaka, Isaka îthe wa Jakovu, Jakovu îthe wa Juda na aa mûrwethe.

Mathaayo 15:22

Na mûndûmûka Mûkanaani ûrîa watûûraga kûu gîcunjîrî kîu nîwathiîre kûrî ke na akiugîrîria atîrî, “Mwathani, Mûrû wa Daudi, mbîguîra ntha! Mwîrîtu wakwa nî mûnyite nî ngoma na nîmûcûkîre mûno.”

Mathaayo 3:16

Nake Jesû aarîkia kûvatithua, nîwaumîrire manjîrî wa rîmwe. Narîo îgûrû nîrîavingûkire, na akîona Roho wa Ngai akînyûrûrûka ta ndutuura na agîkara îgûrû rîake.

Mathaayo 9:27

Nake Jesû nîwaumire kûu. Na arî njîrarî athiîte, nîwaumirwe vuva nî atumumu aîrî. Atumumu acio nîmaaugîrîrie atîrî, “Twîguîre ntha, Mûrû wa Daudi!”

Luka 1:33

Nake nîagaatuîka mûthamaki wa andû a Isiraeli tene na tene. Naguo ûthamaki wake ndûkaathira!”

Johana 7:42

Na kinthî mandîko matheru matiugîte atî Mesaya akeethîrwa arî wa mbarî ya Mûthamaki Daudi, na atî ke agaaciarîrwa îtûûrarî rîa Bethilehemu kûrîa Daudi aatûûraga?”

Ciîko 2:30

Ke aarî mûrathi na nîwecî kîrîa Ngai aamwîrîrîte. Ngai nîwevîtîte atî ke nîagaatûma ûmwe wa njiarwa cia Daudi atuîke mûthamaki wata ûrîa Daudi aarî.

Aroma 1:3

Ûvoro ûcio wîthagîrwa wîgiî Mûriû wa Ngai, Jesû Kristû Mwathani wetû. Na njîra ya kîîmwîrî aarî wa mbarî ya Daudi.

Aroma 4:13

Rîrîa Ngai eerîre Iburahimu na njiarwa ciake atî nthî yonthe îkeethîrwa îrî yake, ekire ûguo nîûndû Iburahimu nîwetîkirie na agîtuwa mûthingu nî Ngai, nwatî tî nîûndû nîwathîkagîra Watho.

Aroma 9:5

Nî a mbarî ya methe metû ma tene na Kristû ta mûndû, nwa wa rûrîrî rwao. Ngai ûrîa wathaga maûndû monthe arogoocwa tene na tene! Ameni.

Agal 3:16

Rîu Ngai nîwarûthire kîîranîro gîake na Iburahimu vamwe na rûciaro rwake. Mandîko matheru matiugîte atîrî, “Na njiarwa ciake,” ûguo nî kuga andû eengî, nwatî maugîte “Rûciaro rwake,” na nî kuga mûndû ûmwe, na nîke Kristû.

1Tim 2:5

Nîûndû Ngai nî ûmwe, nake ûrîa wîgwithanagia andû na Ngai nî ûmwe na mûndû ûcio nî Jesû Kristû.

2Tim 2:8

Taririkana Jesû Kristû ûrîa wariûkirue na aarî wa rûciaro rwa Daudi, wata ûrîa kûthomithanîtue ûvororî ûrîa mwaro mvunjagia.

Kûguû 22:16

“Nie Jesû, nînie ndûmîte mûraika wakwa kûrî mue nîguo anîrîre ndûmîrîri îno kûu makanitharî. Nie nîrî wa rûciaro rwa nyomba ya Daudi. Nie nînie njata îrîa ngengu ya kîraûko.”