Josh 6:25 - ÎVUKU RÎA ÛVORO MWARO

²⁵ Nwatî Joshua nîwavonokirie Rahabu ûrîa mûmaraa, îthe na nyomba yake na arîa onthe metanîtue nake, nîûndû nîwathithire andû arîa maatûmîtwe nî Joshua makathigane îtûûra rîu. Rahabu na andû a nyomba yao nwa matûîre Isiraeli nginya ûmûnthî.

Josh 6:25 Referencias Cruzadas

Mathaayo 1:5

Salimoni aarî îthe wa Boazu na ng'ina aarî Rahavu. Nake Boazu aarî îthe wa Obedi na ng'ina aarî Ruthu. Obedi aarî îthe wa Jesii,

Ciîko 2:21

Na mûndû wa wonthe ûgeeta Mwathani akîenda ûtethio nîakaavonokua.’

Ahib 11:31

Wîtîkio nîguo wagiririe Rahavu mûndûmûka ûrîa warî mûmaraa aûragwe vamwe na andû arîa maaregire kwathîkîra Ngai, nîûndû nîwanyitire athigani a Isiraeli ûgeni.

Jakuvu 2:25

Ûguo nwa guo wana Rahavu ûrîa warî mûmaraa atwirwe mûthingu na njîra ya ciîko ciake. Ke nîwanyitire athigani Isiraeli ûgeni na nîwamatethirie maûre mathiî na njîra îngî.

Josh 2:1

Joshua mûvîcî wa Nuni nîwacokire agîtûma athigani aîrî kuuma Shitimu na akîmera mathiî makathigane vûrûri wa Kanaani na makîria îtûûra rîa Jeriko. Rîrîa maakinyire îtûûrarî rîa Jeriko, nîmaathiîre na makîrarîrîra kwa mûndû mûka ûmwe mûmaraa wetagwa Rahabu.

Josh 2:18

Nawe ûgeeka atîrî, rîrîa tûkaatharîkîra vûrûri ûyû wenyu, ûkaathaîkîrîra kamûkumbû ka rangi ya njambarawe ndiricarî îrîa watûrutîre ûgîtûnyûrûrûkia. Nao andû enyu onthe, aguo, nyûkwe, na aa mûrwanyûkwe ûkaamatonyia gwaku nyomba.

Josh 2:4

Nwatî Rahabu nîwocete arûme acio aîrî na akamathitha. Kwoguo nîwacokirie atîrî, “Nîma kûrî arûme maraaûkire gwakwa nyomba, nwatî nie ndicî maraumîte kû.

Josh 2:6

(Vîndî îo Rahabu aathithîte athigani acio nyombarî yake îgûrû na akamakunîkîra na itina cia kamûtî karîa kaumaga ndigi cia kûthondeka itambaa irîa aaigîte nyomba îgûrû.)

Josh 4:9

Nake Joshua nîwaigire mathiga mengî îkûmi na maîrî gatagatî ka rûnjî rwa Jorodani varîa athînjîri-Ngai arîa maakuuîte îthandûkû rîa kîrîkanîro maakinyîte. (Mathiga mau marî vo nginya ûmûnthî.)