Josh 6:19 - ÎVUKU RÎA ÛVORO MWARO

¹⁹ Kîndû kîonthe kîthondeketwe na sîlûva, thaavu, gîcango na cuuma nîkîamûrîre Ngai-Mûnene. Icio cionthe nîikaaigwa kîgînarî Kîam Ngai-Mûnene.”

Josh 6:19 Referencias Cruzadas

2Sam 8:11

Mûthamaki Daudi nîwamûrîre Ngai-Mûnene indo icio, wa vamwe na sîlûva na thaavu irîa aarutire mavûrûrirî marîa aavootete, nîguo itûmagîrwe vîndî îrîa Ngai-Mûnene akûgoocwa.

1Atha 14:26

Nîwathiîre na indo cionthe irîa ciarî hekarûrî, na irîa ciarî nyombarî ya mûthamaki, wa vamwe na ngo cia thaavu irîa Solomoni aarûthîte.

1Atha 7:51

Rîrîa Solomoni aarîkirie wîra wonthe wa hekarû, nîwekîrire kuo indo irîa îthe Daudi aamûrîrîte Ngai-Mûnene. Nacio ciarî: sîlûva, thaavu, na indo irîa ciîngî cionthe. Nîwacigire mûthithûrî wa indo cia hekarû.

2Atha 24:13

Nîwacokire agîkuua indo cionthe irîa ciarî hekarûrî na îrîa ciarî nyombarî ya mûthamaki na akîivira Babuloni. Nebukadinezarû nîwacûkangirie indo cionthe cia thaavu irîa ciarî hekarûrî irîa Solomoni, mûthamaki wa Isiraeli aatumîte. Ûndû ûcio wekîkire wata ûrîa Ngai-Mûnene aaugîte.

1Maû 18:11

Mûthamaki Daudi nîwamûrire indo icio ituîke cia Ngai-Mûnene. Aaciamûrire irî vamwe na sîlûva na thaavu îrîa aarutîte mavûrûrirî marîa aavootete. Mavûrûri mau nî: Edomu, Moabu, Aamoni, Filisiti na Amaleki.

1Maû 26:20

Alawi acio engî nîmaamenyagîrîra kîgîna Kîam hekarû na nyomba irîa ciaigagwa indo irîa ntheru.

1Maû 26:26

Shelomothi na andû a mûciî wao nîo maarî amenyereri a indo cionthe irîa ciamûrîrîtwe hekarû nî mûthamaki Daudi, na atongoria a mîciî, anene a athigari ngiri îmwe (1,000) anene a athigari îgana rîmwe (100) na anene engî a athigari.

1Maû 26:27

Nîmoocire indo imwe cia irîa maatavîte mbaararî na magîciamûra nîûndû wa kûmenyerera hekarû ya Ngai-Mûnene.

1Maû 26:28

Shelomithi na andû ao nîo maamenyagîrîra indo cionthe irîa ciamûrîtwe cia gûtûmîrwa hekarûrî, wa vamwe na iveo irîa ciavecanîtwe nî mûrathi Samueli, Saûlo mûvîcî wa Kishu, Abuneri mûvîcî wa Neri na Joabu mûvîcî wa Zeruia.

1Maû 28:12

Nîwamûnengere mûvano wonthe ûrîa warî meciriarî make nîûndû wa ivaaro cia hekarû na tûnyomba tuonthe tûrîa twathiûrûrûkîrîtie hekarû, tûnyomba tûrîa twaigagwa indo cia hekarû na indo irîa ciamûrîrîtwe Ngai-Mûnene.

2Maû 15:18

Nîwaretire hekarûrî indo cionthe irîa ciamûrîrîtwe Ngai nî îthe Abija, wa vamwe na thaavu na indo cia sîlûva îrîa ke mwene aamûrîrîte Ngai.

2Maû 31:12

Nao athînjîri-Ngai marî na wîvokeku nîmaaretire indo irîa ciarutîtwe na ciamûrîrîtwe Ngai-Mûnene, na icunjî cia îkûmi irîa andû maarutîte. Nîmaatwire Mûlawi Konania mûrûngamîrîri wa wîra ûcio, nake mûrwang'ina Shimei arî mûnini wake.

Nehemia 10:38

Athînjîri-Ngai arîa njiarwa cia Aroni makeethagîrwa marî vo rîrîa Alawi maraamûkîra gîcunjî gîa îkûmi. Nao Alawi magoocaga gîcunjî gîa îkûmi makavira makûmbîrî ma hekarû.

Jeremia 38:11

Kwoguo Ebedimeleku nîwocire arûme athatû na makîthiî nao nyomba kwa mûthamaki, na akîthiî kûrîa kwaigagwa nguo na magîoca nguo irîa ngûrû na irîa ndarûkangu na makîinyûrûrûkîria Jeremia kûu kîrikorî na mûkanda.

Alawi 19:24

Mwakarî wa kana mûkaanyamûrîra matunda monthe ma mîtî îo rîrî îtega rîa kûnjokeria ngatho.

Mika 4:13

Ngai-Mûnene augîte atîrî, “Mue andû a Zayuni, thiîni mûkaverithie nthû cienyu! Nîngaatûma mûgîe na vinya ta wa ndegwa, îrî na mvîa cia cuuma na mavûngû ma cuuma ya gîcango. Nîmûkavoota andû a mavûrûri meengî, na nîmûkaanyamûrîra ûtonga wao ûrî îtega, mûndutîre indo ciao, nie Mwathani wa nthî yonthe.”

Ndari 31:11

Nîmaathiîre na indo cionthe irîa maatavîte, andû wana ndîthia,

Ndari 31:12

na makîivira kûrî Musa na Eliazaru, mûthînjîri-Ngai, na andû onthe a Isiraeli kûrîa maambîte magema vûrûrirî ûrîa mwaraganu wa Moabu, mûringo wa Jorodani vakuvî na Jeriko.

Ndari 31:22

Indo ta: thaavu, sîlûva, gîcango, cuuma, îvati, na cuuma ya mvûrûvûrû,

Mathaayo 27:6

Nao anene a athînjîri-Ngai nîmoocire mbeca icio na makiuga atîrî, “Ino nî mbeca cia nthakame, na watho wetû ndwîtîkîrîtie kwiga mbeca ta ino mûthithûrî wa hekarû.”

Maariko 12:41

Rîrîa Jesû eekarîte nthî hekarûrî vakuvî na varîa andû maavothagîra, nîwaroririe andû makîvotha. Nacio itonga nyîngî nîciarekirie mbeca nyîngî mûno.

Josh 7:11

Aisiraeli nîmevîtie! Nîmaregete kwathîkîra kîrîkanîro gîakwa kîrîa namaathire mavingie. Nîmocete indo imwe cia irîa nameerire macûkangie magaciîa, makaveenania na magîciiga vamwe na indo ciao.