Josh 24:26 - ÎVUKU RÎA ÛVORO MWARO

²⁶ Joshua nîwandîkire mawatho mau îvukuurî rîa Watho wa Ngai. Nîwacokire agîoca îthiga înene na akîriga rungu rwa mûtî mûnene wa mûvuru vakuvî na vandû varîa vatheru va Ngai-Mûnene.

Josh 24:26 Referencias Cruzadas

Kîam 31:45

Kwoguo Jakovu nîwocire îthiga na akîrîvanda rîgîtuîka rîa kîririkano.

Kîam 35:4

Kwoguo nîmaanengere Jakovu ngai cionthe ng'eni irîa maarî nacio, na mindo irîa mekîrîte matû. Jakovu nîwaithikire rungu rwa mûtî wa mûvuru vakuvî na Shekemu.

Kîam 35:8

Debora ûrîa warerire Rebeka nîwakwire na akîthikwa rungu rwa mûtî wa mûvuru mwena wa îveti wa Betheli. Kwoguo mûtî ûcio nîwetirwe Aloni-bakuthi.

Ntha 24:4

Nake Musa nîwandîkire maûndû monthe marîa Ngai-Mûnene aamwathîte. Mûthenya ûcio wîngî kîraûko tene Musa nîwaramûkire na agîtuma metha ya kîgongoona nthî ya kîrîma na akînjîra itugî îkûmi na igîrî kûringana na mîvîrîga îrîa îkûmi na îîrî ya andû a Isiraeli.

Atir 9:6

Andû onthe a Shekemu na a Bethimilo nîmaaûnganire vamwe. Nîmaacokire makîthiî vakuvî na mûvuru ûrîa mwamûre kûu Shekemu na magîtua Abimeleki mûthamaki.

1Sam 7:12

Samueli nîwacokire agîoca îthiga, na akîrîvanda vau gatagatî ka Mizipa na Sheni, na akîrîtuîra rîîtwa akîrîta “Îthiga rîa Ûtethio,” na akiuga atîrî, “Ngai-Mûnene nîatûtethetie nginya ûmûnthî.”