Josh 24:25 - ÎVUKU RÎA ÛVORO MWARO

²⁵ Kwoguo mûthenya ûcio, Joshua nîwarûthire kîrîkanîro gatagatî ka Ngai-Mûnene na andû a Isiraeli marî kûu Shekemu. Nîwacokire akîmanengera mawatho ma kûrûmagîrîra.

Josh 24:25 Referencias Cruzadas

Kîam 35:4

Kwoguo nîmaanengere Jakovu ngai cionthe ng'eni irîa maarî nacio, na mindo irîa mekîrîte matû. Jakovu nîwaithikire rungu rwa mûtî wa mûvuru vakuvî na Shekemu.

2Atha 11:17

Mûthînjîri-Ngai Jehoiada nîwatûmire mûthamaki Joashi na andû marûthe kîrîkanîro na Ngai-Mûnene atî makethagîrwa marî andû a Ngai-Mûnene. Nîwacokire akîrûtha kîrîkanîro na mûthamaki na andû.

2Maû 15:12

Nîmaarûthire kîrîkanîro atî makaathîkagîra Ngai-Mûnene, Ngai wa methe mao na ngoro yonthe mwoyo wonthe.

2Maû 15:15

Andû onthe a Juda nîmaakenire nîûndû wa kîrîkanîro kîu maarûthire na ngoro yonthe. Nîmaamûcarîtie na ngoro yonthe na makîmwona. Nake Ngai-Mûnene nîwatûmire magîe na thayû mîena yonthe.

2Maû 23:16

Mûthînjîri-Ngai Jehoiada nîwarûthire kîrîkanîro na andû onthe na mûthamaki atî, nîmagûtuîka andû a Ngai-Mûnene.

2Maû 29:10

“Rîu nînduîte kûrûtha kîrîkanîro na Ngai-Mûnene, Ngai wa Isiraeli, nîguo ndagatûrakarîre rîngî.

Nehemia 9:38

Nîûndû wa maûndû monthe marîa mekîkîte, nîtwathondeka kîrîkanîro kîrûmu na twandîkanîra. Nao atongoria etû, Alawi, athînjîri-Ngai wetû nîmekîra mîvûri yao kîrîkanîrorî kîu.

Ntha 15:25

Nake Musa nîwavoire Ngai-Mûnene, na Ngai-Mûnene akîonia Musa mûtî akîmwîra awikie manjîrî. Namo manjî nîmaatuîkire maro ma kûnyua. Vau Mara nîvo Ngai-Mûnene aamaveerere mawatho ma kûrûmagîrîra na nwavo aamagererie.

Ntha 24:3

Musa nîwacokire akînyûrûrûka na akîthiî akîra andû maûndû monthe marîa Ngai-Mûnene aamwîrire na maathani monthe. Nao andû onthe nîmaacokirie marî vamwe atîrî, “Nîtûgeka ûrîa wonthe Ngai-Mûnene augîte.”

Gûco 29:1

Mama nîmo maûndû marîa marî kîrîkanîrorî kîrîa Ngai-Mûnene aathire Musa arûthe na andû a Isiraeli marî vûrûrirî wa Moabu, kwongerera marîa Ngai-Mûnene aarûthîte nao marî kîrîmarî gîa Sinai.

Josh 24:1

Joshua nîwacokire agîta andû a mîvîrîga yonthe ya Isiraeli. Nao nîmaagomanire vamwe Shekemu. Nîwetire athuuri, atongoria, atirîrîri vûrûri na anene a andû a Isiraeli mathiî vakuvî na îgema rîrîa rîamûre.

Josh 24:26

Joshua nîwandîkire mawatho mau îvukuurî rîa Watho wa Ngai. Nîwacokire agîoca îthiga înene na akîriga rungu rwa mûtî mûnene wa mûvuru vakuvî na vandû varîa vatheru va Ngai-Mûnene.