Josh 24:19 - ÎVUKU RÎA ÛVORO MWARO

¹⁹ Nwatî Joshua nîwerire andû a Isiraeli atîrî, “Mue nwa mûremwe nî gûtungatîra Ngai-Mûnene nîûndû ke nî Ngai Mûtheru na arî wîru. Ndakaamûrekera mevia menyu,

Josh 24:19 Referencias Cruzadas

2Maû 36:16

Nwatî andû a Juda nîmaathiîre na mbere kûthekerera anjaama ake na kwira ndûmîrîri yake na kûnyûrûria arathi ake nginya Ngai-Mûnene akîrakara nî andû ake mûno ûndû atangîamarekeere.

Thaburi 99:3

Andû onthe nîmakumie rîîtwa rîake rînene na rîa gwîtigîrwa! Ke nî Mûtheru!

Thaburi 99:5

Kumiani Ngai-Mûnene, Ngai wetû, Mûgooceni mûrî mbere ya gîtî gîake Kîam ûthamaki! Ke nî mûtheru!

Thaburi 99:9

Kumiani Ngai-Mûnene Ngai wetû, mûgooceni mûrî kîrîmarî gîake kîtheru! Nîûndû Ngai-Mûnene Ngai wetû nî mûtheru!

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ntha 23:21

Mûthikagîrîrieni na mûmwathîkagîre na mûtikamûkararie. Mwaregana nake ndakaamûrekera nîûndû nînie nîmûtûmîte.

Ntha 34:14

“Mûtikaagooce Ngai wîngî, nîûndû Ngai-Mûnene ûrîa rîîtwa rîake arî ‘Wîru’, nî Ngai ûrî wîru.

Ntha 34:7

Nînginyagîria wendo wakwa ûtathiraga njiarwa ngiri nyîngî na ngarekera arîa mekaga naaî na mareganaga nanie na makevia. Nwatî nîngaaverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.”

Isaia 2:9

Kwoguo wa mûndû nîakegwithua nthoni na aconorithue. We Ngai ndûkamovere wanarî vanini!

Isaia 27:11

Mvûa cia mîtî ya kuo nî nyûmû na ikaunîkanga, nao aka nîmathiîcaga kuna ngû cia mîtî îo. Andû aya a Isiraeli nî aritu. Kwoguo Ngai, ûrîa wamaûmbire ndakaameguîra ntha, ke ûrîa mûmaûmbi ndakaamatuga.

Isaia 30:11

Umani njîrarî na mûtige gûtûvîngîca, tûtikwenda kwîgua rîngî Ûrîa Mûtheru wa Isiraeli akîgwetwa.’ ”

Isaia 30:15

Nîûndû Ngai-Mûnene, Ngai Ûrîa Mûtheru wa Isiraeli arauga atîrî, “Mûngînjokerera na mûkirîrîrie, nîmûkaavonoka; mwakirîrîria na mwanîîvoka mûkaagîcaga na vinya.” Nwatî mue nîmwaregire gwîtîkîra.

Isaia 5:16

Nwatî Ngai-Mûnene mwene vinya wonthe onanagia ûnene wake na njîra ya gûtuîra andû ciira na kîvooto, na akonania ûtheru wake na njîra ya ûthingu wake.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Alawi 11:44

Nie nînie Ngai-Mûnene, Ngai wenyu na nwanginya mwîkare mûrî atheru nîûndû nîrî mûtheru.

Alawi 11:45

Nînie Ngai-Mûnene ûrîa wamûrutire vûrûrirî wa Misiri nîguo nduîke Ngai wenyu. Kwoguo nwanginya mwîthîrwe mûrî atheru nîûndû Nie nîrî mûtheru.”

Alawi 19:2

“Îra andû onthe a Isiraeli atî methîrwe marî atheru nîûndû Nie Ngai-Mûnene, Ngai wenyu nîrî mûtheru.

Alawi 20:26

Mue mûrî akwa na mûkethagîrwa mûrî atheru nîûndû Nie, Ngai-Mûnene nîrî mûtheru. Nîmûthuurîte kuuma gatagatî ka ndûrîrî irîa ciîngî nîguo mûtuîke akwa kîûmbe.

Alawi 20:7

Kwoguo îkaragani mûrî atheru, nîûndû Nie nînie Ngai-Mûnene, Ngai wenyu.

Nahumu 1:2

Ngai-Mûnene nî Ngai wî wîru; nîerîvagîrîria na arî marakara meengî, nîerîvagîrîa kûrî arîa mareganaga nake nîarakaraga nî nthû ciake.

Habakuku 1:13

Metho maku nî matheru mûno, ndûngîûmîrîria kwona maûndû macûku, na ndûngîîtirîria kwona andû magîka naaî. Kwoguo ûrakira nîkî rîrîa andû arîa aganu, maracûkangia andû arîa athingu kûmakîra?

Mathaayo 6:24

“Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.

Josh 24:18

Amori nîo maatûûraga gûkû vîndî îo, nwatî Ngai-Mûnene nîwamengatire nîguo tûke tûtûûre gûkû. Kwoguo wanatue tûgaatungatagîra Ngai-Mûnene, nîke Ngai wetû.”

Josh 24:23

Nake Joshua nîwamerire atîrî, “Tiganani na ngai icio ng'eni mûrî nacio na mûcokerere Ngai-Mûnene, Ngai wa Isiraeli mûmûtungatagîre.”

Ruthu 1:15

Naomi nîwerire Ruthu atîrî, “Ta roria, mwîruguo nîwacoka kûrî andû ao na kûrî ngai ciake. Wa nawe rûmîrîra mwîruguo.”

1Sam 3:14

Kwoguo nie nînîîvîtîte nîûndû wa andû a mûciî wa Eli ngauga, atî wîvia ûyû wîkîtwe nî andû a mûciî wa Eli ndûkaavota kûtherua nî kîgongoona wana kana îtega tene na tene.”

1Sam 6:20

Kwoguo andû a Bethi-shemeshu nîmaaûririe atîrî, “Nî ûrîkû ûngîvota kûrûngama mbere ya Ngai-Mûnene. Ngai ûyû mûtheru? Nîtûmûvira kû nîguo atûthengutîre?”