Josh 23:13 - ÎVUKU RÎA ÛVORO MWARO

¹³ Mweka ûguo, menyani na ma atî Ngai-Mûnene, Ngai wetû ndakeengata ndûrîrî icio ciûre rîrîa mûkaaitharîkîra. Nwatî nîigaatuîka kîndû gîcûku gîa kûmûgucagîrîria mûtonye mûtegorî kana mûgwe îrimarî. Nîigaatuîka ta kîvoko gîa kûmûriva kana ta mîgua îrî methorî menyu nginya rîrîa muonthe mûkaathira vûrûrirî ûyû mwaro Ngai amûveete.

Josh 23:13 Referencias Cruzadas

1Atha 11:4

Vîndî îrîa Solomoni aakûrire, aka acio ake nîmaatûmire agarûrûke na agooce ngai cia kûndû kwîngî. Ke ndaarî mwîvokeku kûrî Ngai-Mûnene, Ngai wake ta ûrîa îthe Daudi eekariî.

2Atha 17:18

Kwoguo Ngai-Mûnene nîwamengatire onthe. Aatigaririe andû a mûvîrîga wa Juda onga tu.

2Atha 17:20

Ngai-Mûnene nîwaregire andû onthe a Isiraeli; nîwamaverithirie na akîmarekereria kûrî andû aganu mûno nginya akîmengata maume kûrî ke.

2Atha 25:21

Nebukadinezarû nîwarivire andû acio na akîmaûragîra kûu Ribula vûrûrirî wa Hamathi. Kwoguo andû a Juda nîmaarutirwe vûrûrirî wao na makîvirwa îthamîriorî.

2Atha 25:26

Andû onthe a Isiraeli, arîa anini na arîa anene, vamwe na anene a athigari nîmaacokire makiuma kûu na makîthiî Misiri, nîûndû nîmeetigagîra Akalidei.

Thaburi 69:22

Irugo ciao irotuîka cia kûmanyitithia, irugo ciao irîa nyamûre irotuîka mûtego kûrî o.

Ntha 10:7

Nao anene a mûthamaki nîmaamûririe atîrî, “Mûndû ûyû nî athiî na mbere gûtûthînia nginya rî? Tiga andû a Isiraeli mathiî, nîguo makagooce Ngai-Mûnene, Ngai wao. Anga ndûrona ûrîa Misiri îcûkangîtue?”

Ntha 23:33

Mûtikanareke andû acio matûûre vûrûrirî wenyu, nîguo matigatûme mwîvie. Mûngîkaagooca ngai ciao, ûcio ûkethîrwa ûrî mûtego mûcûku mûno varî mue.”

Ntha 34:12

Menyerera mûtikarûthe kîrîkanîro na andû a vûrûri ûrîa mûkûthiî gûtonya, nîûndû mûngîrûtha kîrîkanîro nao ûndû ûcio wavota gûtuîka mûtego gatagatî kenyu.

Ntha 34:16

Anake enyu mangîkaavikia erîtu a andû acio ageni, erîtu acio makîgooca ngai ciao nîmagaatûma anake enyu matuîka tî evokeku na nîmakaagooca ngai cia erîtu acio.

Ezek 28:24

Ngai-Mûnene augîte atîrî, “Gûtigaacoka kwoneka ûndû rîngî wa kwîgwithia andû a Isiraeli ûrûrû ta ûrîa mwîgua kana cong'e imundaga mûndû umîte na mavûrûrirî marîa mariganîtie nao. Na nîmakaamenya atî nînie Ngai-Mûnene Ngai.”

Ndari 33:55

Nwatî mûngîkaarega kwîngata atûûri a vûrûri ûcio onthe, arîa magatigara nîmakaamûva thîna. Makeethagîrwa mekariî ta ivuti irî methorî menyu kana ta mîgua îmûrigicîrîtie.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Gûco 29:28

Ngai-Mûnene nîwarakarire mûno nî o, na nîwamarutire vûrûrirî wao na akîmavira vûrûrirî mûgeni, na nîkuo matûûraga nginya ûmûnthî.’

Gûco 30:18

nîramwîra ûmûnthî, atî nwanginya mûgaakua. Mûtigaatûûra îvinda îraca kûu vûrûrirî ûrîa mûthiîte kwîgwatîra mûringo wa rûnjî rwa Jorodani.

Gûco 4:26

Ûmûnthî nîngwîta îgûrû na nthî ituîke aira atî, mwarega kûmbathîkîra mûrî vûrûrirî ûcio mûthiîte gûtûûra, nîmûkaathirua viû. Mûtigaatûûra kuo îvinda îraca, nwatî nîmûkaathirua viû.

Gûco 7:16

Na nîmûkaaûraga andû arîa onthe Ngai-Mûnene, Ngai wenyu akaarekereria kûrî mue. Mûtikameguîre ntha kana mûtungatîre ngai ciao, nîûndû ûcio ûkethîrwa ûrî mûtego kûrî mue.

2Tim 2:26

Na njîra ta îno nwa mecokere na makaûrîra mûtego wa Ngoma ûrîa wamagwatire na agîtûma mekage ûrîa ke akwenda.

Atir 2:21

ndigûcoka kwîngata rûrîrî wanarî rûmwe rwa ndûrîrî irîa ciatigirwe nî Joshua rîrîa aakwire.