Josh 22:30 - ÎVUKU RÎA ÛVORO MWARO

³⁰ Rîrîa Finehasi ûrîa warî mûthînjîri-Ngai na atongoria îkûmi arîa maarî nake na anene a mîvîrîga îrîa yarî mwena wa îthûîro megwire ûrîa andû a mûvîrîga wa Reubeni, Gadi na Manase ya mwena wa îrathîro maaugire nîmaakenire.

Josh 22:30 Referencias Cruzadas

Kîam 28:8

Kwoguo rîrîa Esaû aamenyire atî aka a Kanaani matiakenagia îthe,

2Maû 30:4

Mûthamaki na andû onthe nîmoonire mûvango ûcio ûrî mwagîrîru.

Esita 1:21

Mûthamaki, anene na atongoria nîmendire rîciria rîu na mûthamaki agîka ûrîa Memukani aaugîte.

Nthi 15:1

Gûcokia ûndû na ûvoreri nî kûthiragia marakara, nwatî kûgûkia mûndû kûretage marakara.

Ciîko 11:18

Nao etîkia acio megua ûguo nîmaathiririe ngarari na makîgooca Ngai makiugaga atîrî, “Kwoguo Ngai nîavete wana andû a ndûrîrî kanya ga kwîrira nîguo matûûre mwoyo!”

Josh 22:29

Tûtingîregana na Ngai-Mûnene na tûtume metha ya kîgongoona îngî îrîa îngîrutîrwa magongoona, tiga îrîa ya Ngai-Mûnene, Ngai wetû îrîa îrî mbere ya îgema rîake rîa gûtûnganwa.”

Josh 22:31

Nake Finehasi mûvîcî wa Eliazaru mûthînjîri-Ngai nîwamerire atîrî, “Rîu nîtwamenya atî Ngai-Mûnene arî natue. Mûtinaregana nake, kwoguo nîmwavonokia andû a Isiraeli kuuma kûrî îverithia rîake.”

Josh 22:33

Andû a Isiraeli nîmaakenire na magîkumia Ngai nîûndû wa ûguo gwekîkire. Nao matianacoka kwaria ûvoro wîgiî kûrûa na andû a mûvîrîga ya Reubeni na Gadi na gûcûkangia vûrûri ûrîa maatûûraga.

Atir 8:3

Mbere ya maûndû monthe, vinya wa Ngai nîwamûvotithirie kûûraga anene aîrî a Midiani, Orebu na Zeebu. Nie mbîkîte ûndû ûrîkû ûngîgananua na ûcio?” Rîrîa Gideoni aaugire ûguo, marakara ma andû acio a Efiraimu nîmaathirire.

1Sam 29:6

Akishi nîwetire Daudi na akîmwîra atîrî, “Nie nevîta na Ngai-Mûnene ûrîa ûtûûraga mwoyo atî we nîwîthîrîtwe ûndungatîrîte na wîvokeku, na nîngîakena kethîrwa nî twathiî nawe mbaararî nîûndû ndirî nakwona na îvîtia wanarî rîmwe kuuma mûthenya ûrîa waûkire kûrî nie nginya ûmûnthî. Nwatî atongoria arîa engî matirakwenda.