Josh 22:29 - ÎVUKU RÎA ÛVORO MWARO

²⁹ Tûtingîregana na Ngai-Mûnene na tûtume metha ya kîgongoona îngî îrîa îngîrutîrwa magongoona, tiga îrîa ya Ngai-Mûnene, Ngai wetû îrîa îrî mbere ya îgema rîake rîa gûtûnganwa.”

Josh 22:29 Referencias Cruzadas

Kîam 44:17

Nwatî Josefu nîwamerire atîrî, “Naarî! Nie ndingîka ûguo! Nwa mûndû ûrîa ûraarî na gîkombe ûgûtuîka ngombo yakwa. Nwatî mue cokani kûrî aguo na thayû.”

Kîam 44:7

Nao nîmaamûririe atîrî, “Mwathi wetû, ûkîaria ûguo ûrenda kuga atîa? Nama tûtirî eku ûndû ta ûcio.

1Atha 21:3

Nwatî Nabothi nîwerire Ahabu atîrî, “Nevîta na rîîtwa rîa Ngai-Mûnene atî ûguo ûroûra nîngînenganîra mûgûnda ûyû wa mîthavibu nîûndû naaûgaire kuuma kûrî methe makwa!”

2Atha 18:22

“Nwatî mûngîmbîra atî mwîvokete Ngai-Mûnene Ngai wetû, menyani atî Hezekia nîwacûkangirie kûndû kûrîa gûtûgîru kûrîa Ngai-Mûnene aagoocagîrwa na akîomomora metha cia kîgongoona na akîra andû a Juda na a Jerusalemu magoocagîre metharî ya kîgongoona îrîa îrî Jerusalemu.

2Maû 32:12

Kinthî Hezekia ûyû twake womomorire kûndû kûrîa kwagoocagîrwa ngai cia mîvuanano na akiunanga metha cia magongoona, agîcoka akîatha andû a Juda na a Jerusalemu magoocage na mavîvagîrie magongoona metharî îmwe tu ya kîgongoona?

Aroma 3:6

Naarî! Ethîrwa Ngai tî wa kîvooto, angîvota atîa gûcirithia andû onthe a nthî?

Aroma 6:2

Naarî! Tue twakwire ûvororî wa mevia kûngîvoteka atîa tûthiî na mbere na kwîvia?

Aroma 9:14

Rîu nîtuga atî Ngai ndatûmagîra kîvooto? Naarî.

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Josh 22:23

Ethîrwa nîtwaregire kwathîkîra Ngai-Mûnene na tûgîtuma metha yetû ya kîgongoona nîguo tûrutagîre magongoona ma kûvîvua kana magongoona ma irio kana ma thayû vo, Ngai-Mûnene ke mwene arotûverithia.

Josh 22:26

Kîu nîkîo gîatûmire tûtuma metha ya kîgongoona. Tûtiamîtuma îrî ya kûrutîra magongoona ma kûvîvua kana ya kûrutîra matega.

Josh 22:28

Tweciragia atî ethîrwa ûndû ûcio nîûgekîka, njiarwa cietû nîikaauga atî, ‘Taroria! Methe metû maatumire metha ya kîgongoona îkariî ta metha ya Ngai-Mûnene ya kîgongoona. Ndîarî ya kûrutîra matega ma kûvîvua kana ya kûrutîra magongoona, nwatî maamîtumire ûrî ûndû wa kwonania atî wanatue tûrî a Ngai-Mûnene’.

Josh 22:30

Rîrîa Finehasi ûrîa warî mûthînjîri-Ngai na atongoria îkûmi arîa maarî nake na anene a mîvîrîga îrîa yarî mwena wa îthûîro megwire ûrîa andû a mûvîrîga wa Reubeni, Gadi na Manase ya mwena wa îrathîro maaugire nîmaakenire.

Josh 24:16

Nao andû nîmaacokirie atîrî, “Tue tûtingîtungatîra ngai ciîngî, tûgatungatagîra Ngai-Mûnene!

1Sam 12:23

Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.