Josh 22:26 - ÎVUKU RÎA ÛVORO MWARO

²⁶ Kîu nîkîo gîatûmire tûtuma metha ya kîgongoona. Tûtiamîtuma îrî ya kûrutîra magongoona ma kûvîvua kana ya kûrutîra matega.

Josh 22:26 Referencias Cruzadas

Isaia 19:19

Mûthenya ûcio gûkethîrwa kûrî na metha ya kîgongoona ya Ngai-Mûnene vûrûrirî wa Misiri, na gîtugî Kîammûrîrîtwe Ngai-Mûnene kîrî mûvakarî wa vûrûri ûcio.

Josh 22:25

Ngai-Mûnene nîwathondekire rûnjî rwa Jorodani rûtuîke mûvaka wa andû a mûvîrîga wa Reubeni na Gadi. Mue mûtiagîrîrwe nî kûgooca Ngai-Mûnene.’ Nacio njiarwa cienyu nwa itûme njiarwa cietû itiga kûgooca Ngai-Mûnene.

Josh 22:27

Vandû va ûguo, twatumire metha ya kîgongoona ûrî ûira wa kwonia njiarwa cietû na cienyu na njiarwa irîa igaûka atî nîtûgoocaga Ngai-Mûnene tûrî îgemarî rîake rîtheru. Tûretaga matega metû îgemarî rîake rîtheru nîguo mavîvue na tûrî na magongoona na matega ma thayû. Ûndû ûcio warî wa gûtûma njiarwa cienyu itikeere njiarwa cietû atî tue tûtirî a Ngai-Mûnene.

Josh 22:29

Tûtingîregana na Ngai-Mûnene na tûtume metha ya kîgongoona îngî îrîa îngîrutîrwa magongoona, tiga îrîa ya Ngai-Mûnene, Ngai wetû îrîa îrî mbere ya îgema rîake rîa gûtûnganwa.”

Atir 6:24

Gideoni nîwatumîre Ngai-Mûnene metha ya kîgongoona vau, na akîmîtuîra rîîtwa, “Ngai-Mûnene nî thayû.” Metha îo ya kîgongoona îtwîre kûu îtûûrarî rîa Ofira kwa mbarî ya Abiezeri.