Josh 22:18 - ÎVUKU RÎA ÛVORO MWARO

¹⁸ Ûmûnthî mûngîrega kûrûmîrîra Ngai-Mûnene na mûregane nake, rûyû nî akaarakara nî andû onthe a Isiraeli.

Josh 22:18 Referencias Cruzadas

2Sam 24:1

Ngai-Mûnene nîwarakarirue nî Aisiraeli rîngî, na nîwerire Daudi athiî kûrî o nîguo marakare na akîmwîra atîrî, “Thiî na ûtare andû a Isiraeli na a Juda.”

1Atha 9:6

Nwatî ethîrwa mue kana njiarwa cienyu nî mûkaarega kûnûmîrîra kana mûrege kwathîkîra mawatho makwa na irîra cia watho wakwa ûrîa nîmûvete, na mûgooce ngai ciîngî,

2Atha 17:21

Vuva wa Ngai-Mûnene kwamûrania andû a Isiraeli na andû a mûvîrîga wa Daudi, andû a Isiraeli nîmaatuire Jeroboamu, mûvîcî wa Nefati mûthamaki wao. Jeroboamu nîwatûmire andû a Isiraeli matiganîrie Ngai-Mûnene na agîtûma meke wîvia mûnene.

1Maû 21:1

Caitani nîwavangire kûretera andû a Isiraeli thîna na nîwatûmire Daudi atare andû a Isiraeli.

1Maû 21:14

Ngai-Mûnene nîwatûmire mûrimû vûrûrirî wa Isiraeli na arûme ngiri mîrongo mûgwanja (70,000) nîmaakwire.

2Maû 25:27

Kuuma rîrîa Amazia aatiganîrie Ngai-Mûnene andû a Jerusalemu nîmaavangire maregane nake. Mûthiiarî nîwaûrire akîthiî îtûûrarî rîa Lakishi. Nwatî andû acio maareganaga nake nîmaatûmire andû mathiî mamûrûmîrîrie kûu Lakishi na nîmaamûragîre kuo.

2Maû 34:33

Mûthamaki Josia nîwathiririe mîvuanano yonthe îrîa yarî mûgiro vûrûrirî wonthe wa andû a Isiraeli na agîtûma andû onthe arîa maarî Isiraeli matungatagîre Ngai-Mûnene, Ngai wao. Andû matiatiga kûrûmîrîra Ngai-Mûnene, Ngai wa methe mao ûtûûrorî wonthe wa mûthamaki Josia.

Alawi 10:6

Musa nîwacokire akîra Aroni na avîcî ake, Eliazaru na Ithamaru atîrî, “Mûtikarege gûcanûra njuîrî cienyu kana mûtembûrange nguo cienyu atî nîguo mwonanie mûrî na kîeva. Mweka ûguo mûgaakua, na Ngai-Mûnene akaarakara nî andû onthe. Nwatî andû enyu a Isiraeli nwa macakae nîûndû wa ikuû ino ciumanîte na mwaki ûrîa umire kûrî Ngai-Mûnene.

Ndari 16:22

Nwatî Musa na Aroni nîmaaturumithirie mothiû mao nthî na makiuga atîrî, “We Ngai, nîwe kiumo gîa ûtûûro wa andû onthe. Mûndû ûmwe angîkûvîtîria ûrakaragua nî andû onthe?”

Ndari 32:15

Mue andû a Reubeni na a Gadi mwarega kûrûmîrîra Ngai-Mûnene, ke nîakaamûtiganîria werûrî rîngî, na nîmûgaatûma andû aya onthe mathire.

Gûco 7:4

nîûndû nwa matûme ciana cienyu itiganîrie Ngai-Mûnene na ciambîrîrie kûgooca ngai ciîngî. Ingîka ûguo, Ngai-Mûnene nîakaarakara nîmue na amûthirie wa rîmwe.

Josh 22:15

Nao nîmaathiîre Gileadi kûrî andû a Reubeni, Gadi na nuthu ya mûvîrîga wa Manase a mwena wa îrathîro.

Josh 22:16

Nîmaaririe vandûrî va andû onthe a Ngai-Mûnene na nîmaaûririe atîrî, “Nîkwa mûrekire ûndû ûyû mûcûku ûguo wa kûregana na Ngai wa Isiraeli nîkî na mûgîîtumîra metha ya kîgongoona? Mue mûtiramûrûmîrîra.

Josh 22:20

Taririkanani ûrîa Akani mûvîcî wa Zera aaregire kwîvokeka maûndûrî megiî indo irîa ciatuîtwe icûkangue. Andû onthe a Isiraeli nîmaaverithirue nîûndû wa ûndû ûcio. Kwoguo tî Akani wenga wakuire nîûndû wa mevia make.”

Josh 7:1

Ngai-Mûnene nîwathîte andû a Isiraeli matigakuue kuuma Jeriko kîndû wanarî kîmwe Kîam irîa ciarî icûkangue. Nwatî nîmaaregire kwathîka nîûndû Akani mûvîcî wa Karîmi nîwakuuire indo imwe irîa ciarî nyamûre. Nîûndû wa ûguo Ngai-Mûnene nîwarakarirue nî andû a Isiraeli. Karîmi îthe wa Akani aarî mûvîcî wa Zabidi, Zabidi aarî mûvîcî wa Zera wa mûvîrîga wa Juda.

Josh 7:11

Aisiraeli nîmevîtie! Nîmaregete kwathîkîra kîrîkanîro gîakwa kîrîa namaathire mavingie. Nîmocete indo imwe cia irîa nameerire macûkangie magaciîa, makaveenania na magîciiga vamwe na indo ciao.

Josh 7:21

indo imwe cia irîa twacûkangagia nînonire nguo mbaro yarî ya kuuma Babuloni, kilo igîrî cia sîlûva na thaavu yarî na ûrito wa nuthu kilo. Nonire irî mbaro na ngîciîrirîria na ngîcioca. Indo icio nîithithîte îrimarî nenjire îgemarî rîakwa. Mûgaaciona irî vamwe na sîlûva îrî rungu rwa cio.”

1Sam 12:14

Ethîrwa mue nîmûgûtîîa Ngai-Mûnene, Ngai wenyu, mûmûtungatagîre, mûmûthikagîrîrie, na mwathîkagîre maathani make, na ethîrwa mûthamaki wenyu akaarûmagîrîra Ngai wenyu-rî, maûndû makethîrwa marî maro.

1Sam 12:20

Samueli nîwerire andû acio atîrî, “Tigani kûmaka, wana ethîrwa nîmwîkîte wîvia wa mûthemba ûcio, mûtigatiganîrie Ngai-Mûnene, nwatî mûmûtungatîreni na ngoro yonthe.